This topic contains 10 replies, has 1 voice, and was last updated by 
-
Topic
-
Góðan dag
Ég er með bilað display fyrir áttavita og hitamæli í Toyota Tacoma 2005.
Nýtt svona er ekki til hjá Toyota og því datt mér í hug hvort það væri hugsanlega einhver sem tæki að sér að gera við svonalagað. Ég þykist vita að þetta sé eitthvað sambandsleysi þar sem þetta var að detta út og inn áður en það fór alveg.
Allar hugmyndir vel þegnar.kv, Elvar Árni
-
Replies
-
Nú bregðast krosstré sem önnur tré.
Hélt að það myndi rigna inn tillögum hvernig má lagfæra svona.
Eftir örstutta leit á netinu fann ég út að þessi display bila oft í Tacomu og lærði líka hvernig á að ná þessu úr bílnum. Gerði það og um leið og ég fiktaði í þessu datt þetta inn í smá stund. Þá er þetta sambandsleysi trúi ég, léleg lóðning t.d.Veit ekki einhver um góðan rafeindavirkja sem getur yfirfarið viðnám og skipt um ef á þarf að halda?
kv, E
sæll eru ekki strákarnir hjá nesradíó nokkuð góðir í svona málum
kv Heiðar U-119
kom ekkert fram hvað var að bila á þessum upplýsingum á netinu?? Eða var það bara sambandsleysi??
Kv, Kristján
Sælir
Það sem þeir tala um í USA er að lóðningarnar séu bara lélegar og bráðni í hita eða gefi sig vegna titrings. Þessar síður sem ég fann um þetta segja allar það sama, að maður eigi að taka þetta úr og fá einhvern til að yfirfara lóðningar og betrumbæta. Að kaupa nýtt unit sé ávísun á að þetta gerist bara aftur.kv, E
Getur kíkt með þetta til dæmis til strákanna niðrí Múlaradió. Þeir geta örugglega lóðað þetta upp fyrir þig.
Sælir
Þótt nokkuð langt sé um liðið langar mig að deila með ykkur reynslunni af þessu display vandamáli.
Eftir stutta leit á netinu fann ég hvernig ætti að taka þetta úr innréttingunni án þess að rífa hana í tætlur. Þá kemur þessi mælir úr og ekki er þetta merkilegt unit. Eitt kísilspjald og nokkrir þéttar
Samkvæmt góðri ráðleggingu af 4×4 síðunni fór ég með þetta í Nesradíó í Síðumúlanum. Þar var mér tekið mjög vel og sá sem þarna var leit á þetta með stækkunargleri og sá um hæl að nokkrar lóðningar voru farnar eða við það að fara. Hann lagaði þetta fyrir mig á staðnum og tók fyrir það 1.500 kall. Frábær þjónusta og þetta hefur verið til friðs síðan.
Ég verð að taka það fram að þeir í Toyota buðust til að panta fyrir mig nýtt display, þar sem að þeirra sögn var ekki hægt að gera við þetta – en það reyndist taka 5 mín í Nesradíó + 10 mín sem það tók mig að losa og setja aftur í.
Á Tacoma vefsíðunum var hinsvegar varað við því að kaupa nýtt þar sem verðið þykir nokkuð hátt og nýtt display er með jafn lélegar lóðningar. Ég sá ekki eftir að hafa farið í þetta sjálfur, sparaði mér þar nokkrar krónur, eða 100.000 kallinn sem Toyota bauð mér nýtt display á!!!
Ég er með sennilega ennþá einfaldara display en þú þar sem ég er með Lc 60. Í honum er skjár sem sýnir inni og útihitann og hann var einmitt svona eins og þú lýsir að detta inn og út. Ég fór í umboðið fyrir ca 5 árum og ætlaði að fá þetta nýtt því þá var það alveg dottið út. Það kostaði þá einungis 45 þúsund. Ég spurði manninn hvernig það gæti bara verið, þá var hægt að kaupa vídeotæki eða dvd spilara fyrir 5 þúsund kall og þar er mun merkilegra display að finna fyrir utan alla aðra fítusa sem er í svoleiðis tækjum. Hann vissi auðvitað ekkert um það en sagði þetta verðið á þessu hjá þeim. Ég reif draslið úr og viðgerðin tók um 5 mín með stækkunargleri og lóðbolta 😉
Kv Beggi
Þetta er flott redding,
Náttúrulega bara djók að ætla rukka 100 kall fyrir þetta display, eitthvað sem er ekki neitt neitt og ert í sama vandamálinu.
Kv, Kristján
Góðan daginn,
já þeir eru samir við sig þessir andskotar.
En já það borgar sig oft að kíkja á hlutina sjálfur eða jafnvel að fá einhvern til að gera fyrir mann ef þumlarnir eru að þvælast fyrir manni 😉
Kveðja Hjörtur og JAKINN.is
Var að lenda í svipuða hjá IH þar átti loftflæðinemi í Terrano að kosta 98000 kr NÍUTÍUOGÁTTAÞÚSUND!!!!!!!! fékk oginal frá bosch í N1 fyrir 29Þ þá eru þeir búnir að leggja á álagningu og allt.
Endilega passið ykkur á umboðunum og póstið inn ef þið finnið ód valkosti
okurkveðja Gísli
You must be logged in to reply to this topic.