This topic contains 34 replies, has 1 voice, and was last updated by 
-
Topic
-
Mig langaði að vita hvort einhver kann einhverjar skýringar á vandamáli sem hefur verið að plaga Patrolinn undanfarið.
Hann má varla sjá brekku þá byrjar hitamælirinn að stíga.Ég hef ekki leyft honum að fara upp að rauða strikinu en hitamælirinn sveiflast upp og niður t.d. ef ég ek upp Kambana fer hann upp 2/3 en dettur niður í 1/4 þegar ég fer niður Skíðaskálabrekkuna.Ég hef prófað ýmislegt eins og skifta um vatnslás,lokið á vatnskassanum, kúplinguna á viftuspaðanum ,sett í hann þriggja elementa vatnskassa og lagað tektina aftan á vatnskassanum sem einhver sérfræðingur klippti hressilega úr þegar bíllinn var hækkaður á boddíi.
Ég hef verið að velta því fyrir mér hvort vanstilling eða bilun í olíuverkinu geti valdið þessu.
Annað sem mér finnst athyglisvert er að þó að hitamælirinn sýni að vélin sé heit þá er olíukælirinn kaldur viðkomu.Vonandi getur einhver galdrakall skírt þetta út fyrir mér.
-
Replies
-
Anonymous- Umræður: 0
- Svör: 16404
Sæll Stjáni.
Mig langar að vita hvað gerðist í upphafi, þ.e áður en þú byrjaðir að skipta um allt dótið.
Var bíllinn þá með orginal lúinn vatnskassa og byrjaði að hita sig og þú settir 3ja raða vatnskassa í og ekkert breyttist?Kveðja Jón
Fyrri eigandi skifti um vatnskassa árið 2000 og sett í orginal stærð,nýlega skifti ég um kassa setti í þriggjaraða kassa.Ekki var nokkur breyting sjáanleg,við sama tækifæri færði ég kassann neðar svo að sama afstaða væri á viftuspaðanum miðað við vatnskassann væri og er orginal.
Eins og ég hef sagt áður þá var skorið úr trektinni aftan á kassanum þegar bíllinn var hækkaður á boddýi.Þegar ég færði kassann lagaði ég trektina svo að nú er ég með stærri kassa og meira loftflæði en ekkert breyttist.Einnig er búið að mæli bústið frá túrbínuni og er það eðlilegt.
Kveðja Stjóni
Anonymous- Umræður: 0
- Svör: 16404
Sæll vertu
Í L 300 bíl var áberandi hitamál sem engin skýring virtist vera á. Þessi bíll er óbreyttur.
Að lokum kom í ljós að dæluhjólið í vatnsdælunni var hreinlega ryðgað í burtu. Var semsagt tannlaust.Í oilkælinum í Patrol er hægt að renna ventlinum úr að neðan,snúa honum við og setja uppí aftur. Þá er oilkælir óvirkur.
kveðja Árni
Þetta er greinilega hið skemmtilegasta mál sem er í gangi hjá þér stjóni!
Væri ég þú þá mundi ég fullvissa mig um að það sé vandamál til staðar með því að smella öðrum hitamæli í trukkinn. Langsótt, en menn hafa verið komnir með snöruna um hálsinn reiðubúnir í hengingu við að finna út úr hitavandamálum sem voru svo aldrei til staðar.En af því að hér er á ferðinni grunsamlegt mál þá er kannski rétt að benda þér á fleiri atriði sem hugsanlega geta verið að stríða þér. Vatnshosur eiga það til að trosna að innan og hanga þá gúmíflipar inni í þeim sem hindra verulega vatnsrennsli. Gormhosur eiga þetta til einkum og sér í lagi. Einnig er til í málinu að það sé hreinlega brot í hosum þannig að þær lokast þegar þær hitna (neðri hosan t.d)
Nú er mér ekki kunnugt um að hjólin í vatnsdælum á Nissan hafi nokkurntímann losnað, en einu sinni verður allt fyrst. Vitaskuld gæti það orsakað veruleg hitavandamál.
Eins og þú lýsir þessu máli þá er klárlega ekkert að heddinu enda væri græjan farin að blása all hressilega út í vatnsgang væri það raunin. Vanstilling á boostþrýstingi eða olíumagni mundi varla leyna sér. Væri of mikið olíumagn á ferðinni þá mundi gripurinn reykja eins og skorsteinn. Of hár boost þrýstingur framkallar ekki hita einn og sér, þvert á móti ef þú ert með góðann intercooler.
Aðallega þarft þú sem sagt að komast að því hvort að það sé öflug hringrás kælivatnsins í gegnum vatnskassann, sem getur varla verið því að þá mundi tækið varla hita sig eins og raun ber vitni, nema að hann sé bara alls ekki að hita sig
Gangi þér vel í baráttunni.
Anonymous- Umræður: 0
- Svör: 16404
Hvað með vatnslásinn, er hann að vinna rétt?
K/OE
Þó ég hafi skift um vatnslás er smuga að hann sé ekki að vinna rétt,ein vísbending um það er að eftir að hann hitar sig t.d. í Kömbunum og ef maður fer niður brekku þá dettur hitinn mjög langt niður og fer smá tíma neðar en hann er í innanbæjar snattinu.
Kveðja Stjóni
Anonymous- Umræður: 0
- Svör: 16404
Sæll Stjáni.
Þú þarft endilega að vera viss um að hitamælirinn sé í lagi, ég er reyndar nokkuð viss um að svo sé, en ég hef grun um að þetta liggi í nýja fína þriggja raða vatnskassanum, þeir henta ekki öllum bílum. Stundum þegar settur er þykkri vatnskassi þá er hann það þéttur að loftið kemst ekki nógu hratt að silikon viftuni til að hita hana til að hún læsist og þá gerir hún ekkert annað en að snúast um sjálfa sig og enginn trekkur er gegnum vatnskassan til að hann geti unnið vinnuna sína.
Þetta gerist þegar þú ert á leiðinni upp brekkur og vélin er undir miklu álagi og svo ferðu niður brekkuna, þá eykst trekkurinn í gegnum vatnskassann, hitinn lækkar of mikið því að vatnskassinn er of stór, hann kælir of mikið.Prófaðu að setja standard vatnskassa í bílinn og sjáðu hvað gerist, þessi sem var í hlítur að hafa verið eitthvað dapur.
Kveðja Jón
Það er búið að prufa að festa viftuna og það var ekki að breyta neinu svo maður fer kannski að halta að það ætti að rífa vatnslásinn úr og sjá hvað hann gerir þá.
Hlynur R2208
Anonymous- Umræður: 0
- Svör: 16404
Hér koma nokkur atriði til að skoða þegar hitamælirinn fer á flakk í Patrol sem og öðrum bílum. Það er kannski búið að nefna þetta flest hér fyrir ofan en ég læt þetta samt fara.
-Hitamælir, bilaður sýnir ekki rétt. -Reimar, slakar eða ónýtar. -Vatnskassi, fúinn, stíflaður eða ekki nægileg loftrás að og frá. -Vatnslás, (full) opnast ekki. -Vatnsdæla, dæluhjól úr lagi gengið, tært eða brotið. -Kúpling viftuspaða, vinnur ekki rétt, tengir ekki. -Kælivatn, tapast af kerfi, leki innvortis (smurolía, púst) eða lekur út, ekki rétt hlutfall frostlögs og vatns. -Hosur, trosnaðar eða klemmdar.
Svo eru sjálfsagt fleiri atriði eins og ef búið er að auka það mikið við olíuverkið að afgashitinn frá vélinni er orðin allt of hár sem leiðir af sér yfirálag á kælikerfið. Eða menn eru búnir að ná sér í fleiri hestöfl með með einhverjum árangri, þá eykst jafnframt álagið á kælikerfið hlutfallslega og styttra verður í hitavandamál og hugsanlega þörf fyrir stærri vatnskassa.
K/OE
Sæll Kristján.
Mér leikur forvitni á að vita hvernig hitavandamálið endaði hjá þér? Ég á við sama vandamál að stríða og er í raun búinn að skoða allt. Nýr þriggja laga vatnskassi, ný vatnsdæla ,nýr vatnslás , nýr skynjari fyrir hitamælir , viftukúpling hefur verið prófuð í öðrum bíl og reyndist þar í lagi , nú síðast tók ég heddið af (er reyndar bara búinn að keyra 40.000 á þessu heddi )og er það nú í testi hjá Kistufelli , en reyndar sást hvergi að það hafi blásið með.
Bíllinn er ’89 mótel með 2,8 . Reyndar stóð hann hjá mér inni í skúr í rúm tvö ár meðan á breytingum stóð og man ég ekki eftir þessu vandamáli áður.
Sællir.
Ég, eða pattin minn, átti við hitavandamál að stíða. Fór í gegnum allan þennan pakka, nýr vatnkassi ofl. Það sem var að var að undir álagi fór vélin að blása lofti í vatnið. Þetta var ekki greinanlegt við venjulegar kringumstæður allavega ekki til að byrja með. Endaði með þvi að plana blokk og hedd.
kv,
Guðjón
Sælir.
Átti "94 Patrol sem átti til að hita sig upp brekkur og undir álagi. Vísustu menn voru ekkisammála um hvað væri að.
Ég aftengdi yfirfallslönguna á vatnsforðabúrinu og setti venjulega blöðru á stútinn ( svona 17 júní blöðru ) henntist upp næstu brekku og viti menn blaðran var tilbúin fyrir næstu þjóðhátíð. Sem betur fer var heddið ekki sprungið heldur ónýt heddpakning.Vonandi kemur þettað að gagni, lengi lifi funheitur Patrol.
kv
Óli Hall.
Ég hef ekki fundið neitt út úr þessu.Þetta lýsir sér ekki þannig að bíllinn rjúki upp á rauða og sé þar, hann sígur upp fyrir miðju og kannski í verstu tilfellum upp í 23.En út af þessu er ég ekki að beita honum í brekkum og þungu færi eins og ég gæti.Eitt þykir mér undarlegt, það er ef hann hitnar í brekkum eins og Kömbunum þá að þegar álagið á bílinn minnkar t.d. niður næstu brekku þá fer hitamælirinn neðar en hann er í innanbæjarsnattinu.Auðvitað gæti það bent til þess að vatnslásinn væri ónýtur en þetta var bara nákvæmlega eins með gamla vatnslásnum.
Láttu mig endilega vita ef þú finnur eitthvað út úr þessu.
Anonymous- Umræður: 0
- Svör: 16404
Sæll stjoni,
ertu búinn að fara upp í Kistufell. Ég er næstum viss um að heddið sé eitthvað að plata þig. Fyrst þú segist vera búinn að prófa flest. Farðu upp í Kistufell og talaðu við þá. Fínir peyjar þar. Annars eru þessar Patrol tíkur endalaust vesen.
Jónas
You must be logged in to reply to this topic.