This topic contains 14 replies, has 1 voice, and was last updated by 
-
Topic
-
Er til einhver þumalputta regla hversu hátt vatnskassi á að standa vs. vél. Er með Patrol 2.8 og er hæðin á kassanum hjá mér eins og á að vera orginal. Setti í hann 4.2 Patrol og stendur hún nokkuð hærra í húddinu. Eru einhver sértök viðmiðunarmörk miðað við vél hvað kassin á að standa hátt ?
Kv. Júnni
-
Replies
-
Geri ráð fyrir að menn vilji tryggja að ef gasbóla (eða gufubóla) myndast að hún safnist upp efst í vatnskassanum ekki efst í heddinu með tilheyrandi ofhitnun.
Hún getur svo farið áfram út ef vantskassinn er útbúin kút fyrir frostlög eins og nær allir bílar eru í dag.
Hef hinsvegar ekki reynslu eða viðmiðunartölur á reiðum höndum.
mbk.
l.
Ef menn eru með þrýstikerfi það er með tappa sem heldur uppi þrýstingi á kerfinu þá má vatnskassinn vera neðar en efsti punktur vélar eða miðstöðvar. Það sem þarf hins vegar að gæta að er að það séu lofttappar á hæstu punktum og einnig á stöðum sem eru miklar lykkjur á. Á Patrol 2,8 er lofttappi á efri vatnshosuni og einnig er lofttappi við miðstöðvarelementið sem er aftur í bílnum ef hann er útbúinn með því.
Mér skilst að það sé mjög ólíklegt að jafn stór vatnskassi dugi til kælingar fyrir 4,2 vél og 2,8 vél. Rúmtaksmunurinn milli þessar tveggja véla er 1,4 lítrar – við getum líka orðað þetta þannig að 4,2 vélin sé 50% stærri að rúmtaki. Það þýðir að kælikerfið þarf að flytja burtu umtalsvert meiri varma frá brunanum í vélinni. Flest bendir því til þess að það þurfi bæði að auka kæliflötinn – þ.e. setja stærra element í kassann – og líka jafnvel að auka blásturinn með t.d. viðbótar viftu, sem væri þá hitastýrð með thermostati.
kv.
Anonymous- Umræður: 0
- Svör: 16404
er ekki miklu einfaldara að tengja aukaviftuna bara á takka, maður veit allveg hvenar maður er að þenja mótorinn og vatnshitamælirinn og góð augu ættu að geta tekið við af thermostati…
en hvað veit ég…veit ekki einu sinni hvar þú myndir setja þetta thermostat né hvað það kostar 😛
Miðað við bækurnar þá er vatnskassinn sá sami orginal fyrir 4.2 og 2.8. (þeas. flatarmálið, menn geta svo fengið sér þykkari).
Málið er að 4.2 vélin ætti ekki að vera að hitna jafn mikið og 2.8 vélin þar sem hún er ekki undir eins miklu álagi.
Það væri fróðlegt að vita hvað kom út úr þessu hjá Júníusi.
-haffi
Kæliþörfin fylgir fyrst og fremst afli vélarinnar. Orkan sem losnar þegar eldsneytið brennur í dísel vél fer í þrennt, að snúa sveifarásnum, hita pústið og hita kælivatnið. Þessir þrír þættir eru álika stórir, og ef vél er í lagi og rétt stillt, þá er þessi skipting svipuð milli mismunandi véla (eðlisfræðin er sú sama).
Þessvegna getur vel verið að vatnskassi sem dugar á 2.8 lítra vél með túrbínu og millikæli, dugi líka fyrir 4.2 lítra vél sem snýst hægar.
-Einar
Ég þykist hafa svolítið fyrir mér í þessu sem ég var að geta um hér áðan, miðað við prívat reynslu mína af tveimur bílum. Hinn fyrri var Ford Bronco, sem var upphaflega með litlu 6 cyl vélinni, sem stundum var kennd við Ford Falcon, mig minnir hún hafi verið 152 cid. Þessi vél var nú ekkert sérstakt raritet, t.d. bara með þrjá höfuðlegubúkka og það fór hjá mér sem fleirum að sveifarásinn brotnaði. Ég eignaðist 200 cid úr Frod Fairmont og henni var torðið ofan í Broncoinn, með smá lagfæringum. En viti menn. Þá fóru hitavandamál að hrella villihestinn. Það var hinsvegar læknað með stærri vatnskassa, skipti yfir í vatnskassa úr diesel-Land-Rover. Málið leyst. Í síðara skiptið var það Hi-Lux, en ég skipti um vél í honum fékk 2,8 vél (Asíu-Ástralíu vélina) og þá fór að bera á hitavandamálum, en að vísu ekki jafn alvarlegum og í Bronconum. Ég reyndi að lifa við þetta og hlífði bílnum eins og ég gat, en næsti eigandi á eftir mér skipti um og setti stærra element, sem leysti málið. Eftir þetta myndi ég ekki reyna að stækka vél með óbreyttu kælikerfi. Ef það er nákvæmlega eins kassi og element í 4,2 Patrol og 2,8 bílnum, þá þykir mér líklegt að einhverjir aðrir þættir hafi meira capacity, svo sem afkastameiri kælivifta.
Ég held að þetta sé alveg rétt hjá þér Hafsteinn að vatnskassinn við báðar vélarnar er sá sami orginal. Ég leysti málið á tiltölulega einfaldan hátt hjá mér . Í fyrsta lagi var ég að taka allt of mikið út úr vélinni , skrúfaði aðeins til baka ( er með afgasmælir ), síðan setti
ég bílinn aftur á orginal hlutföll, var á 5.42 . Þá fór bíllinn loksins að vinna á sínu rétta snúningssviði , 1500-2200 sn.var alltaf að djöflast í 3000sn. Ég er reyndar með þriggja laga kassa og verð ég að segja að ég var að berjast við meiri hitavandamál meðan ég var með 2.8 vélina. Sveifarásinn í 2.8 vélinni er dálítið vinstra megin en í línu á 4.2 vélinni og þar af leiðandi er viftuhlífin ónothæf nema breyta henni verulega og skiptir miklu máli að gengið sé almennilega frá henni.PS. Veit einhver hvar best er að láta flæðimæla kassann?
Kv Júnni R-268
Í dæmunum sem Þorkell nefnir, var verið að skipta í vélar sem eru bæði stærri að rúmtaki, og aflmeiri. Ég lenti í því nýlega að bíll tók upp á því að hita sig. Vandamálið hvarf algjörlega þegar ég fékk nýjan vatnskassa hjá Gretti. Útfellingar og óhreynindi sem safnast innan á vatnskassann með tímanum, virka einangrandi og draga þar með úr varmaflæði. Ef vatnskassinn orðinn nokkura ára, þá má stór bæta kælinguna með því einu að setjan nýjan, jafn stóran kassa, eða element. Grettir og Stjörnublikk geta útvegað stlíkt í marga bíla fyrir lítinn pening.
-Einar
Þetta er alveg rétt hjá EIK. Vatnskassar hafa mislangan líftíma og fer það mikið eftir því í hvaða ásatndi frostlögur/kælivatn hefur verið. Það er nefnilega ekki út í bláloftið þegar talað er um að skipta eigi um frostlög á tveggja ára fresti (gildir um þennan blá glycol frostlög ekki langtímafrostlög) það er vegna þess að þá missir frostlögurinn tæringarvörn en ekki endilega frostþol. Maður hefur séð vatnskassa sem er fimm ára gamall og hann var ónýtur. Ef heddpakkning fer þá aukast útfellingar í vatnskassa. Ef menn eru í vafa þá er hægt að fá í flestum apótekum strimla til að mæla pH gildi. Þetta er gert á skipavélum t.d. til að sjá hvort bæta þurfi tæringarvörn í kælivatni. En nýtt element getur breytt mjög miklu ef menn eru með gamlan vatnskassa. Svo gæti verið munur á vatnsdælum í 2.8l og 4.2l vélunum.
Einar, ég veit að þú hefur mörg hundruð sinnum meiri menntun en ég á sviði eðlilsfræði, en það sem ég var að reyna að koma að var að það er tiltölulega minni munur á 2,4 lítra vél í Toyota og 2,8 vél annars vegar, eða á 2,8 Patrol vél og 4,2 lítra Patrolvél, allavega er í báðum tilvikum verið að skipta um vél og setja aflmeiri vél í stað aflminni. Ef það er rétt, sem ég allavega rengi ekki, að það sé eins vatnskassi í 4,2 l Patrol og 2,8 lítra, þá hlýtur að vera einhver annar munur þarna í milli. Hann gæti legið í meira magni af kælivökva á vélinni, afkastameiri vatnsdælu og afkastameiri viftu. Jafnvel allt þetta. 4,2 vélin hlýtur að prodúsera meiri hita, alveg eins og 2,8 vélin í Toyota prodúseraði meiri hita en 2,4 vélin. Þar virtist hinsvegar vera ámóta magn af kælivökva inni á blokkinni á hverjum tíma, enda mun rúmtaksmunurinn á þessum tveimur vélum fyrst og fremst fenginn að einhverju leyti með meiri borun á cylinder og hinsvegar meiri slaglengd = annar sveifarás. Þar af leiðandi leysti afkastameira vatnskassaelement málið. Í Toyotunni hjá mér bættist líka við eins og hjá öðrum manni hér að ofan að ég skrúfaði upp í olíuverkinu.
Reglan er sú að tappinn með einhverjum kút verður að vera efst hluti kerfisins það þarf ekki að vera vatnskassinn. bara þannig að loft eða eim tappar skiljist úr þar.
Fyrir bílvélar eykst kæliþörfin ekki línulega með vélarstærðinni nema í lausagangi og á meiri afköstum en minni vélin ræður við. Þarna skiptir máli að bíllin þyngist miklu minna en vélin stækkar og ef 33% reglan sem eik talar um er heimfærð upp á þetta kemur í ljós að í venjulegum akstri þarf til dæmis 60 hö til að pattin haldi 100 km hraða með báðum vélunum sem þíðir að kæliþörfin er næstum sú sama með þeim báðum, en ef bíllinn er að nota allt aflið eins og gerist oft í snjóakstri og kerrudrætti er ljóst að kæliþörfin eykst sem nemur stækkun vélarinnar. Svo ræðst það af eigandanum hvort hann notar alt aflið í bílnum, sumir gera það aldrei nema í stuttan tíma í einu og aðrir hlífa þessu ekki neitt og eru alltaf í botni. Síðan er aftur annað mál að datsuninn er oft mjög mikið yfirdimiseraður þannig að ekki er ólíklegt að vatnskassinn dugi í 10 tonna vörubíl.
kv guðmundur
félagi minn átti 4,2 patrol 89 og það var stærri vatnskassi í honum orginal heldur en 2,8 patta sem ég átti sem var líka með orginal kassa
þannig að 4,2 þarf stærri kassa. það er líka mun stærri vatnskassi í 6,2 eða sambærilegri en 2,4 eða einhverju slíku
Kveðja kárinn og þotan
Nú hef ég átt bæði 2.8 árg. ’91 og 4.2 árg. 94 Patrol sem ég er með núna og er sama stærð af vatnskassa í þeim báðum. Hef stækkað þá reyndar báða í 3 elementa. Það hefur aldrei borið á hitavandamálum í 4.2 Patrolnum með þennan kassa.
GG
You must be logged in to reply to this topic.