hitar sig

Athugaðu hvort vatnslásinn sé orðinn ryðgaður og opnist illa. (eða réttara sagt, skiptu um vatnslás fyrst af öllu). Annars er líklegast að þetta sé lélegur vatnskassi.

ef vatnslásinn er farinn þá finnur maður það alltaf með því að þreyfa á vatnskassanum, ef hann er heitur að ofan en kaldur að neðan, þá er það vatnslásinn.

Þetta var nú [url=http://www.f4x4.is/new/forum/?file=bilarogbreytingar/5430:3dlbxd1l]sorgarsaga[/url:3dlbxd1l] hjá mér …
En sniðugt gæti verið að tékka á loftbólum í vatnskassanum – setur góða trekkt ofaní áfyllingarstútinn .. bætir við slatta af vatni/frostlegi svona svo það fljóti aðeins í trekktinni og ef það koma loftbólur, þá skaltu lesa sorgarsöguna .. annars slepptu því

kv. Siggi

fljótlegast finnst mér nú að taka bara slönguna sem fer í affallskútinn og stinga henni í gosflösku með vatni í og sjá hvort að það koma loftbólur, það er miklu erfiðara að sjá loftbólur í trekkt. En hins vegar þætti mér furðulegt að vatnskassar stíflist nema hjá fólki sem skiptir aldrei um kælivökva, ég hef meiri trú á jeppamönnum en það.

Skoðaðu líka viftuna, þetta er kúplingsvifta með silikonfyllingu, þær eru mjög bilanafrekar og endast yfirleitt ekki lengi þar sem silikonið harðnar með tímanum og þá virkar hún ekki neitt. Best er að sjá það með því að sjá hvort hún stoppi alveg þegar hún er á fullum snúningi og þú setur einhverja fyrirstöðu, ég hef yfirleitt bara fórnað hendinni í þetta, hef allavega ekki misst neinar hendur ennþá þannig að þetta ætti að vera nokkuð hættulaust 😉

kv, Ásgeir

Þegar þú segir að hann hiti sig hvað fer mælirinn þá hátt ? Mig minnir að ég hafi séð einhvarstaðar á netinu að það sé ekki óeðlilegt að hitamælarnir í þessum bílum fari í 2/3 á skalanum. Minn bíll færi örugglega yfir 1/2 skala ef ég stæði hann flatan upp Kambana. Fjótlega eftir ég eignaðist bílinn fór ég að taka eftir þessu og hafði af þessu miklar áhyggur. Eftir að hafa skift um allt sem hægt var að skifta um og látið mæla allt sem hægt var að mæla lærði ég bara að lifa með þessu og fer að slá af ef mælirinn fer uppfyrir 1/2. Svona er ég búinn að keyra hann næstum 100.000 km og er enn á fyrsta heddinu 7,9,13. Það er reyndar ekki rétt að taka sénsa á því hita þessa mótora mikið.
Láttu okkur vita hvernig þetta endar.

Kristjón

Ég kíkti aðeins á netið til að reyna rifja upp hvar ég sá þetta með mælinn, það er t.d. hér
http://www.patrol4x4.com/forum/t2878-heating-up-gq.html

Nissan temp guage is overly sensitive. 1/3 on the guage is about 80 degrees, 1/2 is 90 and 2/3-3/4 is 100 degrees. So long as you’re using water/glycol mix it shouldn’t be a problem.

Það var ekki ætlast til að nokkur nennti að lesa svona lengi. Miðað við hvað stafsetningin er léleg hjá mörgum sem skrifa á korkinn þá hélt ég að það tæki flesta marga daga að lesa alla síðuna, en þú býrð sjálfsagt ennþá að því að hafa fengið góða undirstöðumenntun hjá Rúna Bryn í Öldutúnsskóla fyrir aldarfjórðungi eða svo. Kannski við ættum að drífa í því að sparka í dekkin hvor hjá öðrum svo við þurfum ekki að eyðinleggja þennan tækniþráð fyrir manninum.