Hitamælir á sjálfskiptingu

Nú spyr ég bara alveg grænn.

Á maður ekki bara að koma honum fyrir í botni skiptingarinnar, í olíupönnunni? Þ.e. bora gat í botninn á pönnunni og koma hitanema þar fyrir?

Það eru þrír staðir sem eru notaðir.

Leiðslan sem liggur frá skiptingu í kæli
Leiðslan frá kæli í skiptingu
Botninn á pönnunni.

Margir hallast að því að best sé að hafa hann í botninum á pönnunni.

Ef þú lest hinsvegar leiðbeiningar með t.d. B&M mælinum þá er mælt með að setja hann á leiðsluna sem liggur frá kæli. Það er sá vökvi sem smyr skiptinguna og skiptir mestu máli.

Heitasta mæling ætti að vera til kælis en þá er vökvinn að koma frá túrbínunni. Sumir vilja meina að það gefi ekki raunsanna mynd.

Ég er með minn eins og B&M mælti með, þ.e. á lögninni sem liggur frá kæli, en þar sem að ég er með nokkuð stórann kæli þá sínir hann alltaf kalt eða volgt. Ég var að hugsa um að setja annan nema í botninn á pönnunni og hafa rofa á mælinum (get þá skipt á milli mælinga á sama mæli).

JHG

Ég held að menn þurfi ekki að hafa áhyggjur af þessu ef frágangur er góður. Það hefur allavegana aldrei lekið hjá mér við rörið og heldur ekki við tappan sem er í pönnunni (sem er skrúfaður eins og neminn).

Það ættu því að vera svipað miklar líkur á að neminn losni og boltinn í pönnunni á vélinni losni (sem gerist yfirleitt ekki).

Hafa menn verið að lenda í því að þetta losni?

JHG

Hvað með að setja bara nema á alla þrjá staðina, Þá er maður alveg öruglega með alla hitaflóruna, maður getur svo líka reyknað út meðalhitann og að lokum er flottast að vera með eins marga mæla og maður mögulega kemst upp með.

En svo er það annað á alvarlegri nótunum: Þegar ég var að lesa þennan pistil þá fór ég að hugsa að ef að sjálfskiftingar eru að hitna svona við áreynslu, getur þá ekki verið að beinskiftingar séu líka að hita sig undir álagi. Ég er ekki að segja að kettlingur eins og að ég er með undir húddinu geti skapað einhverja hættu, en hvað með aflmeyri og sprækari bíla?

Ég geri líka ráð fyrir að þið séuð með nokkuð sterkar skiptingar. Ætli TH400 og sambærilegt sé ekki málið, og jafnvel búið að styrkja þær eitthvað. Svo reyna menn að setja sömu formúlu fyrir veikari skiptingar og allt fer í steik.

Persónulega finnst mér nauðsynlegt að vera með mæli. Ef vökvinn hitnar mikið þá getur maður brugðist við með að stoppa og láta ganga í P eða N og þá veit maður að það borgar sig að skipta fyrr um vökvann. Einnig bendir það til að það geti borgað sig að kaupa kæli (eða stærri kæli).

Samkvæmt þeim bókum og greinum sem ég hef lesið um sjálfskiptingar þá fara sjálfskiptingar í 90% tilfella útaf of miklum hita.

Það er hægt að taka sénsinn á góðum sumardegi þar sem menn tæta upp brekkur í nokkrar mínútur í senn með viðgerðarlið sem bíður (jafnvel með auka skiptingu) en verra að gera það þegar menn eru í óbyggðum að hjakka í krapa tímunum saman.

JHG

Þetta tengist mikið hvar túrbínan stallar. Málið er samt ekki svona einfallt því aðrir þættir í ökutækinu hafa áhrif á stallið.

Samskonar túrbína getur því stallað á mismunandi snúning eftir því hvernig ökutækið er uppsett (tog vélar, þyngd bíls ofl.).

Það er yfirleitt ekki hár snúningur sem er vandamálið (því þá er túrbínan að skila nær 1:1) heldur einmitt snuðið, þegar hún tekur ekki alveg.

Þegar við hjökkum í þungu færi þá erum við oftar en ekki á lágum snúning, og túrbínan snuðar eitthvað, sem skapar hita.

Það sama gerist þegar menn eru að draga í of háu þrepi (munið að þyngd hefur áhrif á stallið), túrbínan getur verið að snuða (snúningur fyrir neðan stall) og skiptingin því hitnað meira.

Það er svo fleiri þættir svo sem lockup sem hefur áhrif á dæmið.

Ég ráðlegg öllum að hafa stóran kæli og góðan mæli til að vita hvað er að gerast.

JHG

P.s. það viðhorf að hafa ekki mæli vegna þess að þá hafi menn bara óþarfa áhyggjur getur í raun átt við alla mæla, menn geta alveg komist af með gaumljós en ég held að flestir jeppamenn vilji vita meira um hvað er að gerast en það.