This topic contains 6 replies, has 1 voice, and was last updated by 
-
Topic
-
AnonymousSælir
Ég er búinn að vera að spá í að fjárfesta í 2-3ja ára gömlum hilux. Nýlega var mér hinsvegar bent á nissan double cab bílinn sem ágætis valmöguleika á móti hiluxinum.
Nú þykist ég vita að menn hér hafa langa og almennt nokkuð góða reynslu af hilux, búnir að breyta honum út og suður í fjölda ára og þvælast um allt.
Hvernig er það hinsvegar með nissan double cab bílinn?
Hafa menn hér einhverja reynslu af honum?
Hann er nokkuð sprækari en hiluxinn og ódýrari að mér sýnist í fljótu bragði. Er ekki líka almennt mjög góð reynsla af stóra bróður hans, patrol?M.ö.o. getur einhver hér bent mér á góð rök fyrir því hversvegna ég ætti frekar að fá mér hilux en nissan double cab (eða öfugt).
Kveðja,
Ólafur
-
Replies
-
Anonymous- Umræður: 0
- Svör: 16404
Sæll,
Það er ekki spurning að þú átt frekar að koma í Datsun klúbbinn strax!
Ég er sjálfur á 38" DoubleCab-E og líkar vel.
Þessir bílar koma orginal á 4.88 hlutföllum (’99-’02 dísel) sem er alveg þolanlegt á 38" (t.d. sama og lágu hlutföllin í 90 Cruser) en hægt að fá 5.42. Þrátt fyrir þetta þjáist hann ekki af kraftleysi og er fínn í þjóðvegaakstri. Þar af leiðandi:
Með kraftmeiri vél en Toyotan,
mýkri fjöðrun og er bara nokkuð heilsteyptur og bilar lítið.Ágætir í allri umgengni, flottir og töff…
Það sem Toyotan hefur fram yfir er að hún kemur orginal með 100% rafmagnslæsingu að aftan meðan Nissaninn er með 75% tregðulæsingu.
Hægt er að fá læsingar að framan og aftan amk í Fjallasport en framlæsingu hefur vantað þangað til núna.Það er auðveldara að fá notaða varahluti í Toyotuna þar sem þær eru í pörtum út um allt… en rifinn DATSUN finnst varla svo það eru aðeins nýjir varahlutir í boði.
En minn hefur reynst mér vel og mér líkar mjög vel við hann.
Kveðja
Siggi_FP.S.
Ef þú kaupir hann 35" breyttann með 10 cm boddý hækkuninni er auðvelt og ódýrt að laga hann til fyrir 38".
Veit ekki hverning það er með Toyournar.Kv.
Siggi_F
Anonymous- Umræður: 0
- Svör: 16404
Sæll
Ég á nissan dc 99" og ég mæli með honum mjög sprækur og góður og hefur farið allt sem ég hef þurft að fara en sem komið er.
En Siggi bíllinn minn er á 35" og með þessa hækkun sem að þú talaðir um og mig langar að breyta honum í 38" hvað þarf að gera og hvað kostar það ca.
kv Bono
Anonymous- Umræður: 0
- Svör: 16404
Sælir.
Nú þekki ég ekki alveg nógu vel til DC dísilbílanna, en hef heyrt litlar sögur af vandræðum með þá, helst vöntun á notuðum varahlutum (partasölur). Sjálfur er ég á Nissan Pathfinder (amríku Terrano) og er nokkuð ánægður með þann bíl, virðist vera nokkuð sterkt og gott kramið, t.d. er drifið að aftan það sama og er í Patrol (sem er mjög gott!). Varðandi aukahluti eins og læsingar og drif, ef það fæst ekki hér á landi þá er hægt að panta það að utan (dollarinn á hagstæðu gengi) t.d. héðan: http://www.4x4parts.com/public_html/shop/
Gangi þér vel.
Björgólfur.
Anonymous- Umræður: 0
- Svör: 16404
Sællir aftur,
Efniskostnaður er ekki mikill, ég nota sömu kanta (35"), það er spurning hvort þeir eru nógu breiðir í skoðun, það reyndi ekki á það hjá mér þar sem ég setti hvort eð er smá útvíkkanir á þá því bíllinn var svo ægilegur sóði á 38"unni, reyndar líka á 35".
Ég er með 12" innvíðar Mússó felgur sem mættu alveg vera ennþá innvíðari, því það er nóg pláss inná við, en þetta bjargar því að ekki þarf að skipta um kanta.
Ég lengdi svo fjaðrahengslin að aftan, man ekki hvað mikið en á það á pappír hérna einhversstaðar. Skrúfaði hann upp um 7-8 hringi að framan, og fannst það reyndar bæta fjöðrununa því mér fannst hann alltaf vera full mjúkur að framan. Hornið á liðunum er samt í góðu lagi og nóg eftir af niðurteygjunni.Eini raunverulegi kostnaðurinn fyrir utan dekk og felgur var úrklippikostnaður en slíkt er fyrir utan mína verkkunnáttu. Það þarf að klippa dálítið úr innribrettunum að framan aðallega hvalbaknum, minnka neðsta kanntinn á brettaköntunum og taka aðeins af húshornunum að aftan. Þetta er kannski dagur eða rúmlega það hjá góðum manni á verkstæði, ég er ekki alveg með það á hreinu þar sem ég byrjaði á 36" og svo 38" (tvisvar í klippingu) og eftir fyrstu ferðina á 38" var tekið úr afturhornunum því það kom ekki í ljós fyrr en á reyndi í ófærð að þess var þörf. Um leið var uppfjöðrunin að framan minkuð með flatjárnsbút á móti samsláttarpúðunum.
Veit ekki hað þetta tekur langann tíma ef þetta er gert allt í einu.Hlutföllin mættu kannski vera lægri (hver vill ekki lægri hlutföll í ófærð) en ég tími eiginlega ekki háadrifinu í venjulegum akstri.
Ég var með hann á 36" í fyrra og fór allt sem ég ætlaði og varð ekki tilfinnanlega var við að vantaði flot. Það sem mér fannst helst há honum á 36" var hve lágt var undir klafana þegar hleypt var nægilega úr. Á 38" þarf minna að hleypa úr til að fá nægilegt flot og því hærra undir klafana.
Annars eru þetta bara góðir bílar, en öllu er hægt að misbjóða.
Kveðja
Siggi_F
Anonymous- Umræður: 0
- Svör: 16404
hvað er tómur D/C Dadsun þungur?
Toyotan er um 1900 kíló.
Stebbi Jökull
Anonymous- Umræður: 0
- Svör: 16404
Ég myndi kaupa mér Nissan bara til að þurfa ekki að segjast eiga Toyotu!!! Annars eru líka til Isuzu pallbílar og sennilega veldi ég svoleiðis ef mig langaði í pikkaló.
You must be logged in to reply to this topic.