This topic contains 5 replies, has 1 voice, and was last updated by 
-
Topic
-
Bifreiðinni Toyota Hilux JS-497 var stolið af bílastæði í Grafarvogi aðfaranótt 30. ágúst.
Hiluxinn er dökkgrænn, double cab og er bensínbíll.Talið er að hann hafi verið notaður í vafasömum tilgangi í Hveragerði í nótt en ekki er vitað hvar bifreiðin er niðurkomin núna eða í höndum hverra.
Kæru félagar, um land allt, endilega lítið í kringum ykkur og hjálpið okkur að finna bílinn. Ef þið sjáið bílinn, hafið strax samband við lögreglu.
Set inn mynd af bílnum í albúm og ítreka að sjáist til bílsins, vinsamlegast hafið STRAX samband við lögreglu.
Kærar þakkir.
Bjarkinn og fjölskylda.
-
Replies
-
Ég hef augun með mér.
Vona að lúxinn finnist, alltaf sárt að lenda í svona stuldi.
.
kkv, Úlfr
E-1851
Þökk sé þessari síðu og frábærum 4×4 félaga hér þá er bíllinn fundinn.
Fyrir hönd eiganda bifreiðarinnar viljum við þakka fyrir veitta aðstoð en það liðu einungis fáeinir klukkutímar frá því að tilkynningin kom hér inn þar til bíllinn fannst.
Þetta sýnir hve öflug þessi síða og félagarnir hér eru.
Takk fyrir okkur
Bjarkinn
Það er flott að heyra að hann sé fundinn.
–
furðulegt með það að á hverju ári þegar byrjar að hausta þá er eins og einhver alda komi yfir og jeppum er stolið og þá sérstaklega þegar að snjóa tekur. Kannski er ég einn um að vera að spá í þessu en mér finnst þetta alveg merkilegt, maður ætti kannski að taka stýrið með sér inn á hverju kvöldi?? maður spyr sig.
–
–
Kv davíð K
Gott að lúxinn er fundinn. En ein spurning, var þjófavörn í honum? Við vitum öll hve öryggir gamlir toyotulyklar eru. Ekki slæm hugmynd að endurnýja sílíndra og lykla.
Mæli líka með þjófavörn sem gerir það ókleyft að starta ef bíllinn er ekki opnaður með fjarstýringunni.
Þetta getur sparað manni svolítið að vera með svona græjur.
.
Eða mixa einhverja "svindl" rofa sem væri falinn á einhverjum fáránlegum stað til að rjúfa strauminn inná startið.
.
kkv, Úlfr
E-1851.
P.s. þið sem haldið að ég sé að gefa þjófum hugmyndir, hugsið aðeins áður en þið skrifið, ef þeir ætla sér að stela þá læra þeir aðeins inná þetta fyrst…
Gott að bíllinn er kominn heim. Ég var sjálfur með gamlan Hi-lux sem hægt var að opna og starta með hverju sem var svo ég setti höfuðrofa í hann með lykli staðsettan milli sæta svo tók maður bara lykilinn með þegar maður yfirgaf bílinn. þannig rofar eru ekki dýr þjófavörn.
You must be logged in to reply to this topic.