Hilux breytingar!

Sæll Níls.

Varðandi hlutföllin miðað við 38" væri best að fara í 5.71 uppá að bíllinn verði skemmtilegur úti á vegi,en miðað við 35" væru 5.29 betri.
Með lægri drifum ætti eyðslan á 35" að geta verið 12-14 en á 38" verður hún alltaf á bilinu 17-19 nema um algjöran sparakstur sé að ræða.

Varðandi aflið er ekki margt til bjargar sem kostar lítið.
KN filter hjálpar aðeins en svo er til ýmislegt í þessar vélar ef maður á nógan pening t.d stimplar sem hækka þjöppuna og sveifarás sem eykur slaglengd en þá erum við líka farnir að tala um hundrað þúsundkalla.Einnig þessi vél til með orginal turbo sem virkar sæmilega.

Svo eru það felgurnar,(alltaf skemmtileg umræða og margir spekingar og þar á meðal ég)að mínu mati er 14" lágmark en 15-16" eru mjög góðar því bíllinn verður stöðugri og dekkin bera sig betur með lítið loft.Í hliðar halla vilja dekkin leggjast útaf á mjóum felgum sem gerir bílinn óstöðugan og hann missir grip.Affelganir hafa ekkert með felgubreidd að gera heldur standast felgur mis vel mál.T.d. er algengt að felgur séu bara 14.5" en ekki 15" á hæð og þá tolla dekkin illa á.Best er að fá orginal felgur og láta breikka og eru Toyota felgur mjög góðar í það þar sem þær standast mál mjög vel og hafa góðar brúnir.

Vona að þetta hjálpi eitthvað.

Smári jeppaspekingur.

Sælir

Ég er á stuttum Cruiser dísel túrbó á 38" dekkjum. Orginal hlutföllin eru 4.88 (bensínbílar eru með 4.10) Ég ætla að fá mér 5.29 því þau fara nær orginal drifunum en 5.71 hvað varðar snúning vélar m.v. hraða. 5.71 drifin hafa líka reynst mjög brothætt og fer það minnkandi að menn noti þau. Hvað varðar felgubreidd að þá segi ég m.v. mína reynslu í þessum bransa og eftir margar dekkja og felgustærðir að 12" sé mjög temmileg fyrir 38". Sumir vilja fara í 14" sem mér persónulega finnst of mikið en allt þar fyrir ofan eru bara öfgar. Ég veit að margir sem eru með túrbólausar vélar hafa keypt aftermarket túrbínur í Bílanaust sem punda svolítið meira en orginal túrbínan frá Toyota en ég held að vélarnar hafi ekkert fílað það of vel.

Ef þú ert að byrja í þessu jepparugli, þá mæli ég með að þú verðir þér úti um litla gormabók sem Arctic trucks gáfu út fyrir ekki svo löngu síðan sem spannar á mjög skiljanlegan hátt jeppaútgerðina eins og hún leggur sig í grófum dráttum.

Kveðja
Hvati
R-319

Takk kærlega fyrir ráðleggingarnar!

Hef mikið verið að velta því fyrir mér hvort að 5:29 hlutföll séu nóg fyrir 38" dekk, ef svo er þá dengi ég mér á þann pakka og til að fara hinn gullna meðalveg hef ég ákveðið að 14" felgur séú málið.

En við hverja er best að tala varðandi hlutfallabreytingar?
Hverjir eru ódýrastir og vandvirkastir?

Takk fyrir…
Nils

Ekki fá þér 5.71 því þau eru mjög veik, farðu frekar í 5.29 annars ertu að skipta um drif á 1 til 2 ára fresti, tala ekki um ef þú færð meira afl í húddið.
Snorri Gíslason á smiðshöfða stillti inn fyrir mig síðast og reyndist vel.

Ég mæli með 5.29, styrksins vegna. Er sjálfur með 5.71, og kann reyndar mjög vel við þau, en þau endast ekkert rosalega.

Held reyndar að endingin á þeim sé mismunandi eftir framleiðendum. Var skipað af Árna Páli (hjá Bifreiðaverkstæði Árna H Árnasonar, Eldshöfða 15), að kaupa hlutföllin hjá Benna (Precision gears). Sagði maðurinn að þau hefðu komið einna best út, og verður að viðurkennast að þau líta virkilega vel út, eru plönuð saman og koma með uppsetningarfjarlægðunum skrifuðum á (virkilega gæðalegt, sérstaklega fyrir svona jólasvein eins og mig
Mæli líka með Árna til að stilla þetta saman. Er virkilega vandvirkur.

Kveðja
R2018

Er niðurgírun í hádrifinu í Rocky millikössum ? ? ?

Hvernig gengur Rocky kassinn við Toyota, er mikið mix að koma honum við?
Kv – Skúli