This topic contains 27 replies, has 1 voice, and was last updated by 
-
Topic
-
Talsvert lesmál er komið á vefinn um það að mata bensín- og díselvélar með vetnisgasi sem framleiða má með rafgreiningu á vatni í bílnum.
Sumir seljendur skrifa hástemmdar lýsingar á fullkomnari bruna eldsneytisins við vetnisíblöndunina o.s.frv. og lofa allt að helmings sparnaði á eldsneyti, sem hljómar í mínum eyrum sem „too good to be true“.
Hefur nokkur ykkar prófað svona eða fengið tryggar upplýsingar / reynslusögur um það hvort þetta sé að virka, eða bara enn eitt bullið til að féfletta auðtrúa bílaeigendur ?Kv.
Ágúst
-
Replies
-
Skódinn fór úr 6 lítrum á hundraðið niður í 5 lítra. Bjóst við meiri mun.
Ég er reyndar alveg að kaupa þessi rök með að Brown’s gasið sé að virka sem hvati. Það getur bara alveg verið, þannig lagað, að óreiðan aukist nógu mikið við svona blöndun að nýtingin verði betri.
Skódi sem fer úr 6 í 5 er nú bara heljarinnar framför, það verður nú að viðurkennast að Skódinn hefur nú verið talinn á mörkum hins mögulega hvað nýtingu varðar.
Að bæta það að einhverju marki er barasta heilmikið afrek myndi ég segja.
ef ég kann en að reikna þetta eru þetta ekki tæp 17%
það þætti nu bara alveg góður árangur á bíl sem færi með 20 á hundraði:)
það væri nu gamman að sjá myndir af þessu
ertu að bæta einhverju í vatnið?
Menn tala mikið um það að ekkert vinnist á þessu þar sem vélin knýr alternatorinn sem framleiðir rafmagn fyrir þetta system. Þarf vél ekki að snúa supercharger til að hann geri eitthvað?
Hvað vinnst á því? Aukið snúninsvægi eftir að blásarinn hefur unnið upp tapið sem hann sjálfur veldur.
Eru ekki flest DIY settin of lítil til að gera gagn?
Ég var að ræða við mann á bensín E150 á 46" um daginn og hann var með sett sem hann setti saman sjálfur. 8 krukkur tengdar í tvær seríur, þ.e. 4 krukkur tengdar saman og slanga leitt upp í loftinntak.
Hann sagðist blanda 1 tsk matarsódi/1L vatn. Hann var með 1+ skaut og 1- skaut í hverri krukku.
Hann sagði þetta virka, hann væri að eyða minna en vinur hans með 7,3 Powerstroke.
Ég ætla að setja saman sett í Hiluxinn, ef þetta virkar ekki þá bara veit ég það.
Hann sagðist vera að nota krukkur undan sætuefni úr Bónus þar sem þær kostuðu einungis 99kr og eru úr gleri með plastloki. Lokið leiðir ekki straum og ef eitthvað kemur upp á þá smella lokin af áður en krukkurnar springa.
Hann var með slíf utan af 0.75-1 mm vír sem öndun inn á hvora seríu og leiddi gasið af einni krukku yfir í þá næstu og af þeirri fjórðu inn á loftinntak. Hann sagðist hafa þrengt öndunina niður í þetta vegna þess að að hann var annars að tapa út gasi eða eitthvað slíkt.
Eftir því sem ég kemst næst er þetta bara snákaolía. Vatnið gerir varla mikið annað en að minnka slagrými/hækka þjöppu vélarinnar. Þar af leiðandi dregur það úr þéttni loftsins og í versta falli, ríkir blönduna. Það er svo aftur á móti hið óbrennda eldsneyti (vegna of ríkrar blöndu) sem kælir eða hitar vélina, ekki vatnið. (Bensín kælir, diesel hitar)
Helst spurning um hvaða áhrif allt þetta vatn hefur á inniviði vélarinnar. Get ímyndað mér að aukaverkanir séu tæring og þynning olíu ásamt því að verið er að láta vélina vinna utan þeirra marka sem hún er hönnuð fyrir.
Þess má geta að þar sem vatnsinnspýting hefur verið notuð, bæði í flugvélum og kappaksturbílum hefur aldrei verið ætlunin að búnaðurinn hlífi vélinni. Heldur spurning um að fá aukna þjöppu og tork í stuttan tíma en vélarnar gjarnan svo til ónothæfar á eftir.
Núna eru til allskyns dót og efni/pillur til að spara eldsneyti með loðnun yfirlýsingum og loforðum um virkni en engar vísindalegar sannanir sem halda vatni (no pun intended :).) Það er víst alltaf til fólk sem er tilbúið til að kaupa köttinn í sekknum.
HHO ER H20. Það er ekki hægt að fá út efnafræðiformúluna 2HO. H*H*O=H2*O=H2O
Svo er annað. Ég er sannfærður um að ég eyði minna þegar ég mæli eyðslu. Veit ekki afhverju, það er bara einhvern vegin svoleiðis.
Ef til vill fer ég með rangt mál í einhverjum smáatriðum en ég tel að í stórum dráttum séi allt þetta dót bara til þess gert að hafa fé af fólki. Þó er þetta ekki það vitlausasta sem ég hef séð.
Kv,
Sigurbjartur
Þetta gas sem myndast við rafgreininguna er vetni og súrefni og er blanda af þessu notað til að koma geimferjunni út í geiminn.
Magnið af þessu er örlítið og orkan í réttu hlutfalli við rafmagnið sem notað er til að rafgreina vatnið – einhver prósent í töp.
Hlutfallslega er meira af súrefni í blöndunni en í venjulegu lofti þar sem súrefnið er um 20% og er þetta því ekki sambærilegt og að setja própangas í loftinntakið.
Brunahraðinn á vetni + súrefni er margfaldur brunahraði dísel olíu og gæti þetta örlitla magn haft einhver áhrif?
Ef þetta verður til að hraða brunanum í dísel vél? þá eykst nýtingin á olíunni, en hámarksbrunaþrýstingur hækkar og því meira mekaníst álag á vélina.
Magnið af vetni er það lítið að með loftinu inn á vélina þá brennur það ekki án þess að bæta eldneyti við.
Hef ekki prófað þetta, en hugmyndin er ekki fráleit.Að sprauta vatni inn í brunahólfið lækkar afgashitann og einnig eymast vatnið og þenst út um 10.000 falt. Þetta getur aukið hámarksafl véla, en vandkvæðin við þetta og slit á vél gerir þetta ekki praktíst, en samt mögulegt að ná auknu afli í stuttan tíma út úr vél.
kveðja Dagur
Ég man að það voru gerðar prófanir á að keyra einn strokk í ljósavél í áburðarverksmiðjunni á vetni fyrir um 10 árum síðan. Vetnið brennur svo hratt að hámarks brunaþrýstingur í vélinni varð rosalega hár að allt slit var mjög mun meira ef vélin hrundi ekki bara.
Bílvélar hafa um 15-40% nýtni þ.e. orka sem er bundin í eldsneitinu og er breytt í vélrænt afl. Restin eru varmatöp. Með því að eima vatn inn í strokkunum er verið að nýta hluta af þessari "töpuðu" varma orku. Voru ekki einhverjir Volvoar með svona orginal. Held að einhverjir skipavélaframleiðendur hafi prófað þetta en þetta var ekki notað vegna þess hversu mikið þetta jók slit á strokkunum. Vatndroparnir rjúfa smurhimnuna á strokkveggjunum. Held að flest af þessu sé rétt munað!!!
You must be logged in to reply to this topic.