Hellisheiðarvirkjun.

Nú er búið að opna aftur kynningarrýmið í Hellisheiðavirkjun, það er að vísu einkarekið, og hefur verið stofnað félag um þennan rekstur. Nafn félagsins er Orkusýn ehf.
Í húsnæðinu verður boðið upp á kynningar um nýtingu jarðvarma og í framtíðinni um almenna nýtingu á orkuauðlindum landsins, einnig er þar rekið kaffihús undir nafninu Kaffi Kolviðarhóll og mun þar verða heitt á könnuni alla daga frá kl 09.00 – 17.00, einnig verður þar hægt að fá bjór, rauðvín, hvítvín ásamt heitu súkkulaði og bakkelsi úr bakaríinu í Hveragerði.
Upplagt er að leggja upp í gönguferðir frá virkjuninni en í Henglinum eru einhverjar skemmtilegustu gönguleiðir í nágrenni Reykjavíkur.