Hefur einhver betra minni en ég?????

Halló halló.

Dóminn er ekki hægt að lesa á netinu þar sem dómar Héraðsdóms Reykjavíkur eru ekki komnir á netið að svo stöddu en það á víst að fara að breytast. Ef þetta væri hæstaréttardómur væri hægt að skoða hann á netinu en svo er ekki.

Ef áhuginn er mikill er hægt að fá dóminn niðrí héraðsdóm.

kv. Stefán.

ef ég myndi fá stuðara af bíl sem ég væri að draga í bílin hjá mér.. yrði ég bara að taka tjónið á mig?

Kv,
Jón Þór

Verður maður nú að fara með lögfræðing í jeppaferðar til að vera viss um hvort maður sé bótaskyldur eða að vera vissum að fá bætt.
Annað hvort er maður dreginn eða dregur ekki

kv JÞJ

Þetta er nú athyglisvert sem Klakinn segir með vinnuregluna hjá Vegagerðinni. Ef þetta stenst er málið þegar maður er að draga ókunnuga að sá sem er fastur hnýti í bílana (ætli dugi að það sé kóarinn hans?). En auðvitað þegar góðir félagar ferðast saman er það sjálfsagt oftast heiðursmanna samkomulag sem gildir og sá sem veldur skaða borgar. Það er mín reynsla allavega af mínum ferðafélögum.

En þetta er áleitin spurning hvort það eigi að vera til einhver stöðluð yfirlýsing fyrir ferðir á vegum klúbbsins þar sem menn afsala sér öllum bótakröfum á hendur félaginu og skipuleggjendum ferða.

Kv – Skúli

Ég er alveg sammála skúla,að það skuli vera samkomulag á milli ferða félaga.

JÞJ

Ég er alveg sammála það´ætti að skrifa undir slíka yfirlýsingu við inngöngu í 4×4

Ég hef nú ekki kafað mjög djúpt í þessa ábyrgð sem verið er að ræða hér. Og ætla að fara nú farlega í að vera með einhverjar yfirlýsingar, enda stunda ég aðallega lögfræði á sviði skattaréttar og hlutafélagaréttar en ekki skaðabótaréttar.

Um skaðabótaábyrgð gildir ein meginregla – til að einhver annar beri ábyrgð á tjóni sem maður verður fyrir, þá þarf sá að sýna af sér sök eða stórfellt gáleysi. Minniháttar gáleysi getur líka skipt máli. Annað skiptir höfuðmáli í ferðum á hálendinu, það er svokölluð eigin áhætta þess sem fer í ferð. Það að sú stefna klúbbsins komi skýrt fram, að menn ferðist á eigin ábyrgð í ferðum sem skipulagðar eru af sjálfboðaliðum innan klúbbsins, hefur mjög mikið að segja þegar ábyrgð er metin. Kannski þyrfti að ítreka þetta fyrir hverja ferð gagnvart þátttakendum, en það er engin þörf á skriflegri yfirlýsingu að mínu mati.

Í þessari umræðu kristallast svolítið munurinn á ferðaskrifstofu/ferðafélagi sem skipuleggur ferðir annars vegar, og ferðaklúbbi þar sem menn hóa sig saman og fara í ferðir hins vegar. Það að á vegum klúbbsins er verið að fara í ferðir, sem eru skipulagðar af einhverjum félögum, getur þýtt að klúbburinn sé að færa sig svolítið meira og meira inn á svið ferðafélags á borð við FÍ og Útivist. Þarf í sjálfu sér ekki að vera neitt slæmt mál, en kannski ástæða til að endurskoða með hvaða hætti slíkar ferðir eru skipulagðar. En mig grunar að ef skipuleggjendur t.d. nýliðaferða þurfa að fara að taka á sig aukna ábyrgð eða að klúbburinn þurfi að kaupa einhvers konar ábyrgðartryggingar þá muni framboðið á sjálfboðaliðum verða minna en áður.

Til fróðleiks set ég fram eitt lítið dæmi: Segjum að A sé pikkfastur í púðurskafli, á leiðinni á Skjaldbreið með félögum sínum. B býðst til að kippa í hann og sækir spottann sinn úr skottinu og festir í báða bílana. Þegar hann svo kippir í þá slitnar spottinn og eyðileggur framrúðuna, húdd og kastara á bíl A. Þegar nánar er að gáð kemur í ljós að spottinn hans B er óttalegt hró, öll teygja farin og spottinn orðinn gamall og lúinn.

Ber B einhverja ábyrgð?
Ber A einhverja ábyrgð sjálfur? Hefði hann átt að ganga úr skugga um að spotti B virtist í lagi áður en hann samþykkti að nota hann?

Hvað haldið þið? hvað hefði "góður og gegn" jeppaökumaður gert í þessum sporum – annars vegar A, hins vegar B? Þetta myndu dómarar t.d. spyrja sig að áður en´ábyrgð á tjóninu er lögð á einn eða neinn.

Og ef við tökum dæmið aðeins lengra – hvað ef spottinn hefði farið í áhorfanda sem stóð í grenndinni og slasað hann? Hvað ef það hefði verið barn sem ekki hefur vit á að halda sig fjarri? Hefðu A eða B átt að athuga hvort einhver gæti orðið fyrir spottanum?

Eins og sjá má getur margt komið upp á. Gerist daglega í hversdagslífinu og á hverjum degi er verið að kljást um ábyrgð á hinu og þessu.

Svo sem ekki óvitlaust að ræða svonalagað á fundi hjá 4×4!?!

Kveðja
Soffía

Ég er sammála Soffíu að þessa hluti má ræða mikið betur, og eins væri ekki gott ef farastjórar í ferðum 4×4 ættu að fara taka á sig auknar skildur eða ábyrgðir í ferðum félagsins, enda er þetta áhugamannafélag en ekki ferðaskrifstofa.

Ferðaþjónustufyrirtæki sem eru að selja afþreyingarferðir eru (vonandi) öll tryggð fyrir óhöppum sem geta komið upp í ferðum hjá þeim, þannig að ef það verður slys og viðkomandi aðili fer í mál við fyrirtækið þá tekur tryggingafélag viðkomandi málið yfir og klára það.

Eitt dæmi sem ég man eftir í fljótheitum er þegar fólk lenti í hrakningum við Kverkfjöll fyrir nokkrum árum, og nokkrir Ísraelsmenn og konur voru orðin verulega ofkæld. Þarna var ekki um nein mistök farastjóra að ræða, heldur gerði bara brjálað veður þar sem ekki var við neitt ráðið á blautum jökulís. Það var farið í mál sem tók mörg ár og endaði þannig að kona sem vildi margar millur í bætur fékk þær ekki, og voru rökin þau að hún gæti ekki sýnt fram á varanlegan skaða eftir þetta slys. (tel mig muna þetta rétt)
Það kom líka fram að Gæslan rukkaði 1,3 millur fyrir að bjarga fólkinu á þyrlu.

Annars hefur kæruglöðum Bandaríkjamönnum orðið lítt ágengt í að kæra íslensk fyrirtæki fyrir eitthvað smotterí, því málið þarf að sækja á íslandi og íslenskir lögfræðingar virðast ekki vera mikið fyrir að taka bull mál fyrir. Heyrði af konu frá USA sem vildi kæra veitingastað á íslandi fyrir að hafa bein í fiskinum sem hún var að borða, en fékk ekki lögfræðing til að taka málið fyrir sig. Það veit nú allt þenkjandi fólk að það eru bein í fisk.

Hlynur

Það er sjálfsagt rétt hjá Soffíu að þetta ákvæði í reglum um ferðir á vegum félagsins vegur eitthvað ef til þess kæmi að einhver málaferli kæmu upp. Þetta er auðvitað eitt af þessum málum sem sjaldan eða aldrei (aldrei hingað til, eða hvað?) reynir á, enda líta flestir svo á að þeir ferðast á eigin ábyrgð og ekki annarra. Hins vegar ef til þess kæmi að á þetta reyndi er betra að þessi mál séu algjörlega á hreinu. Þess vegna vorum við sem erum að skipuleggja nýliðaferð umhverfisnefndar að velta fyrir okkur núna í kvöld hvort við ættum að útbýta yfirlýsingu í þessa veru til undirritunar, svona til að taka af allan vafa. Við hefðum sjálfsagt ekki pælt í því ef umræðan hefði ekki farið af stað hér.

Kv – Skúli