Hefur einhver betra minni en ég?????

Mig mynnir að unga konan heiti Selma sem þú ert að tala um, hún var í vinnu hjá Ísl. ævintýraferðum eða Addice eða hvað það fyrirtæki hét í lokin og henni voru dæmdar einhverjar milljónir í bætur fyrir ca 2-4 mánuðum síðan vegna fótmissis. Slysið gerðist sennilega 2002 ef ég man rétt.

fann þetta á MBL.is

mbl.is Forsíða Leit í fréttum mbl.is

Innlent | fös. 19.12.2003 | Vægi 81%

Ferðaskrifstofa bótaskyld vegna slyss í Glymsgili
Héraðsdómur Reykjavíkur úrskurðaði í dag að 6,4 milljóna króna krafa fyrrverandi starfsmanns Íslenskra ævintýraferða í þrotabú fyrirtækisins yrði gerð að forgangskröfu. Konan var starfsmaður Íslenskra ævintýraferða árið 2001, en nafni félagsins var breytt í Ævintýrið skömmu áður en bú þess var tekið til gjaldþrotaskipta fyrr á þessu ári

Það hafa trúlega komið upp nokkur svona mál. Af hverju ertu að pæla í þessu ???

Hlynur

Þessi kona var starfsmaður en ekki í þessari ferð þetta var óvissuferð hjá fyrirtækinu og því var hún sem farþegi í frðinni og kom ekki nálægt skipulagningu eða sl´ku.

Fyrirtæki verða að hugsa um öryggi sinna kúnna. Ef þú býður ferð, og kynnir ekki þá áhættu sem hún getur innifalið þá er ekkert óeðlilegt að fólk leiti réttar síns og vilji bætur fyrir tjón.

Ef þú lætur hinsvegar vita af allri þeirri áhættu sem gæti verið samfara þessari ferð, og reynir að gera hana eins örugga og hægt er þá hefur þú kannski litla ástæðu til að kvarta.

Persónulega tel ég að þessi kona hafi átt fullan rétt á bótum, og í hennar sporum hefði ég farið eins að.

JHG

Þegar Kári stóð fyrir raftsiglingunni gegnum Dimmugljúfur um árið létum við alla þátttakendur, hvaða hlutverki sem þeir gengdu, skrifa undir yfirlýsingu þar sem þeir staðfestu að þeir færu þetta á eigin ábyrgð og afsöluðu sér öllum hugsanlegum kröfum á félagið. Þetta ætti kannski að taka upp í ferðum á vegum f4x4, þ.e. láta þátttakendur skrifa undir stutta yfirlýsingu um að þeir ferðist á eigin ábyrgð.

Svo er reyndar önnur hlið á þessu máli og það er þetta hvernig ábyrgðin liggur ef þú sýnir þá sjálfsögðu hjálpsemi að kippa í ferðafélagana. Þá ertu ekki aðeins ábyrgur fyrir skemmdum á eigin bíl heldur einnig hinum sem þú ert að hjálpa. Þessi umræða kom upp aðeins hér á vefnum eftir fræga þorrablótsferð Sunnlendinga, þegar Icecool kom stórlaskaður eftir að hafa dregið nánast allan flotann í gegnum krapaelginn. Lögin eru kannski skiljanleg við venjulegar aðstæður, en virka frekar öfugsnúin í fjallaferðum.

Kv – Skúli

Eftir því sem Ingi Gunnar leiðsögumaður sagði mér þá var hann gerður ábyrgur að hluta fyrir slysi sem varð á Skeiðarárbrú er kona sem var að taka mydir féll aftur fyrir sig yfir brúarriðið og dó.
En ég vil benda þeim sem hafa fengið Setrið í dag á klausu um skipulag ferða þar sem 4×4 firrir sig allri ábyrgð á tjóni og slysum og að við ferðumst á eiginn ábyrgð.
Og hvað varðar tjón sem verður við að draga bíl er bíllinn sem dregur ábyrgur,en Vegagerðin hefur gert það þannig eftir að hafa verið dæmt til bóta í tjónum sem hafa orðið við að draga bíla úr festum og snjó að öllum þeirra starfsmönnum er bannað að draga annað farartæki nema eigandi þess bindi sjálfur í sinn bíl og tæki Vegagerðarinnar þar með er hann ábyrgur segja tryggingarfélögin,þetta kom fram á fundi með Sjóvá á námskeiði hjá Strætó.

Klakinn