Haustferð Eyjafjarðardeildar

Það er e.t.v. óþarfi en það er ætlast til að menn og konur verði mjög vel og snyrtilega búin á laugardagskvöldið, þetta er jú GALA Dinner Það má gjarnan taka Jessicu litlu Simpson sér til fyrirmyndar.
[img:23mms7gl]http://www.rtvchannel.tv/wp-content/uploads/2009/05/jessica-simpson.jpg[/img:23mms7gl]

Það er að segja fyrir þá sem þora!!!

Kveðja:
Erlingur Harðar

Ef þú hefur þetta allt þarftu ekkert, kemur bara með mér!!!

Kveðja:
Erlingur Harðar

Jæja, nú lýkur skráningu í haustferðina á morgun miðvikudaginn 23 september klukkan 22:00
Ef eitthvað hefur breyst hjá þeim sem þegar hafa skráð sig þá er gott að fá upplýsingar um það. Einnig vil ég minna á það að gjaldið er 5.000,- á mann sem þarf að greiða fyrir brottför. Best er að greiða gjaldið þegar við hittumst á föstudaginn á Leirunesti en þaðan verður farið klukkan 17:00 á föstudaginn 25 september.

Fyrir þá sem ekki hafa skráð sig í ferðina er bara að drífa í því og gleyma Icesave, bankabulli og ríkisstjórninni og fá góða helgi í góðum hóp með góðan mat. Munið bara að hafa slökkt á fréttunum í útvarpinu.

Kveðja:
Erlingur Harðar

Það er glæsilegt.

Kveðja:
Erlingur Harðar

Haustferð Eyjafjarðardeildar var farin helgina 25 – 27 september. Þátttaka var með minna móti og aðeins 10 manns á 5 bílum skráðir. Lagt var af stað frá Akureyri á þremur bílum klukkan 17:00, Björn á Landróver, Erlingur á Ford og Haukur á Toyotu en Jói Hauks tafðist og aðeins. Þegar komið var í Fosshól var tekið eldsneyti og síðan ekið inn Bárðardal. Ferðin gekk vel suður fyrir Fossgilsmosa í Bárðardal en þá fór að bera á slyddu. Stuttu síðar var komið vitlaust veður með vindhraða upp á 20 – 25 m/s og úrkomu. Ákveðið var að bíða eftir Jóa Hauks og Ásgeiri syni hans sem voru nokkuð fyrir aftan okkur. Ekki vildi betur til en að bíllinn þeirra bleytti sig í einum læknum og urðum við að snúa við og sækja þá. Jói gerðist farþegi í Ford og Ásgeir fékk far með Landrover. Ferðin gekk hægt enda veður með al versta móti og skyggni ekkert. Fimmti bíllin kom yfir sprengisand að sunnan og gekk ferðin hægt enda náðum við honum við Jónsvað. Svo fór þó að við komumst í Gæsavötn um klukkan 02:15 Var lítið annað gert en að fá sér að borða fyrir háttinn. Mannskapurinn vaknaði frekar seint og var að tínast á fætur um klukkan 10:00. Veðrið var mjög slæmt og ákveðið að breyta ferðaplaninu þar sem við fréttum af því að í Veiðivötnum væri vindhraði um 40 m/s. Við ákváðum því að fara í Réttartorfu og gista þar enda væri von á að veðrið lagaðist fljótlega þegar komið væri á Sprengisandsleið. Um klukkan 11:00 var veður aðeins að ganga niður svo að hörðustu menn ákváðu að fara í gönguferð áður en haldið yrði af stað í Réttartorfu. Eftir um 10 mín. göngu var sama óveðrið komið aftur.
Lagt var af stað í Réttartorfu um klukkan 14:00 Á ferð okkar frá Gæsavötnum er að helst að segja að hún gekk hægt. Mjög mikill snjór var í slóðinni og skyggni ekkert. Bílar á 38“ áttu fullt í fangi með færið en mun betur gekk að ryðja skaflana á þungum Ford á 44“ dekkjum. Mikill snjór gerði það að verkum að loftinntök stífluðust á Landrover og viftureim á Ford fór út af sporinu. Öllu var þó bjargað og komum við brátt að bílnum sem skilinn var eftir daginn áður. Honum var komið í gang og ferðinni haldið áfram niður Bárðardal áleiðis að vaðinu yfir Skjálfandafljót. Það var svo ekki fyrr en við komum í um 600 m/ys að skyggnið batnaði. Gekk þá ferðin vel yfir fljótið og inn í Réttartorfu en þangað var komið um klukkan 23:00. Þar var síðan slegið upp veislu, grillað, drukkinn bjór, rauðvín og koníak enda veður með besta móti þó að kalt væri. Réttartorfa er eins og við vitum flest einn besti skálinn sem komið er í og fór vel um okkur þar um nóttina.
Á sunnudagsmorgni var ekið heim á leið um fljótið og að Mýri þar sem veður var stórkostlegt, logn og sólskin. Eftir að hafa pumpað í dekkin, sem voru nánast full úrhleypt eftir ferðina úr Gæsavötnum var ekið niður Bárðardal og að Fosshól þar sem var tekið eldsneyti. Ferðalangar komu síðan til Akureyrir um klukkan 15:00 heldur fyrr en upphafleg áætlun gerði ráð fyrir.
Ég vil þakka öllum ferðalöngum fyrir þá frábæru samstöðu sem virðist vera einkenni í ferðum okkar Eyfirðinga. Félagskapurinn þrífst á þessu undarlega jákvæða andrúmslofti og er það ekki síst það sem við sækjumst eftir þegar við ferðumst saman. Það er ekki bara áfangastaðurinn sem ferðirnar snúast um heldur líka góður félagsskapur.

Kveðja:
Erlingur Harðar og Arnfríður Arnardóttir

PS: Myndir koma síðar.