This topic contains 5 replies, has 3 voices, and was last updated by 
-
Topic
-
Laugardaginn 7.des nk. verður hátíðarfundur 4×4 austurlandsdeildar kl 1600 á Egilsstöðum í tilefni af undirritun samnings um skálann í Fjallaskarði við Fljótsdalshrepp. Sveinbjörn Formaður og Friðrik gjaldkeri aðalklúbbsins mæta og halda framsögu og svara fyrirspurnum. Kaffiveitingar verða á staðnum. Kl 1800 verður tendrað á grillinu og baukar opnaðir. Við ætlum að hafa gaman og skemmta okkur fram eftir kvöldi. Makar eru velkomnir á samkomuna og hátíðafundinn. Nauðsynlegt er að skrá þáttöku í fagnaðinum með sms í síma 8446867. Fyrirhugað er ef Félagar úr Fjarðabyggð fjölmenna að hafa sætaferð á staðinn.
Staðsetning fagnaðarins og nánari upplýsingar verða settar hér inn á vefsíðuna í vikunni
-
Replies
-
Meiri upplýsingar um Hátíðafund og Bjórkvöld.
Fundurinn verður í húsi Slysavarnarfélagsins á Héraði og hefst kl 1500
Hvetjum sem flesta til að mæta og gera sér glaðan dag í góðum félagsskap. Gengið hefur verið frá ráðningu yfirmatreiðslumanns sem er vel þekktur fyrir að gera lambalæri hæf til áts, það er bara óskandi að trukkurinn hans verði kominn til byggða þar sem grillhanskarnir eru í honum. Einnig hefur verið ráðinn skemmtanastjóri sem ætlar að kanna kunnáttu okkar á ýmsum sviðum. Hann var þekktur á fyrri árum fyrir sprell og fíflalæti á efri-Jökuldal.
Það er mjög mikilvægt að félagar úr Fjarðabyggð fjölmenni þar sem Skjaldborgin um formanninn hefur oft verið ósýnileg í Refskákinni við Héraðsmenn. Einnig eru Vopnfirðingar hvattir til að bregða sér bæjarleið þennan dag og gleðja aðra með nærveru sinni.
Ég mæti með gas…….og súr og stend við bakið á formanninum gegn hinum ægilegu Héraðsmönnum
Hvernig fór með sætaferðina úr Fjarðabyggð?
Ég þakka pent fyrir ágætan fund, en eftir situr pælingin um það hvort formaðurinn hafi þurft að ýta varamanninum heim eftir fund.
Ef þú ert að tala um meðstjórnandann þá fór það svo að hann kom formanninum heilum og höldnum heim þegar nokkuð var liðið á nóttina. Þolinmæðin þrautir vinnur allar.
You must be logged in to reply to this topic.