Hásingar V.S. Klafar

Ég er nú ekki viss um að hásing sé endilega sterkari. Ég myndi halda að hásing sé líklegri til að rekast á grjót heldur en klafabíll vegna þess að klafinn er hærri nema við bláendana. Klafar eru auk þess býsna sterkir. Hitt er annað mál að hásing er betri í snjó því klafinn ryður honum undir sig og býr til vegg en hásingin hleypir snjónum yfir sig. Svo hefur klafinn þann kost að hafa mun þrengri beygjuradíus sem er afskafaplega gott í borginni! Mig langar ekkert í hásingu, mig vantar bara framlás.
bv

Þetta er spurning hvað þú ert með breyttan bíl og hvert þú ætlar á honum. Ef þú ert með 38" eða stærra og ert að fara í snjóakstur myndi ég velja í hásinguna. Held að klafadótið sleppi alveg í bíl sem er nánast eingögnu að aka á vegum/slóðum.
Ég var með gamlan 4-runner með klöfum á 38" og mæli ekki með því. Í fyrsta lagi er erfitt að halda þeim þokkalega hjólastilltum. Ef þú ert mikið að keyra í stórgríti (reka bílinn í grjót) eða klöngrast niður af jökulsporðum fer hjólastillingin til fjandans og þú misslítur dekkjunum = meira slit = fleiri dekk. Snjór og krapi sest meira inní klafana og getur eyðilagt liðhosur og liði ef ekki er passað upp á að hreinsa þetta úr.

Ég heyrði af Korandó á 35" um daginn þar sem neðri festing á klafa losnaði á 90 km/h og endaði hann utan vega, svipaðar sögur hefur maður heyrt af 90 krúserum, en þær fara ekki hátt.

Það er held ég engin spurning, klafarnir eru MIKLU betra iron þegar verið er að nota jeppana sem JEPPA en ekki einhverjar andskotans drossíur. Og þegar þeir eru nú komnir með klafa að aftan líka, já, mér er sama þótt okkar ágæti Björn Þorri móðgist, – það getur aldrei orðið alvöru jeppi. En ameríska dótið er nú alltaf sterkast og best. Dana 60 aftan og framan, það er eitthvað sem mér þykir traustvekjandi. NP205 og 203 tengdir saman til að fá low-low gearing og svo ekki lægri hlutföll en 1:4,63 eða eitthvað í líkingu við það. Mig dreymir dag og nótt um F250 með 6,0 Power Stroke o.s.frv., o.s.frv. …………….

Patrol getur ekki verið hraðskreiður í snjó nema á bakaleiðinni þegar hann er búinn með allar varavélarnar og lafir aftan í einhverri Toyotunni.
Palli

Mikið er gaman að heyra/lesa svona málefnalega umræðu svona einu sinni 😉

JHG

En pabbi minn er prestur og hann getur jarðað pabba þinn

Það er skrítið að fáir eigendur klafabíla hafa séð astæðu til að verja klafabílana. Hér að ofan var minnst á bíl Björn Þorra, ef það er rétt sem ég hef heyrt þá verða um 60cm undir miðju Pajero-in hans þegar búið er að hækka hann upp. Mér þætti gamann að sjá þá hæð á rörabíl.
Ég hef ekki ennþá heyrt um að klafabílar séu að brottna niður hér og þar um sveitir landsins en aftur á móti hefur maður heyrt um og einnig hefur verið skrifað um það hér á vefnum að rör undir þessum jálkum hafa verið að bogna/brotna meira eða minna. Eflaust hafa klafabílar brotnað niður einhvers staðar, það er alla vega lítið um það.
Einn minntist á öxulhosurnar í klafabílum, það er ókasturinn við þessa tegund fjaðurbúnaðar íjöklaferðir, þær eiga til með að fara ef ekki er hugsað um þær.
Miðað við þá km. sem maður leggur að baki á ári á öðru undirlagi en snjó og þá km. á snjó og einnig mismunandi akstureiginleika á klafabíl og/eða rörabíl, þá er það ekki spurning í mínu höfði að klafabíll sé betri kostur.
Að halda því fram að allir bílar sem ekki hafa rör allann hringin séu jepplingar sýnir bara að menn eru bara að reyna að vera sniðugir.
Aftur á móti yrðu örugglega mjög skemmtileg skoðanaskipti hér á vefnum ef félagsmenn reyndu að skilgreina munin á jeppa og jeppling, þá án þess að menn væru að reyna að vera sniðugir.

Kv. vals

Mæltu manna heilastur Valur, ekki veitir af liðsöfnuði í umræðunni um háfeta og rör! Reyndar er búið að malla saman tveimur umræðum á þessum annars ágæta og málefnalega þræði og hirði ég ekki um hina.

Sjálfsagt er það rétt að hásingin er ÚT AF FYRIR SIG er sterkari en klafinn. En eins og ég hef margt oft bent á í umræðu um önnur efni eru allt huglægt mat samsett úr mörgum atriðum sem vega misþungt. Á endanum færðu einhverja niðurstöðu. Valur og Skúli bentu báðir á mjög mikilsverð atriði, sem þið ættuð að lesa; allt hefur kosti og galla.

Til dæmis kemur á endanum fram málmþreyta í hásingu, hún bognar og þú þarft að útvega þér aðra frískari. Ætlarðu þá að kaupa nýja hásingu eða aðra notaða sem endist eitthvað áfram? Hvað gerir klafagaur? Hann skiptir bara um annan klafann!

Eftir að framlásinn varð raunhæfur möguleiki í klafabílana finnst mér engin ástæða til að vera á framhásingu. Og það er heldur engin ástæða til að vera fremstur í röðinni til að sanna drifgetu rörabíla. Maður er bara annar bíll og sparar um leið eldsneyti! Það er nefnilega sannað að þeir sem eru á klafabílum eru mun greindari (í heilanum) en þeir á rörunum!

Þið voruð að tala um hæð undir klafa og gætir einhverrar mælingarvillu þar, hjá mér eru 36 cm undir lægsta punkt miðað við 27 pund í dekkjum (sem eru handónýt þannig að ef þið eigið hávaðasama möddera mættuð þið hringja í mig!). Sú hæð heldur sér lungann af breiddinni, svo koma klafarnir.

Einnig töluðuð þið um hosurnar á klafabílunum. Það er rétt að á sumum þeirra þarf að fara gætilega með þær. Nú er ég búinn að eiga tvo Land Cruiser 90 og hosurnar eru eina atriðið sem mér fannst þreytandi veikleiki, sérstaklega í krapa og langvarandi akstri í miklu frosti og snó, þar sem snjórinn fraus allt í kringum hosurnar og maður varð að höggva allt í burtu í dagslok ef maður ætlaði ekki að byrja á því að rífa þær í döðlur daginn eftir.

En svo brá við í Hilux, kannski (ég hef ekki hugmynd um það) vegna þess að hosurnar eru minni heldur en í LC90 eða betur varðar, að ég hef aldrei þurft að hugsa um hosurnar. Never! Ég veit ekkert um það hvort það er heppni eða hvort hosurnar í Hilux liggja á einhvern hátt betur (betur varðar) en í LC90, en ég var mjög meðvitaður um þær fyrst eftir að ég seldi krúserinn.
Ég skoða þær reglulega í krók og kring ca einu sinni í mánuði og það sér aldrei á þeim. Ég bara skil þetta ekki!

bv