This topic contains 235 replies, has 1 voice, and was last updated by 
-
Topic
-
Jæja ágætu félagsmenn, Vefnefnd í samstarfi við Bílabúð Benna ætlar að vera með happdrætti á spjallinu. Þetta virkar þannig að þið svarið þessum spjallþræði með t.d. „Ég er með!“ og þá eru þið orðnir þátttakendur í happdrættinu. Nóg er að svara einu sinni og fleiri svör auka ekki vinningslíkur. Gjaldgengir eru þeir sem greitt hafa félagsgjald fyrir árið 2008. Á næsta félagsfundi, þann 10. mars, í Fjöltækniskólanum Háteigsvegi verða tveir heppnir félagsmenn dregnir út. Ekki er nauðsynlegt að mæta á fundinn til að taka á móti vinningi. Vefnefnd mun koma honum til vinningshafa ef hann er ekki á staðnum. Happdrættinu líkur kl. 18:00 þann 10. mars.
–
Vinningar eru eftirfarandi:
Dráttarauga með D-lás frá Warn að verðmæti kr. 5.900,-
Og Maglite vasaljós í gjafaumbúðum að verðmæti kr. 2.147,-.
–
Bjarni G.
Vefnefnd
–
-
Replies
-
Ég er að tala um 5/8 pinnan sem festir dráttarbúnaðinn við bílinn, þennan sem slitnar og er oft ekki nema hálfur í bílum sem mikið eru notaðir með hestakerrur eða aðrar þunga eftirvagna.
Það stafar miklu meiri hætta frá þessu en venjulegu kúlutengi bara vegna þess að þetta er eðlisþyngra og hegðar sér því svipað og fallbyssukúla í loftinu. Og ef skynsemin á að ráða einhverju þá einfaldlega hefur maður alla hluti sem festir eru í spotta eins létta og kostur er og hefur veikasta hlekkinn ekki viljandi á þessum stað þar sem hann augljóslega veldur hættu ef hann brotnar.
Þú dregur nú ekki margar hestakerrur á svona dráttarkrók… og ef þú ert svo vitlaus að nota hálfétinn bolta þegar þú tekur kúlutengið af og setur krókinn í… tja þá áttu bara skilið að fá þetta í hausinn 😉
–
Bjarni G.
Ef þú notar heilan 5/8 bolta úr lélegu stáli í þetta, tóg sem teygist um 1 metra við 20t álag og togar svo í með með 4 tonna þungum jeppa sem nær 20 km hraða áður en spottin fer að strekkjast. Þá færðu þenna hlut í hausin jafnvel þó þú sért ekki jafn vitlaus og ég. Þannig að þú sér að greind hefur lítið eða ekkert að gera með þetta.
Þessu var ekki beint til þín persónulega "þú" var meira í merkingunni "einhver", greinilega misskilið það eða ég óskýr. En allavega þá eru ansi margir með sambærilegan búnað á bílunum hjá sér, gula dótið og svo heimasmíðað. Ég hef ekki heyrt dæmi um að boltinn sem heldur þessu í prófíltenginu sé að slitna þannig að kannski eru fleiri þættir sem spila inní, t.d. spottinn ekki eins sterkur og gefið er upp (t.d. með pelastikk) eða boltar þoli almennt meira en uppgefinn lágmarksstyrkur er. Það eru margar verri aðferðir til við að hnýta í bíl og að mínu mati er þetta alls ekki slæmt. Og að sjálfsögðu þarf alltaf að gæta fyllstu varúðar þegar dregið er með teygjuspotta, setja fallhlíf á spottann til að draga úr skotinu þegar hann slitnar.
–
Bjarni G.
Þetta er forvitnilegt. Veit einhver dæmi þess að 5/8 bolti gefi sig undan álagi við drátt? Það er auðvitað hárrétt að ef það gerist í svona tilfellum er það stórhættulegt, raunar óháð því hvort það sé með svona dráttarkrók eða venjulegri kúlu á kúlutengi. Ég kann ekki mikið fyrir mér í burðarþolsfræði en ég á fjandi erfitt með að sjá fyrir mér þetta sveran bolta klippast í sundur.
Kv – Skúli
Hlynur hefur minnst á að hafa heyrt af því að svona pinni hafi gefið sig. En jú þetta er nú ekki smíðað fyrir fullvaxna trailera.
Hinsvegar sá ég svona týpiskan profil-dráttarkrók rifna í tvennt um daginn, og var það tommu þykka flatjárnið sem kúlan er skrúfuð í gegnum sem slitnaði !!!!
Eftir á að hyggja þá er augljóst hvað gerðist. Krókurinn var það eina sem hægt var að binda í á bílnum (allvega þangað til maður fór að leita betur..) og bíllinn stóð á endann með nefið á kafi. Þannig að átakið á flatjárnið var eins vont og frekast er hægt að hafa það.kv
Runar.
Pinninn heldur líka við á tveimur stöðum þannig að etv. mætti tvöfalda brotþolstöluna?
-haffi
Skerþol 5/8 bolta ef hann er smíðaður úr venjulegu smíðastáli er um 8000 kg. 2 x það eru 16000 kg sem er þá slitþol þessa búnaðar miðað við lélegasta bolta sem menn setja í þetta. Sæmilegur stálbolti hækkar þetta svo upp í rúm 30 tonn. En vegna þess að efnið prófílum er bara smíðajárn verður aldrei sá ávinningur í því.
Er niðurstaðan þá ekki sú að þetta sé bara í fínu lagi. Spottinn slitnar við 25 tonn, Boltinn við 30 tonn og prófíllinn rifnar einhvers staðar þar á milli… semsagt bara gott mál, spottinn slitnar alltaf fyrst, sem reyndar er ekki mjög spennandi kannski.
–
Bjarni G.
Niðurstaðan er sú að 5/8 boltinn er of lítill miða við 3/4 lásinn. Sem þýðir á mannamáli að Warn er einfaldlega að selja rusl.
Ég er reyndar sammála Gumma (aldrei þessu vant
) með það að þetta dót er ekki jafn mikið gæðadót og menn hefðu kannski haldið.En svo er það nú þannig að ég hef séð ansi mikið af heimskulegum aðferðum við að draga bíla úr festum þar sem eitthvað hefur gefið sig. Í þeim tilvikum hefur nánast allt slitað eða brotnað sem að brotnað getur – nema þessi títt um ræddi bolti – hann hef ég aldrei séð brotinn.
Meira að segja hef ég séð Cherokee jeppa dreginn upp úr krapa á svona krók, hann hélt…. En framhásingin varð eftir…
Benni
Er ekki eðlilegt að lásinn sé aðeins sverari? Það er togað í lásinn úr öllum áttum en ekki alltaf beint eins á boltann í prófílnum…
–
Bjarni G.
Það má skoða stærð lása og styrk í tonnum sem er í vörulista hjá Ísfell [url=http://www.isfell.is/vorulisti/pdf/2_103.pdf:3ofm1exf][b:3ofm1exf]hér[/b:3ofm1exf][/url:3ofm1exf].
Varðandi þessa pinna þá gæti kannski hafa verið steypugalli í þeim eins og var í sumum lásum,og er þá nóg að það sé eins og nálargat ( Hola ) sem er inní honum og þá gat hann brotnað.Það eru ófáir lásar sem maður hefur séð brotna útá sjó þó svo að þeir séu brotþolsprófaðir,en þá leyndist þessi galli í þeim með þessum afleiðingum að þeir brotnuðu jafnvel við minnsta átak.Dolli.
Ég held þið séu farnir að súrsa berin. Ef hætta er á að þessi búnaður fari að gefa sig þá verður að gera aðrar raðstafanir, moka, spila eða eitthvað álíka. Allavega að skoða festinguna sem dráttaraugað er fest í, svo ég tali ekki um öryggistaug eða farg á dráttartogið.
Mér finnst menn orðnir svolítið hysteriskir í staðinn fyrir að fanga þessu framtaki í tilraun við að lífga upp á vefinn. Seljendur af alskonar dóti eða mat hafa styrkt klúbbinn með ýmsum hætti, gegn því að við mynnumst þeirra í orði eða riti. Vefnefndin leitaði eftir seljenda af jeppadóti til að taka þátt í þessu happadrætti gegn því að við segðu frá gefanda happdrættisvinningsins. Ég skil ekki hvað er svona flókið í þessu og því síður það að ritara fari að líkja þessu við kaupfélagsstarsemi hérna á spjallinu.
kv. vals.
Við erum með
You must be logged in to reply to this topic.