Hand cb-stöð

CB stöðvar sem seldar eru í USA eru ekki löglegar hér, vegna þess að þar senda með AM mótun og 4 watta afli en hér meiga slíkar stöðvar ekki senda með meira en 2,5 watta afli. Það er lítið sem ekkert eftirlit með þessum reglum, enda eru margar eða flestar af þeim CB stöðvum sem í notkun eru hér, gerðar fyrir USA markað. Þó líklegt að tollurinn myndi ekki hleypa svona stöð í gegn.

Þessi stöð ætti að virka hér, en það er þó frekar hvimleitt að nota handstöð að staðaldri í bíl, nema hún sé með aðskildum hljóðnema.

-Einar

Það er ekki bannað að eiga Amatör stöðvar hér, og það er ekki bannað að breyta þeim eða flytja þær inn. En það meiga ekki aðrir en þeir sem eru með amatör leyfi nota stöðvarnar til þess að senda, og þá aðeins á tíðisviðum sem eru ætluð radíó amatörum.
Annars var ég að komast að því að það eru komnar VHF amatör stöðvar í fjölda skipa, m.a. öll skip Landhelgisgæslunnar. Þar eru þær notaðar til að senda á skipa tíðnum (156??0 kHz), sem er alls ekki löglegt. Nú er fjaskiptabúnaður í skipum skoðaður reglulega, þannig að þetta hefur varla gerst án vitundar viðkomadi yfirvalda.

TF3EK

Skýringin sem mér var gefin var sú að þetta væri aukastöð sem væri notuð til þess að hlustun á neyðar og uppkallsrásinni (rás 16, 156,800 MHz) truflaðist ekki þó verið væri að tala á öðrum rásum. Raunar gæti þetta verið löglegt ef þeir notuðu amatörstöðina eingöngu til þess að hlusta, t.d. á 16, en það sem ég sá var að "löglega" stöðin var stillt á 16 meðan amatör stöðin var notuð til þess að tala við önnur skip og höfn. Þeir lögðu áherslu að þeir væu ekki að nota stöðina til að senda með meira afli en 25 wöttum. Sjálfsagt eru menn að spara eitthverja þúsundkalla með þessu og það er líka hagræði að því að geta sjálfur sett inn rásir í stöðina. Amatör stöðvarnar eru líka með mjög öfluga skann möguleika.

Annars held ég hlutverk tollsins í þessum efnum hafi breyst á seinni árum. Í nú gildandi [url=http://www.althingi.is/lagas/nuna/2003081.html:1pvinqn0]fjarskiptalögum[/url:1pvinqn0] er hvergi minnst á innflutning eða töllayfirvöld. Ég hef lent í því að tollurinn gerði upptæka CB stöð sem ég reyndi að flytja inn frá USA, en það eru meira en 10 ár síðan. Það hefur margt breyst á þeim tíma.

Ég hef ekki getað skoðað reglugerðir því reglugerd.is er búinn að vera niðri alla helgina.

TF3EK

Til hamingju með amatörleifiið TF3EK
er ekki rétt skilið hjá mér að þetta sé ný skeð
guðmundur

til hamingju með leifið. Ertu þá kominn með nýliðaleifið eða fórstu alla leið.?

Hélt að allir þyrftu að hafa eftir staf n – g eða t
man þetta ekki samt svo glögt hef ekki verið að liggja mikið í þessu undanfarin ár.

semsagt sama leifi og loftskeita menn skipa og flugvéla hafa?

getur einhver sagt mér hver er tilgangur þessara prófa annar en að halda uppi einhverju úr sér gengnu regluverki og hamla því að menn séu með í för nauðsynleg öryggistæki.

Þráðlaus fjarskipti eru vandmeðfarin að mörgu leyti. Rafsegulbylgjur eru ósýnilegar en geta samt borist um langan veg. Þeir sem ekki kunna til verka en eru að nota öflugan fjarskiptabúnað (eins og radíóamatöratalstöðvar eða heimasmíðaðan búnað) geta verið að valda miklum truflunum og tjóni í kringum sig án þess að hafa hugmynd um það.

Tíðnisvið eru líka takmörkuð auðlind og því nauðsynlegt að skipuleggja vel "umferð" eða rásir fyrir rafsegulbylgjur, og ekki síður er mikilvægt að halda "umferðareglurnar". Þess vegna þurfum við sem samfélag að reka stofnun sem á að halda uppi reglum á þessu sviði þ.e. fjarskiptastofnun.

Einfaldast væri nú fyrir samfélagið að banna allt nema það sem er leyft, leyfa bara einfaldan notendabúnað sem búið er að stilla til fyrir nokkrar rásir og gefa einstaklingum enga möguleika á að gera nokkurn hlut sjálfir nema fara með allt sem smíðað er í tegundarprófun og vera undir eftirliti. Þetta er sem betur fer ekki svona slæmt, þökk sé samtökum radíóamatöra. Þeir sem hafa aflað sér smá grunnþekkingar og staðist próf sem radíóamatörar hafa leyfi til að nota öflugan og fjölhæfan fjarskiptabúnað, líka heimsamíðaðan, án þess að "stóri bróðir" sé að anda ofan í hálsmálið á þeim. Þetta fyrirkomulag hefur verið notað í áratugi um allan heim og gefist vel.

Námskeið eru haldin á hverju ári á vegum IRA (http://www.ira.is) og próf eru haldin c.a. tvisvar á ári af fjarskiptastofnun. Ég sat þetta námskeið í vor og var að ljúka prófi núna í mai. Námskeiðið var 14 kvöld (2 kvöld í viku), 3 tíma í senn og reyndist hið fróðlegasta og besta skemmtun. Kennarar IRA eru bæði fróðir og skemmtilegir fyrirlesarar. Þekkingin sem þarna er á ferðinni getur nýst öllum fjallaferðamönnum sem er annt um öryggi sitt og ég hvet sem flesta tæknisinnaða jeppamenn til að kynna sér þessi námskeið. Þetta því ekki bara spurning um réttindi til að mega nota talstöðvar og tíðnisvið, heldur fá menn mjög praktíska þekkingu. Ekki veitir af núna þegar fjarskiptamál á hálendinu virðast stefna í ákveðna blindgötu eftir að NMT kerfið verður lagt af, Gufan hefur þegar verið aflögð og ekkert verður eftir nema VHF kerfið okkar.

Vonandi getum við EIK komið einhverju á framfæri til ykkar á næstunni um það sem við urðum vísari á námskeiðinu og skiptir máli fyrir okkur jeppaferðamenn. Í byrjun get ég upplýst að svokallaðar amatöratalstöðvar eru einfaldlega verri til notkunar á 4×4 tíðnunum heldur en þær sem hægt er að kaupa í Aukaraf og hjá RSH (rök koma síðar). Gæðin eru ekki talin í tökkum og tíðnisviðum.

Með fjarskiptakveðjum
Snorri Ingimarsson
R16 / TF3IK

Svo virðist sem menn tortryggi hér radíóamatöra og það stafar af vanþekkingu sem ég reyni hér með að bæta úr.

Reglur um amatöra eru ekkert séríslensk fyrirbæri heldur eru þær alþjóðlega og eiga sér langa hefð.

Reglurnar eru í aðaldráttum þannig að radíóamatörar mega flytja inn talstöðvar sem eru sérstaklega gerðar fyrir amatöra og ná m.a. yfir tíðnisvið sem ætluð eru amatörum. Auk þess eru þær aflmeiri en talstöðvar ætlaðar til almennra nota.

Flestar aðrar talstöðvar eru ætlaðar venjulegu fólki sem ekki hefur sérþekkingu á fjarskiptum heldur þarf bara að nota tæknina. Þær eru þá til að nota á sérstökum tíðnum sem fá þarf leyfi fyrir, t.d. hefur f4x4 leyfi fyrir ákveðnum tíðnum sem félagsmenn mega þá nota. Einnig eru til CB stöðvar sem vinna á ca 27Mhz og eru opnar öllum. Amatöraréttindi veita ekki rétt umfram aðra að flytja inn slíkar talstöðvar.

Rétt er að taka fram að amatöraréttindi veita ekki rétt til að gera hvað sem er. Þau veita réttindi til að smíða sjálfir fjarskiptabúnað sem sendir allt að 1KW og nota á tilteknum tíðnum án þess að fara með hann í tegundarprófun. Einnig má flytja inn talstöðvar sem ætlaðar eru amatörum. Annan rétt veita amatörréttindi ekki umfram aðra.

Vona að þetta skýri málið betur.

Bestu kveðjur
Snorri
R16 og TF3IK

Ég var að rekast á [url=http://www.mods.dk/view.php?ArticleId=1447:1bcghsgz]fróðlega síðu[/url:1bcghsgz] með mælingu á sendistyrk amtör stöðvar, utan amatör banda. Ég held að þarna sé fjallað um það sem Snorri átti við hér að ofan varðandi notagildi amatör stöðva á 4×4 tíðnum. 4×4 rásirnar eru rétt fyrir ofan 153 MHz nema rásirnar sem endurvarparnir hlusta á, sem eru fyrir ofan 163 MHz.

Líklega þurfa menn að skrá sig inn, til þess að lesa síðuna.

-Einar