This topic contains 3 replies, has 1 voice, and was last updated by 
-
Topic
-
Ágætu félagar.
Nú er kominn í ljós ákveðinn vilji um skiptingu vega þ.e.a.s. ferðamannavega og vega til almennrar notkunar.
Sjá fréttatilkynningu;
„Stöðva ber frekari gerð uppbyggðra vega á hálendinu og takmarka gerð annarra vega eins og kostur er að mati höfunda hálendisvegaskýrslu Landverndar.“
Mitt mat er að við klúbbfélagar eigum nú að láta í ljós skoðanir okkar um hálendisvegi.
Hvað finnst okkur um, t.d. Kjalveg sem Norðurvegur er að reyna að fá fram.
Í Vikudegi s.tb. (gefið út á Akureyri) segir Halldór nokkur frkvstj. Norðurvegar að Kjalvegur komi, spurningin sé bara hvenær.
Hvet félaga að ná málefnalegri niðursatöðu um þessi mál og að formenn deilda f4x4 um allt land taki þessi mál upp strax á haustfundum.
Hvet einnig félaga nú að tjá sig um þessi mál hér á spjallinu.
Sumarkveður.
Elli.
-
Replies
-
Ég verð nu að segja að ég gæti varla verið meira á móti uppbyggðum og malbikuðum Kjal vegi og mér finnst að Ferðaklúbburinn átti að beita sér að fullum krafti á móti svona vitleisu en hey það er bara mitt álit:)
Víðir L
Þ412
Gambri4x4
Ég er á móti uppbyggðum hálendisvegum.
Í mínu námi í ferðamálafræðum hefur þetta mikið verið rætt og höfum við rættu kosti og galla. Þau sjónarmið sem þeir sem vilja uppbyggðan veg skil ég vel þar sem þetta mun bæta samgöngur milli landshluta. En ég held með því að byggja upp t.d kjalveg þá erum við búinn að auka á slysahættu að vetralagi þar sem litlir bílar munu fara þar yfir án þess að vera búnir til þess. Það verður erfiðara að aka kjalveg a vetralagli heldur en þær leiðir sem eru opnar í dag. Við eigum að halda hálendinu óspiltu og ekki vera að opna það fyrir mikili umferð. Með því að byggja upp þessa vegi þá eikst bílaumferð og hálendið hefur ekki þann sjarma sem það hefur í dag. þess vegna er ég á móti því að byggja upp háledisvegi.
Félagsfundur 4×4 samþykkti í vetur samhljóða ályktun gegn þessum vegagerðarhugmyndum yfir Kjöl þannig að afstaða klúbbsins er væntanlega alveg skýr í þessu. Á svipuðum tíma komu fram sambærilegar ályktanir frá Ferðafélaginu og Samtökum ferðaþjónustunnar.
Það þarf hins vegar örugglega að gera eitthvað meira í því að sporna við því að hálendið sé tekið undir svona samgöngumannvirki, allavega virðist meirihluti þjóðarinnar ekki gera sér grein fyrir þeim skaða sem þetta getur valdið. Þetta myndi hafa áhrif á gríðarlega stórt svæði sem núna í dag er óspillt, bæði sjónrænt og svo hávaðamengun sem getur verið umtalsverð. Hvítárnes, Jarlhettur, Baldheiði, Þverbrekknamúli, Kerlingafjöll, Svínárnes, Beinhóll, Hveravellir, Guðlaugstungur, svona svo nokkur dæmi séu tekin yrðu ekki sami staður eftir að svona vegur er komiinn þarna í gegn. Allt staðir sem í dag njóta öræfakyrrðar en yrðu eitthvað allt annað.
Vek athygli á grein samgönguráðherra í Mogganum í dag um þetta mál. Þó hann taki ekki afdráttarlausa afstöðu þarna þá má þó lesa úr greininni að hann geri sér grein fyrir að það þurfi að skoða ýmsar hliðar málsins og ýmis sjónarmið áður en svona framkvæmd er heimiluð. Það vinnur gegn svona hugmyndum ef málin eru skoðuð af skynsemi áður en stokkið er af stað.
Kv – Skúli
You must be logged in to reply to this topic.