Hálendisráðstefnan :-(

Já það var synd að ekki varð úr þessu. Miðað við félagafjölda er raunar ótrúlegt að ekki hafi náðst nema rétt rúmur tugur þátttakenda, en það var ekki forsvaranlegt að draga frummælendur upp á fjöll til að tala yfir 10-15 manns.

Það er spurning hvað veldur. Eg hef að vísu heyrt frá mörgum áhugasömum að þeir áttu ekki heimangengt akkúrat núna, kannski erum við bara svona óheppin með dagsetningu.

Hugsunin með því að hafa þetta í Setrinu var svona e-k jöfnunaraðgerð fyrir landsbyggðafólk, þ.e. væri jafn mikið mál fyrir alla að komast eða því sem næst. Þetta töldum við mikilvægt þar sem hugsanlega sjá margir sem búa á landsbyggðinni þetta öðrum augum en höfuðborgarbúar. Engu að síður var mest lítið um viðbrögð frá landsbyggðadeildum.

Nú veit ég ekki hvort eitthvað fleira spili inn í. Þótti mönnum fyrirlesarar ekki nógu áhugaverðir? Mér fannst mjög spennandi að heyra og sjá erindið frá fulltrúa rammaáætlunar, þar sem þar áttum við von á mjög góðri útlistun á þeim virkjanakostum sem þeir mátu og hverjar þeirra niðurstöður voru, hvaða rannsóknir hafi farið fram etc. Einnig fróðlegt að fá staðfest yfirlit yfir hvaða áætlanir Vegagerðin hefur, hvað er raunverulega á kortunum og hvað eru óstaðfestar hugmyndir. Og ekki síst hefði örugglega verið mjög gaman að heyra í Guðmundi Páli sem hefur ákveðnar skoðanir sem oft hrista upp í umræðum. Gott mótvægi í umræðuna.

Var efnið kannski ekki nógu áhugavert? Miðað við umræður hér á vefinn held ég varla enda hafa þessi mál sprengt öll met í lengd á spjallþráðum, ef undan eru skildar málefnalegar pælingar um yfirbuðri amerískra bíla vs. japanskra (eða öfugt). Kannski áttum við að bjóða frían bjór!

Eitt verðum við þó að játa á okkur, það er að endanleg nöfn frummælenda lá frekar seint fyrir. Þar kom til að menn áttu erfitt með að gefa okkur endanlegt svar og þessir hlutir voru að breytast fram á síðustu stundu. Þeir menn sem við töluðum við voru yfirleitt allir að vilja gerðir og voru að reyna að hliðra til en þurftu svo kannski að redda öðrum á síðustu stundu til að hlaupa í skarðið fyrir sig eða jafnvel gátu ekki orðið við beiðninni á neinn hátt.

Það er kannski huggun harmi gegn að við erum ekki búnir að gefast alveg upp og ætlum að reyna að fá a.m.k. þessa fyrirlestra við tækifæri, hvort sem það verður á mánudagsfundi eða við annað tækifæri.

Kv – Skúli