Hálendið lokað óvönum

Já, þetta kemur mér ekki á óvart. Svandís Svavarsdóttir er ekki upphafsmaður þessara hugmynda eftir því sem ég held. Man eftir að einn tiltekinn náungi hreyfði þessari hugmynd á fundi með fyrstu hálendisnefndinni. En hverjum sem datt þetta í hug fyrstum, þá er hugmyndafræðin sú að það megi koma í veg fyrir eða draga úr líkum á a) skaða á umhverfi og b) slysum á fólki með svona ráðstöfunum. Í mínum huga er þetta ein leið til að skattleggja ferðir um hálendið, skapa grunn fyrir sektargreiðslum og draga þar með úr því að aðrir fari um hálendið en tilteknir ferðaþjónustuaðilar, sem eru yfirvöldum þóknanlegir.

Góðan daginn,
er ekki orðið tímabært að láta í sér heyra.
Gera eitthvað sem skiptir máli eitthvað sem hreyfir við þessu fólki.
Það verður að stoppa þetta lið annars koma bara nýjar hugmyndir daglega og engin góð.
Kveðja Hjörtur og [url=http://www.jakinn.is/skrar/02_JAKINN.JPG:2v9mrldb]JAKINN[/url:2v9mrldb]

Daginn

Alvara eða ekki þá er þetta bráðfyndið. Ég velti fyrir mér hvar mörkin verða, hvort ég þurfi Hálendi 1 til að heimsækja Villa í Möðrudal og fara yfir Fjarðarheiðina eða hvort hálendið verði skilgreint sem holóttur vegur sem er hátt yfir sjávarmál og þ.a.l. gæti Breiðdalsheiðin, sem er á þjóðvegi 1, verið skilgreind sem Hálendi 1.

Þetta eru náttúrulega fáránlegar hugleiðingar, af hverju setja menn þessi fræði ekki í barnaskólana. Þar man ég eftir að hafa setið í allskyns fögum sem hafa aldrei nýst mér nokkurn skapaðann hlut en þar var mér ekki kennt að umgangast mitt eigið land nema að mjög takmörkuðu leyti.

Kv Jón Garðar

Hahaha !

Ófyndin sem þessi hugmynd er….

þá er ég að reyna að sjá Tungnamenn fyrir mér fara á námskeið til að smala Þjófadalina!!!!
Það eru kannski einhverjir sem geta kennt Lofti í Myrkholti hvernig skal stikla yfir læk… (bráðfyndin pæling finnst mér)

Úr hvaða þarmi eru þessar hugmyndir annars dregnar? Það þarf nú að fara að stöðva þetta rugl…

Þetta er eiginlega bara drepfyndið, það verður ekki meira um það sagt.
Er þá ekki líka rökrétt að senda alla sem ætla á pöbbarölt eða á skemmtistað á sérstakt "skemmtasér og drykkjunámskeið"?
Það hefur jú reynst mörgum hættulegt að fara niður í bæ á kvöldin um helgar.

kv
Rúnar.

það möppulykt af þessu….. sveimér þá ef það er ekki smá pappakassafnykur líka….

Finnst einhverjum í alvöru ekki nógu mikið traðkað á okkur nú þegar…

Úr því að umræðan er farin að róast hérna og Ofsi búinn að fá sitt út úr þessu þá er kannski í lagi að blanda sér í umræðuna. Það er rétt hjá Ólsaranum að þetta er ekki ný hugmynd. Hér fyrir allnokkrum árum þegar ég sat í stjórn 4×4 heyrði ég fyrst þessa hugmynd, þá var einn stjórnarmeðlimur með yfirvaraskegg og rottuhúfu sem viðraði það að eitthvað í þessa veru gæti verið sniðugt. Jón einhver … já þekktur fyrir að flækjast allar slóðir hálendisins. Mér fannst hugmyndin býsna róttæk en hann færði nú ýmis rök fyrir henni. Held að hann hafi reyndar heyrt hana einhvers staðar frá þannig að sjálfsagt er ekki rétt að eigna honum höfundarréttinn.
Hins vegar þessi hugmynd sem Ofsi er að vísa í núna gengur að ekki eins langt og það sem þessi mottumeistari var að velta fyrir sér þarna á sínum tíma. Þ.e. hún gengur út á að 4×4 og fleiri félög standi fyrir námskeiðum til að kenna nýliðum grundvallaratriðin í ferðamennsku, m.a. varðandi öryggismál og umhverfismál og Ferðamálastofa er tilbúin til að styrkja slíkt námskeiðahald en að öðru leiti verði þau í höndum félaga. Það er hins vegar ekki í pípunum að bannað verði að fara á hálendið ef menn hafi ekki farið á slíkt námskeið. Þetta námskeiðahald hefur verið í umræðu milli formanns 4×4, undirritaðs, framkv. stj. FÍ og starfsmanns Ferðamálastofu. Í þeim hópi er allavega á hreinu að þetta er til þess að auka þekkingu þeirra sem ferðast um hálendið en ekki einhver óraunhæf hugmynd um bönn og reglur. Held að svona námskeiðahald sé nú kannski bara ágætis hugmynd.
Kv – Skúli

Nákvæmlega, ekkert nýtt við það og þar er góður grunnur að byggja á.
Kv – Skúli