This topic contains 8 replies, has 1 voice, and was last updated by 
-
Topic
-
Samkvæmt fréttum á Bylgjunni eru allir hálendisvegir opnir nema Eyfirðingabraut, þannig að nú er bara að bruna upp á við.
kv. vals.
-
Replies
-
Ég tapaði ferðafélaganum inn á sjúkrahús í dag. Var svoleiðis búin að ætla mér í skemmtilega ferð um helgina. Nú nenni ég ekki að fara ein í þetta skiptið ef ég get sloppið við það. Er ekki einhver eða einhverjir að fara út bænum í kvöld sem eru til í að taka mig með í hópinn? Síminn minn er 664-1090
Kv. Barbara Ósk
Ég kom í dag upp úr Skagafirði um Laugafell og Sprengisandsleið og það var lokunarskilti við veginn norðan Vatnajökuls við Hagakvíslina og mér var sagt í Nýjadal að það væri snjór ennþá á þeirri leið. Vegurinn upp úr Skagafirðinum er nýopnaður og mjög góður og lítið í ánum. Kv. Olgeir
Já en Olgeir,
heitir kvíslin Hagakvísl eða Tómasarhagakvísl eða kannski bara Fjórðungskvísl?Ingi
Sæll Ingi. Ég hef nú líklega ratað á sannleikann þegar ég nefndi Hagakvísl. Ég fór að skoða þetta í Árbók FÍ 1967 eftir Hallgrím Jónasson. Hann segir að undan skriðjöklunum sem eru norðan og sunnan Fagrafells og nefndir eru Hagajöklar komi kvíslar . " Eru þessi vötn nefnd Hagakvíslar ". Þessi nöfn eru tengd Tómasarhaga sem er á þessum slóðum. Mér sýnist á korti að ein upptakakvísl Fjórðungakvíslar verði á vegi manns nokkru norðar, en hún er afar lítil yfirleitt. Alltaf gaman af svona pælingum. Með kveðju Olgeir
Sæll Olgeir og þakka þér fyrir kveðjur, sem ég hef fengið frá þér síðustu daga! – Mér var kennt á sínum tíma að þetta hétu bara Hagakvíslar, sem koma þarna undan kvíslunum sem renna undan skriðjöklunum sem eru sitt hvoru megin við fellið Háhyrnu, síðan kemur Nýjadalskvíslin saman við þær og eftir það heitir það Fjórðungakvísl, að mér var sagt. Ég hef haft mikið traust á heimildamanni mínum varðandi örnefni á hálendinu og vona að ég fari rétt með þetta.
kv. gþg
Ég er sammála Ólsaranum í þessu máli. Þegar Hagakvísl/kvíslar og Nýjadalskvísl koma saman, heita þær Fjórðungskvísl.
Hlynur
-Já, þetta mynnti mig sko líka (?).
Skv. 100.000 kortunum þá renna Hagakvíslar í Fjórðungakvísl.
Skv. öllu þá virðist Hagakvísl ekki vera til í eintölu?
Þarf ekki að gera bragbót á þessu???
Ingi
Sælir og takk fyrir góðar pælingar. Ég held að við höfum allir nokkuð til okkar máls. Hagakvíslarnar koma hvor undan sínum jöklinum en á veginum fór ég yfir þær í einu lagi og hefði getað keyrt hjólbörur þar yfir. Nýjadalsáin og Hagakvíslarnar sameinast svo nokkru vestar Fjórðungakvísl en nokkrar lænur hennar koma af sandinum suðvestur af Fjórðungsöldu og Fjórðungsvatni. Gætu reyndar haft einhver sérnöfn án þess að það sjáist á kortum. Bergvatnskvísl sem er efsta upptakakvísl Þjórsár á svo samkvæmt kortum upptök vestan undir öldu sem er merkt 846m og er nánast á 65. gráðu norður. Hinum megin við ölduna eru Kiðagilsdrög og Bleiksmýrardrög sem skila vatni norður. Og Hlynur og Ingi takk fyrir samveruna við Tungnaána í haust. Kv. Olgeir
You must be logged in to reply to this topic.