This topic contains 8 replies, has 1 voice, and was last updated by 
-
Topic
-
AnonymousMorgunblaðið í dag. Eftir Rúnar Pálmason
runarp@mbl.isEKKERT sérstakt átak var gert í kortlagningu vega og slóða á
hálendinu líkt og starfshópur umhverfisráðuneytisins lagði til í
skýrslu sinni árið 2005. Hópurinn taldi að með átaksvinnu mætti
ljúka verkefninu á tveimur árum. Nú stefnir í að kortlagningu ljúki
sumarið 2009, fjórum árum eftir að tillögur hópsins litu dagsins
ljós.Starfshópurinn, sem var skipaður í tíð Sivjar Friðleifsdóttur sem
umhverfisráðherra haustið 2004, skilaði skýrslu vorið 2005. Í henni
kom m.a. fram að þrátt fyrir vinnu Landmælinga Íslands og
Vegagerðarinnar vantaði enn nákvæmar upplýsingar um töluvert af
slóðum á hálendi Íslands. Starfshópurinn lagði til að með
sérstöku átaki yrði lokið við kortlagninguna á tveimur árum.
Áætlaður viðbótarkostnaður vegna kortlagningarinnar væri 9
milljónir króna.Kortlagning sem þessi er forsenda þess að hægt sé að segja til um
hvort umferð sé leyfileg eða bönnuð um viðkomandi leið. Akstur utan
vega er bannaður, um það snýst málið ekki. Það er hins vegar deilt
um hvað telst vera vegur.Engin fjárveiting
Að sögn Magnúsar Guðmundssonar, forstjóra Landmælinga Íslands, fékk
stofnunin enga sérstaka fjárveitingu til að ljúka kortlagningu í
kjölfar útkomu skýrslunnar 2005 og ekkert sérstakt átak var gert í
þessum efnum. Hann benti hins vegar á að frá árinu 1999 hefðu
Landmælingar unnið að kortlagningu vega og slóða á hálendinu og
stofnunin hefði haldið sínum takti í verkefninu. Sérstakur kraftur var
síðan settur í mælingarnar sumarið 2007 með samstarfssamningi við
Ferðaklúbbinn 4×4.
Magnús telur að Landmælingar ljúki við að kortleggja vegi og slóða
á hálendinu sumarið 2009. Að hans sögn er skráning á miðhálendinu
langt komin og hugsanlegt að ljúka henni að mestu í sumar. Töluvert er
hins vegar eftir á Norðausturlandi og Austurlandi og einnig á
Vestfjörðum og Snæfellsnesi. Verkefninu lyki þó ekki þar með því
uppfæra yrði gögnin reglulega og brugðist yrði við ábendingum,
sagði hann.Í sumarbyrjun 2006 kynnti þáverandi umhverfisráðherra, Sigríður Anna
Þórðardóttir, vefinn Á vegi sem átti að vera ökumönnum til
leiðbeiningar um akstur á hálendinu.Aðspurður sagði Magnús að Landmælingar hefðu alls ekki talið að
þetta væri tæmandi kort, þótt þá hefði verið búið að mæla
helstu vegi og slóða í samvinnu við Vegagerðina. Kortið hefði
einungis átt að vera til leiðbeiningar þannig að ökumenn gætu verið
vissir um að þeir ækju eftir löglegum vegum. Þegar menn fóru að
skoða þetta betur þá kom í ljós að það vantaði mikið af vegum og
slóðum inn í grunninn, sagði hann.Þótt kortið hafi einungis átt að vera til leiðbeiningar voru ökumenn
engu að síður varaðir eindregið við að aka annars staðar en á
þeim vegum sem sýndir voru á kortinu.Mælingamenn Landmælinga skrá legu vega, ástand þeirra og lýsa
yfirborðinu. Þeirra verkefni er ekki að skilgreina hvaða vegum eða
slóðum á hugsanlega að loka. Það stóra verkefni er alveg
eftir, sagði Magnús.Misskilningur ráðherra
Í svari Þórunnar Sveinbjarnardóttur umhverfisráðherra á Alþingi í
febrúar við fyrirspurn Sivjar Friðleifsdóttur kom fram að kortlagningu
á vegum og slóðum á miðhálendinu væri lokið. Þetta er ekki rétt,
eins og fram hefur komið. Samkvæmt upplýsingum frá
umhverfisráðuneytinu varð misskilningur þess valdandi að rangar
upplýsingar birtust í svari ráðherra.
Óvissan ætti að verða úr sögunni
ANNAR starfshópur hefur verið myndaður af umhverfisráðuneytinu til að
skilgreina hvað telst vera vegur og hvað ekki en með því er ætlunin
að sporna við utanvegaakstri í óbyggðum. Starfshópurinn hefur ekki
komið saman og hefur ekki sett sér tímamörk en formaður nýja
starfshópsins telur að vinnan geti tekið 6-12 mánuði.
Líkt og starfshópurinn sem Siv Friðleifsdóttir skipaði 2004 á
starfshópurinn að skilgreina hvað teljist vera vegir og slóðar í
óbyggðum.Hálendið fyrst
Sesselja Bjarnadóttir, sérfræðingur ráðuneytisins og formaður nýja
starfshópsins, segir að fyrst í stað muni hópurinn einbeita sér að
slóðum og vegum á hálendinu, þ.e.a.s. þeim vegum og slóðum sem
óljóst er hver beri ábyrgð á. Þetta geti t.d. verið leiðir inn að
skálum, gamlar þjóðleiðir og línuvegir. Ef enginn vill taka
ábyrgð á þeim, telur heldur enginn að hann þurfi að halda þeim
við, segir Sesselja. Þetta geti t.d. valdið því að ef skurður
kemur í veg sem enginn ber ábyrgð á, muni hugsanlega enginn fylla upp
í skurðinn með þeim afleiðingum að ökumenn krækja út fyrir veginn.Um 20 sveitarfélög eiga skipulagsvald á hálendinu og segir Sesselja að
hópurinn muni fara yfir málið með fulltrúum þeirra allra. Aflað
verði upplýsinga um hvaða vegir og slóðar eru ekki í umsjón eins né
neins og hvort takmarka þurfi umferð um þá eða loka alfarið. Slíkt
verði aðeins gert með fullu samráði og samþykki sveitarfélaganna.Drög til hagsmunaaðila
Eins og sýknudómar í meintum utanvegaakstursmálum bera með sér hefur
löngum verið vafamál hvað telst vera vegur og hvað ekki.
Sesselja segir að þegar nefndin hafi lokið við að ræða við
sveitarfélög verði útbúin drög að korti sem muni sýna hvar
leyfilegt er að aka og hvar ekki. Þessi drög verði síðan send til
hagsmunaaðila, s.s. útvistarfélaga og félaga torfæruhjóla- og
jeppamanna. Að því loknu verði kortið gefið út og jafnhliða verði
reglugerð breytt þannig að akstur á vegum eða slóðum sem eru ekki á
kortinu verður bannaður. Þá ætti þessi óvissa að vera úr
sögunni, segir hún.Aðspurð hvort til sé nægilega góður kortagrunnur til að ljúka
þessari vinnu, segir Sesselja að þótt Landmælingar eigi enn eftir að
mæla nokkur þúsund kílómetra á hálendinu sé hægt að hefja
starfið og ljúka því innan árs. Kortið sem fyrst verði gefið út
verði af miðhálendinu og væntanlega verði mælingum lokið fyrir það
svæði.Í sumarbyrjun 2006 kynnti þáverandi umhverfisráðherra, Sigríður Anna
Þórðardóttir, vefinn Á vegi sem var ætlað að vera til
leiðbeiningar um hvaða vegi á hálendinu mætti aka.Að sögn Sesselju bárust mjög margar athugasemdir vegna fyrrnefnds
vegakorts þar sem inn á það vantaði töluverðan fjölda af vegum og
slóðum. Því hefði verið ákveðið að loka vefnum Á vegi.
-
Replies
-
Samkvæmt þessu á að loka þeim slóðum sem engin ber ábyrð á, en í póstinum á undan segir
Sesselja Bjarnadóttir, sérfræðingur ráðuneytisins og formaður nýja
starfshópsins, segir að fyrst í stað muni hópurinn einbeita sér að
slóðum og vegum á hálendinu, þ.e.a.s. þeim vegum og slóðum sem
óljóst er hver beri ábyrgð á. Þetta geti t.d. verið leiðir inn að
skálum, gamlar þjóðleiðir og línuvegir. Ef enginn vill taka
ábyrgð á þeim, telur heldur enginn að hann þurfi að halda þeim
við, segir Sesselja. Þetta geti t.d. valdið því að ef skurður
kemur í veg sem enginn ber ábyrgð á, muni hugsanlega enginn fylla upp
í skurðinn með þeim afleiðingum að ökumenn krækja út fyrir veginn.
Um 20 sveitarfélög eiga skipulagsvald á hálendinu og segir Sesselja að
hópurinn muni fara yfir málið með fulltrúum þeirra allra. Aflað
verði upplýsinga um hvaða vegir og slóðar eru ekki í umsjón eins né
neins og hvort takmarka þurfi umferð um þá eða loka alfarið. Slíkt
verði aðeins gert með fullu samráði og samþykki sveitarfélaganna.Hvað ef f4x4 klúbburinn vill taka ábyrð á þessum slóðum sem eru munaðarlausir, hugsamlega í samstarfi við aðra útivistar hópa þarf þá nokkuð að loka þeim ?
Þegar að þessi starfshópur er búinn að finna út hvaða slóðar eru án eftirlits getur f4x4 tekið þá að sér og síðan geta ákveðnir hópar eða gengi t.d Rottugengið (bara sem dæmi) fóstrað ákveðna leið og þá mokað ofan í skurðinn eða tínt stæðsta grjótið úr slóðanum.
Hvers vegna ekki?
Hilmar Örn
kvað Jónas Hallgrímsson forðum. Mér var nú hugsað til þess þegar ég hljóp á hundavaði yfir þessa tilvitnuðu grein í morgun, að það er eins og ekkert hafi verið gert. 4×4 klúbburinn hafi ekkert gert til að koma á móts við hið háa ráðuneyti. Jón Garðar Snæland er búinn að aka til og frá, út og suður um allt hálendið og skrá slóða og vegi, koma þeim í tölvutækt form með hnitum og hvaðeina með góðri aðstoð a.m.k. sumra félagsmanna 4×4. Svo er látið eins og ekkert hafi verið gert!
er eiginlega sammála Hilmari í þessu, það má velta þessu fyrir sér.
Fyrst ætla ég að svara hugmyndum Hilmars. Hún hefur komið fram áður, og varpaði Benni Magg þessu einusinni fram við umhverfisráðherra, að við tækjum að okkur allt veghald á foreldralausum slóðum. Þetta er hugsamlega hæg, og á að fara að rýna í vegalög í því sambandi. Það má t,d sjá umræður um þetta hjá Slóðavinum. Það væri kannski hægt að taka einhverjar útvaldar leiði undir verndarvæng 4×4. En það má ekki heldur gleyma því að, að lokum gætu slóðir í gagnagrunni LMÍ orðið 3000 eða hver veit hvað, þannig þetta er engin smá fjöldi.
Það er töluverður fjöldi einstaklinga sem hefur lagt klúbbnum lið í ferlasöfnun og eru þeir ornir einhverjir 70. Að sjálfsögðu hefðu þeir mátt vera fleiri en svona er lífið.
Ég vill endilega auglýsa eftir vetrarferlum og mætti senda þá á rotta01@gmail.com.
Því við erum einnig að safna þeim. Okkur er alveg sama í hvaða formi ferlarnir eru við snúum öllu í GPX. Kv Ofsi
Mér lýst vel á hugmyndina hjá Hilmari og Benna , það gæti verið góð afsökun til að fara í ferð , laga eitt tvö úrrensli, en ég hef smá áhyggjur af þessum nýja starfshóp !!! er einhver frá Klúbbnum í þessum hóp?? Nú eða frá öðrum hagsmuna hópum ? Því þarna væri hægt að eyðileggja alla góðu vinnuna, ef ekki eru menn með viti sem taka svo loka áhvörðun um hvort má eða má ekki aka hinn eða þennan slóðann.
kv:Kalli vegabætir
Í hverju skyldi Sesselja Bjarnadóttir vera sérfræðingur, einhvern veginn líst mér illa á þessa titla hjá ráðuneytunum, er að spá hvort hún hafi farið út fyrir 101 Rvk.
Kv. Heiðar
já það er líka alveg magnað að í Umhverfisráðuneytinu er gefnir upp 32 starfsmenn og af þeim eru aðeins 11 karlmenn. Finnst vera óttaleg saumaklúbbalykt af þessu.
Sérfræðingur eru ekki allir sérfræðingar í einhverju var bara ekki búin að fatta að maður gæti titlað sig það jamm góð hugmynd.
Kveðja Lella Sérfræðingur
Svona af því það er spurt þá veit ég að umrædd Sesselja þekkir til fjallaferða og er haldinn hálendisbakteríu. Það er allavega kostur þó auðvitað sé það engin trygging fyrir að allt falli í góðan farveg, það ræðst miklu frekar af okkar heimavinnu heldur en hennar þekkingu. Það er fátt nýtt sem kemur fram þarna, öllu frekar er þetta staðfesting á því sem við í umhverfisnefndinni og Ofsi höfum sagt að muni gerast. Sú vinna í ferlamálum sem Ofsi hefur stýrt síðasta árið eða síðustu ár er einfaldlega tilkomin af því þetta var fyrirséð. En það vantar enn marga ferla og full ástæða til að grafa aðeins í ferlasafninu og skoða hvort það sé ekki eitthvað þar sem hugsanlega gæti komið að notum. Leiðir sem ekki eru í gagnagrunninum verða sjálfkrafa athafnasvæði þyrluvæddra sýslumanna í framtíðinni, munurinn verður hins vegar að þá þurfa þeir ekki að óttast sýknudóma. Við höfum tvö sumur til að safna og þau eru fljót að líða. Því þarf Ofsi alla þá hjálp sem gefst.
Kv – Skúli
You must be logged in to reply to this topic.