This topic contains 5 replies, has 1 voice, and was last updated by 
-
Topic
-
Fjallað hefur verið um að aðalmarkmið þessa klúbbs eigi að vera hagsmunabarátta, fyrir ferðafrelsi og að mega aka breyttum bílum.
Nýverið hélt formaður F4x4 ræðu um þetta á afmælisfundi F4x4.
Undanfarið hefur F4x4 verið í samvinnu við LMI að ferla slóða á hálendinu, en í MBL í dag, er LMI harðlega gagrýndar fyrir gamaldags vinnubrögð, eða að aka slóðana með GPS tæki, og fá þannig nákvæma staðsetningu á leiðinni.
Loftmyndir telja að þeirra vinnubröð eru mun betri, að taka mynd af landinu og finna svo slóðana á myndinni.
Ég ég fleiri getum að vísu ekki tekið undir þetta af fenginni reynslu.
Loftmyndir voru að beiðni kærðu í Hagavatnsmálinu, að aðstoða við vörn, en á mynda-gögnum þeirra var ekki hægt að greina þá slóða sem liggja að Hagavatni.
Ég held að gögn Loftmynda hafi ekki komið að neinu gagni, en gömul kort LMI gerðu það.
Þessar loftmyndir greina ágætlega rudda Vegi og slóða í gegnum gróið land, þar sem hjólförin eru í gegnum svörðin, en að sama skapi eru þær gagnslittlar í að greina leiðir, í hrauni, melum, foksandi, flæðum, eða landi sem vatn flæðir yfir á vetrum. Óljósar leiðir á hörðu yfirborði sjást alls ekki, þótt þær eru stikaðar og þótt ágætt er að rata um á bíl.
Nýverið komu nokkrir áhugasamir um ferlunarverkefnið saman í höfuðstöðvum F4x4 til að mynda nýtt ferlaráð. En þar mættu félagar í F4x4 og fólk úr öðrum samtökum.
Þessi fundur átti koma krafti í verkefnið, en óvæntir atburðir urðu til þess að drepa allann áhuga og atörku úr mönnum.
Ég vet ekki um framtíð verkefnisins, en breytinga er þörf.
kveðja Dagur
-
Replies
-
Var myndað "nýtt" ferlaráð eða ekki. Er það á vegum F4x4 eða einhverra annarra, hvaða önnur samtök komu að þessari nýmyndun… eða ekki. Hvert er markmiðið með þessu ferlaráði?
Ég hélt að þið hefðuð óbilandi áhuga á þessum málum. Hvernig er hægt að drepa áhugann á einum litlum kvöldfundi???kv. stef…
Í Ferðaklúbbnum 4×4 er til Ferlanefnd og í henni eru:
Vilhjálmur Freyr Jónsson
Óskar Erlingsson
Dagur Bragason
Jón G SnælandÞessi nefnd var stjórnskipuð árið 2006 og hefur verið starfandi síðan þá. Enda er ekki kosið í stjórnskipaðar nefndir. Árlega heldur halda þær áfram störfum eftir þörf eða eru lagðar niður formlega af stjórn eða þeirra sé ekki lengur þörf. Þessi nefnd kom ferlaverkefninu aftur í gang og gerði gagnagrunn 4×4 að því sem hann er nú. Undir stjórn fyrrverandi formanns Benedikts Magnússonar.
Nýjasta afkvæmið af ferlanefnd er Ferlaráð. Ferlaráðinu var ætlað það hlutverk að hleypa nýju blóði inn í verkefnið enda ekki vanþörf á. Því var haft samband við Slóðavini, um samstarf. Þar sem hagsmunir okker gætu víða legið saman og þeir byrjaðir á sömu vinnu og við. Þarna kæmu til liðs við okkur 150-200 félagsmenn Slóðavina sem hafa það að markmiði að gæta að ferðafrelsinu og fá að aka óbyggðaslóðir
Hugmyndir voru upp að sameina gagnagrunnana og flokka þá. Einnig var ætlunin að vera með vinnu vefsíðu og sameiginlegt netfang ( ferlarad@f4x4.is.
Einnig var ætlunin að sameina tengiliðanet ( félagsmenn um land allt ) félaganna enda er það eitt af mikilvægustu þáttunum, að fá upplýsingar um óferlaða slóða.
Fleiri hugmyndir voru uppi um samstarf á ýmsum sviðum og hugmyndir að fá jeppadeild Útivistar til samstarfs enda verkefnið gríðarlegt af umfangi og ekki mikill tími til stefnu, ef fer sem horfir. Umfang nefndarinnar var því töluvert og var því þörf á mörgum nefndarmönnum og mun fleirum en undir venjulegum kringumstæðum. Voru því komnir 16 aðilar í ráðið fyrir utan nokkra tugi í hóp tengiliða. Einnig átti að fá til liðs við hópinn fólk sem hafði vit á lögum og skipulagsmálum. Þeir sem voru þegar búnir að gefa kost á sér í Ferlaráðið voru neðan taldir. Nú er það í höndum stjórnar að gefa samþykki sitt fyrir þessu eða hafna því, og það þarf að gerast strax enda er tíminn okkur ekki hliðhollurTryggvi R Jónsson
Vilhjálmur Freyr Jónsson
Jón G Snæland
Ólafur Magnússon Skúli H Skúlason Lárus Rafn Halldórsson Óskar Erlingsson Sverrir Kr Bjarnason Jakob Þór Guðbjartsson Axel Sigurðsson Hlynur Snæland Þorsteinn I Víglundsson Ásgeir Örn Rúnarsson Samúel Þór Jónsson Einar Kjartansson Dagur Bragason
Það fer nú ekki milli mála að þetta fyrirtæki, sem þarna er að reyna að tala niður það sem aðrir eru að gera, eru í hreinum lobbyisma til að fá verkefni fyrir sig. Þetta snýst hreinlega um peninga hjá þeim, enda er þeim áreiðanlega fjandans sama um hvort þessi eða hinn slóðinn er í notkun eða ekki. Svo tek ég undir það sem komið hefur fram hér ofar, að á loftmyndum sjást ekki nærri allir slóðar og þarf ekki að fjasa mikið um það. Með þeirri tækni sem er þekkt í dag er ekki önnur aðferð áreiðanlegri en sú sem Ofsi og félagar eru að nota. Við skulum því öll sem eitt standa með okkar liði.
Takk fyrir þessi svör en óneitanlega vakna upp fleiri spurningar.
Hvað tekur við ef að stjórnin tekur ákvörðun um að hafna þessum hugmyndum og tillögum, í hvaða farvegi eru ferlamálin þá?
Þessi mál þola enga bið og við erum að brenna inni á tíma því að Umhverfisráðherra virðist enn þá vera haldinn þeim ranghugmyndum að þessu ferlaverkefni sé lokið ef marka má þau svör sem að hún gefur á þinginu.
"Landmælingar Íslands hafa lokið kortlagningu vega og slóða miðhálendisins. Framundan er úrvinnsla þeirra upplýsinga. Ákvarða þarf hvaða slóðar og vegir eigi að vera opnir fyrir umferð farartækja og hvort loka eigi einhverjum slóðum, alfarið eða tímabundið."
–
Það sé bara formsatriði að fara að vinda sér í að loka sem flestum slóðum og vegum.
"Gefa þarf út reglugerð sem bannar akstur utan þeirra slóða og vega sem ákveðið hefur verið að megi vera opnir."
–
Eru einhver plön með það að fulltrúar ferlaráðs fari og banki upp hjá umhverfisráðherra og fari yfir þessi mál með henni í persónu. Jafnframt að minna hana á áherslur sínar sem umhverfisráðherra sem að voru meðal annars "Enn vantar talsvert á að nýttir séu kostir virkrar þátttöku almennings og félagasamtaka við undirbúning ákvarðana í umhverfismálum. Brýnt er að bæta úr því. Veita almenningi aukin tækifæri til að hafa áhrif á þróun laga og reglugerða."kv. stefanía
Þetta er svolítið mikið ‘hvað ef’ spurningar hjá þér Stefanía og þó auðvitað sé oft gott að vera við öllu búinn er ekki alltaf ástæða til að vera með svar við öllum ‘hvað ef’ spurningum fyrirfram heldur taka á málunum ef þau koma upp. Eins og Jón lýsir er ferlanefndin að safna liði sér til stuðnings í umfangsmiklum verkefnum og ég á erfitt með að sjá þá stöðu koma upp að stjórnin hafni þeirri hugmynd og ekki heyrt að það standi til.
Það er rétt að í svar umhverfisráðherra á þinginu á dögunum kom fram einhver misskilningur um stöðu ferlunarverkefnisins og bæði ég og Agnes höfum fengið það staðfest. Væntanlega leiðréttist þetta núna eftir páska þegar svar kemur frá umhverfisráðherra við fyrirspurn Sivjar Friðleifsdóttur um þetta mál. Við höfum líka lagt áherslu á að fullt samráð verði haft við útivistarfélög um þessi mál og fengið þau svör að rík áhersla verði lögð á það í vinnuferlinu. Meðan annað kemur ekki á daginn hljótum við að gera ráð fyrir að ætlunin sé að standa við það. Það sem er mikilvægt fyrir okkur er:
– Vinna okkar heimavinnu í gagnaöflun. Það er og verður lykillinn að því að eitthvað vitrænt komu úr þessari vinnu að hún byggi á sem bestum gögnum um slóða á hálendinu
– Fylgjast vel með framvindu vinnunnar og halda því lifandi að útivistarfélög fái að koma sínum sjónarmiðum að.
– Halda sem bestu sambandi og samstarfi við þá sem eru að vinna í þessum málum. Það gerum við ekki með skæruhernaði, einstrengishætti eða með því að hafa tortryggni stöðugt að leiðarljósi, heldur með því að vera fylgin okkur með jákvæðum hætti og byggja okkar vinnu á víðsýni. Sú aðferð hefur skilað okkur glettilega miklu á undanförnum árum.
Svona held ég að við náum bestum árangri í að tryggja framtíðar ferðamöguleika okkar. Auðvitað er engin trygging fyrir því að engum slóðum verði lokað sem við myndum vilja hafa opna. Valdið í þeim efnum er auðvitað ekki hjá okkur og ekki heldur hjá umhverfisráðuneytinu eða vinnuhópnum sem ráðherra skipaði, heldur er það hjá sveitarfélögunum. Eina sem við getum gert er að tryggja að okkar sjónarmið komi fram og ef sveitarfélögin hafa góða stjórnsýslu að leiðarljósi hljóta þau að taka tillit þeirra sjónarmiða ef önnur rök vega ekki þyngra.
Kv – Skúli
You must be logged in to reply to this topic.