This topic contains 7 replies, has 1 voice, and was last updated by 
-
Topic
-
AnonymousÍ Grímsvatnagosinu myndaðist nýr sigketill nokkurn vegin á leiðinni í Grímsvötn úr austri. Rétt að menn hafi það í huga ef þeir eru þarna á ferðinni. Skv. Magnúsi Tuma hefur kvika gengið þarna upp í gosinu, þar sem jarðhiti gæti ekki myndað svona sigketil á skömmum tíma. Það er líka athyglisvert að þetta er utan við Grímsvatnaöskjuna, en hingað til hefur ekki gosið sunnan við hana svo vitað sé.
Ég hef ekki hnit ketilsins eða hættusvæðis þarna en staðsetning sést ágætlega á myndinni út frá skálunum sem eru þarna efst á fjallinu.
Kv – Skúli
-
Replies
-
Er einhver möguleiki að einhver eigi hnit af þeesum katli??
Enn er það ekki rétt hjá mér Skúli að þetta svæði austan við skálana er erfitt yfirferðar vegna annara katla og sprungna?
Eða er þetta á svæði sem hefur verið keyrt um undanfarið?Allavega er ég með merkt inn á mínu tæki að hættusvæði sé norð austur af skálunum.
Kveðja
Lúther
Þessi ketill er suðaustan við skálana á Grímsfjalli. Líklega er hann rétt sunnan við leiðirnar sem mest hafa verið farnar til austurs frá skálunum. Þarna rétt fyrir norðan (í austur frá skálnunum) eru a.m.k tvö [url=http://www.raunvis.hi.is/~mtg/04gv/041107-857mtg.jpg:2qvisxjw]göt[/url:2qvisxjw] sem ná niður úr jöklinum, þar hafa verið sigkatlar síðan eftir gosið í desember 1998, en þeir stækkuðu í gosinu núna. Úr öðrum þeirra virðist reyndar hafa komið smá gos núna.
-Einar
Á heimasíðu Jörfí – í dagbók sem þeir héldu meðan á gosinu stóð (http://www.jorfi.is/04ggos.htm), þar kemur þetta fram:
"Þó sést að umbrot hafa orðið í Grímsvatnaskarði þar sem lítið gos hefur komið upp úr sigkatli (64°24,75’N, 17°13,85′). Gufumökk leggur upp úr katlinum sem er ílangur austur-vestur. Sprungur gætu leynst víða austan við vötnin en skyggni er lítið niður."
Spurning hins vegar hversu nákvæm þessi hnit eru?
Ég setti þetta inn á kort og sýnist þessi punktur nú vera heldur of norðarlega miðað við þessa mynd sem Skúli bendir á.Arnór
Myndin sem Arnór vísar á sýnir "gömlu" katlana, sá nýji sem Skúli var að vara við er alveg syðst (lengst til vinstri) á myndinni. Gróf hnit á honum gætu verið 6424.1 N, 01714.3 V, Þetta er rúmum km sunnan við hina katlana, hefðbundin akstursleið líklega þarna á milli. Magnús Tumi var búinn að teikna þetta inn á kort, hann gæti gefið nákvæmari hnit.
Það er ekki ólíklegt að þess ketill hafi dýpkað og stækkað síðan myndirnar voru teknar. Samanburðr á mynd frá [url=http://www.raunvis.hi.is/~mtg/04gv/041107-857mtg.jpg:2l3dzhwy]7. nóvember[/url:2l3dzhwy] og [url=http://www.norvol.hi.is/~fredrik/grimsvotngos2004_3.htm:2l3dzhwy]myndum frá 4. nóvember[/url:2l3dzhwy], bendir til þess að katlarnir í suðausthorni Grímsvatnaöskjunnar hafa stækkað verulega á fáeinum dögum eftir að gosinu lauk.
-Einar
Anonymous- Umræður: 0
- Svör: 16404
Hér má sjá [url=http://www.raunvis.hi.is/~mtg/04gv/kort.gif:1gbxrl54]kort[/url:1gbxrl54] sem sýnir þetta ágætlega. Skálar JÖRFI eru á Eystri Svíahnúk og rauði hringurinn þar austur af er nýji ketillinn sem gaus í upphafi síðasta goss.
ÓE
Anonymous- Umræður: 0
- Svör: 16404
Rétt sem eik segir, sigketillinn sem ég er að tala um er sunnan við þennan sem Arnór og Óskar eru að vísa á. Annars var ég að tala við Valda rakara og hann er búinn að skoða þetta og segir að hefðbundin leið þarna austurúr (s.s. þegar farið er austur af fjallinu í átt að t.d. Kverkfjöllum ) sé í lagi. Líklega er eins og eik segir leiðin á milli katlanna. Ég myndi þó ekki fara þarna nema í góðu skyggni. Hins vegar nefndi Valdi að maður fer ekki núna ofan í vötnin þarna austan megin þar sem við hlaupið hefur íshellan sigið og því sprungur á bökkunum.
Kv – Skúli
You must be logged in to reply to this topic.