This topic contains 26 replies, has 18 voices, and was last updated by 
-
Topic
-
Frá og með áramótum hækka Skálagjöldin í Setrinu sem hér segir:
Félagsmenn ………………….. 2.000. kr.
Börn 13-16 ára ……………….. 1.000. –
Utanfélagsmenn ………………. 4.000. –
Börn utanfélagsm. 13-16 ára … 2.000. –
Aðstöðugjald …………………….. 300. –
(Notkun á aðstöðu skálans án gistingar)Frí gisting fyrir börn yngri en 13 ára
Hægt er að leggja inná reikning skálanefndar
Kennitala: 701089-1549
Reikningur: 1175-26-024444Ath. Sá sem pantar skálann er ábyrgur fyrir greiðslu skálagjalda og verður stofnuð krafa á hann í heimabanka hafi ekki verið greitt innan viku frá gistingu.
Kv. Skálanefnd.
-
Replies
-
Hei! Hvað er núna að frétta?
60% hækkun einn tveir og bingó. Er verið að útiloka allveg að maður fari nokkurð, ekki hefur verið hægt að fara í Landmannalaugar einmitt vegna verðlags. Og hér á að fara eins að. Bara skil þetta bull ekki.
Ekki getur verið að reksturinn sé svo þungur, þegar verið er að grenja yfir því að fólk sé ekki að nota Setrið. Svo á að gera einhvern ábyrgan fyrir gjaldinu, hvað ef ég fer í Setrið á föstudagskvöld, svo kemur fólk í húsið sem er ekki með mér, á ég þá að bera ábyrgð á að það borgi? Djöfuls bull -:(Kv Bjarki sem er hundfúll út í svona klikkaðar hækkanir…….. ARG
Er algerlega sammála Bjarka með þessa hækkun. Hvaða rugl er þetta ? Það eru ekki mörg hús sem hægt er að fara í vegna þess að það er svo bilað verð á gistingunni. Það er vonandi ekki stefnan með þessu. Ég get ekki ímyndað mér að klúbburinn fari á hausinn með gamla gisti gjaldið.
Kv Eyþór R 397
Lýst vel á þetta. Hef oft hneykslast á því hve lágt gistigjaldið væri. 1500 kall, bara grín.
Sæll Bjarki
Eitthvað hefur þú runnið til á prósentusvellinu. Skálagjöld félagsmanna hækka úr 1500kr í 2000kr. Varðandi innheimtu á skálajöldum hefur það verið þannig að hver greiðir fyrir sig sem gerir okkur erfitt fyrir en það gengur ekki að við í skálanefndinni séum í einhverjum lögguleik að finna út hverjir gistu í Setrinu en oftast þegar menn panta gistingu vita þeir ekki fyrr en komið er er upp í Setur hvað þeir eru margir og fáum við þá uppgefin endanlegan fjölda. Að sjálfsögðu á þetta við hvern hóp fyrir sig. Þegar menn koma í Setrið og eiga ekki pantað en er hópur fyrir hefur komið fyrir að við verðum af skálagjöldum sem er ófært. Þess vegna skorum við á þá sem eru fyrir að benda mönnum sem hafa ekki pantað að hafa samband við skálanefnd.Kv Rúnar skálanefnd
Sælir.
Ég er ekki með það á hreinu í hversu mörg ár 1.500 kr. hafa verið innheimtar fyrir eina gistinótt. Hitt veit ég að verðlag hefur hækkað frá 2007 til dagsins í dag um 50%. Skálanefnd hefur það örugglega á taktinum hvað kostar að kynda skálann úr -5 til -10 gr. og yfir +20 gr. með tilheyrandi olíukostnaði. Þá er spurning hvort eigi að vera sumargjald annarsvegar og vetrargjald hinsvegar. Það þyrfti að yfirfara með kostnaði á kyndingu og aðsókn á þessum tímabilum í huga.Þá er spurning hvort yngri en 16 ára megi ekki flokkast undir að kallast börn. Það eru jú fjöldskyldur sem gera sér ferð saman og ala börnin upp í þeim ferðum sem klúbburinn stendur fyrir. Oftast taka sig saman 3 til 4 og fleirri í ferðahóp. Þetta eru allt atriði sem þarf að íhuga vel til hagsbóta fyrir alla þannig að skálinn beri sig og sem flestir hafi efni á að gera sér ferð í Setrið.
Kv. SBS.
Prósentu villu? hvenær fór gjaldið úr 1200 í 1500?
Svo hefur það verið alla tíð að einhverjir borga ekki skálagjöld, en get lofað ykkur því að hækka gjaldið eykur ekki líkur á því að heimtur verði betri, af og frá. En get allveg stutt það að hækka gjaldið verulega á þá sem ekki eru klúbbsmenn. Því nó þurfum við að borga til þess að gista hjá ræningjum Útivistar og Ferðafélagsins.
Kv Bjarki sem er enn fúll yfir þessari hækkun
Af hverju 16 ára? börn eru börn samkvæmt lögum til 18 ára. Djöfuls endæmis rugl er þetta.
Kv Bjarki
Sælir félagar. Við félagsmenn í ferðaklúbbnum 4×4 eigum frábæran skála, Setrið. Við eigum líka frábæra skálanefnd sem hefur aldeilis verið duglega og tekið til hendinni svo um munar. Það er búið að gera mikið í Setrinu undanfarin ár af skálanefndinni með aðstoð annara félagsmanna og allt kostar þetta. Þó mér finnist kannski meiga hafa skálann hreinni að innan og vinna meira í þeim málum, en gott og vel. Það er þó þannig að einhversstaðar er brotlínan hvað gistigjaldið má vera hátt. Ég hef áður sagt það að félagsgjaldið í klúbbnum er alltof lágt og þessi gisting á bara að vera inn í gjaldinu. Við getum t.d haft tvær gerðir af gjöldum. Annað gjaldið án gistingar og hitt með. Lægra gjaldið mætti t.d vera 10 þús pr ár og hærra 20 þús og gisting í Setrinu innifalin fyrir fjölskylduna. Félagsgjaldið og gistigjöldin ættu að vera samtengd að einhverju leiti og það mundi örugglega skila meiri í kassan í Setrinu. Líkt og með líkamsræktarkortin sem allir nota en fáir nota
Hugsum útúr rammanum og finnum nýjar hugmyndir sem nýtast félagsmönnum og klúbbnum.
Bestu kveðjur og takk skálanefnd fyrir frábæran skála.
Jói Jó R 78.
Get verið sammála þér Jóhannes með að árgjaldið er helst til of lágt. Og þetta með gistigjöldin er búið að vera vandamál í töttogufimm ár. Þannig að það er kannski athugandi að hugsa út fyrir kassann
Kv Bjarki sem vonar að þetta verði endurskoðað
Bjarki. Ég nefndi þennan aldur til að létta undir með fjölskyldufólki sem vill fara uppeftir og gista.
Kv. SBS.
Mér finnst að það eigi að gæta hófs í svona hækkunum, gott og vel, 2000kr er ekki rosaleg upphæð, hinsvegar er eins og Bjarki segir, gríðarlega dýrt orðið að gista í ræningjaskálunum upp í Landmannalaugum og öðrum skálum sem FÍ eiga, hefur einmitt verið smá sem ýtir á eftir manni að gista í setrinu að verðið þar er hæfilegt, vona bara að menn stilli öllum verðhækkunum upp í Setri í hóf
Ég held að þetta sé afar temmileg hækkun.
Það er náttúrulega markmið félagsins að halda úti Setrinu og hafa það flott, það hlítur líka að vera markmið að Setrið sé nokkurnveginn við núllið.Persónulega finnst mér, þegar maður er að eyða 20-30þús (eða meira…) í eldsneyti fyrir helgartúr þá er 4þús kr fyrir gistingu í Setrinu yfir helgi ekkert svo brjálæðislegt. Sé tekið tillit til gistigjalda í skálum hjá öðrum félögum erum við töluvert lægri.
Þetta með börnin er náttúrulega sér umræða, og kannski ágætt að taka hana bara hér og nú.
Samkvæmt barnasáttmála sameinuðu þjóðanna eru einstaklingar börn fram að 18 ára aldri.
Ríkið horfir ekki alveg eins á málið, og mismunandi hvernig félög og stofnanir horfa á það.<13 ára frítt er ágætt held ég.
En kannski mætti hafa 13-18 ára í stað 13-16 ára?Skálagjöld hafa ekki hækkað svo árum skiptir, og meðan olíuverð ríkur upp og öll aðföng uppí Setri hækka, þá hlítur að koma að þeim punkti að við þurfum að hækka skálagjaldið. Mér finnst óeðlilegt að hækka félagsgjaldið til að mæta auknum rekstrarkostnaði við Setrið, þeir sem nýta það mest eiga auðvitað að vera þeir sem leggja mest til þess, megum ekki gleyma að við sem notum Setrið erum að styrkja það og gera kleift að það haldist og verði áfram opið.
Sanngjörn hækkun, kostar helling að reka Setrið.
Skálanefnd og þeir sem hafa komið að byggingu og viðhaldi Setursins eiga hrós skilið.
Kannski óþarfi að taka svona hart í að tala um ofsaverðlagingu eins og í Landmannalaugum. Við erum jú að tala um skálan okkar sem við erum að reka.
Ég vill taka undir með síðasta ræðumanni. Skálanefnd á jú mikið hrós skilið.
Sælir félagar.
Mér finnst svona í fljótu bragði ekki mikið að borga 2.000 kr fyrir gistingu í góðum fjallaskála.En til að setja umræðuna á vitrænt plan, þá væri gott að fá að vita, hver var raunkostnaðurinn á gistinóttina í ár til dæmis?
Það er segja kostnaðurinn við að reka Setrið deilt niður á borgaðar gistinætur.
Kveðja Hörður Bragason.
Samúel Þór þú kannski ferðast alltaf einn?
En ef fjölskylda fer á fjöll? Þá er helgin komin í 10.000kr miðað við einn ungling, er það ekki orðið svolítið mikið? Og þó að eldsneytisverð sé hátt, á þá allt að vera hátt?
Get allveg verið sammála því að skálanefnd fyrr og síðar eigi hrós fyrir sitt framlag.
Kv Bjarki sem er ennþá ósáttur við þessa hækkun
Ps: aftur hvenær fór skálagjaldið úr 1.200kr í 1.500kr
Mér þykir hækkunin sanngjörn m.t.t. hækkandi verðs á öllum aðföngum (erum par með barn og annað á leiðinni fyrst slíkt virðist skipta suma máli). Mætti e.t.v. skoða það að hafa unglinga 13-18 en ekki 13-16 líkt og nefnt hefur verið. Það að fella út skálagjald og snarhækka félagsgjaldið þætti mér rangt. Félagsmönnum myndi fækka og það þyrfti að skoað málið í víðara samhengi. Sjálfur bý ég á SV horninu og nota Setrið af og til en hvað með t.d. vest- og austfirðinga? Geri ekki ráð fyrir að þeir fari oft í Setrið og því ósanngjarnt að þeir niðurgreiði gistingu okkar sem eigum hægara með að fara þangað.
Best að nefna um leið það sem ég hef nefnt áður á þráðum er varða Setrið. Mér þykir ekki rétt að stækka það enn meira með auknum hitunarkostnaði. Réttara þætti mér að taka að okkur annan skála og þá ekki annað skrímsli á borð við Setrið og Nýjadal heldur einhvern kofa á borð við Þúfuvötn, Sylgju og álíka.
Ef það ætti hinsvegar að bæta við Setrið þætti mér rétt að hafa þá viðbyggingu nothæfa sem sjálfstæða einingu með sér kyndikerfi, án rennandi vatns og með lágmarks rafkerfi. Passa að stilla öllu umfangi í hóf til að bjóða upp á gistikost sem er léttur í rekstri samanborið við Setrið í núverandi mynd. Hversu margar ætli stóru hópferðirnar í Setrið séu samanborið við ferðir minni hópa sem klúbburinn e.t.v. borgar með þar sem gistigjöldin standa ekki undir kostnaði?
Kv. Freyr
Það er sjálfsagt að hækka verðskrána fyrir gistingu í Setrinu en mér fyndist altílagi að fara aðeins rólegra í þessar hækkanir ekki viljum við fá sama orð á okkur og F.Í eða hvað.
Mér fyndist að það eigi að miða við 13 til16 ára aldurs en ef miðað er við 18 ára aldur þá á það að miðast við að þau séu í fylgd með foreldrum en ekki ein á ferð og ætli að gista fyrir hálft gjald.
Ef ætti að hækka félagsgjöld til að standa undir gistikostnaði, þyrfti þá ekki að hækka þau það mikið að þau dekki gistikostnað í alla skála ferðaklúbbsins en ekki bara í Setrinu ?
sælir félagar hef aldrei komið í setrið en það stendur nú til bóta vonandi en þegar ég fer á fjöll er ég nú ekki svona heppinn að borga “aðeins“ 2000 í skálgjöld en það gæti nú reyndar orðið en það er annað mál,auðvitað er þetta dýrt á vissan hátt því ekki er uppábúið né morgunverður inní dæminu og oftar en ekki sér gjald fyrir sturtu á sumrin ef hún er þá í boði en finnst alveg nóg um verðlagningu hjá sumum klúbbum fyrir eina gistingu en nefnum engin nöfn en það er alltaf en ef þið ætlið að fara hækka ársgjaldið þá fer ég beintí “hinn klúbbinn“ kv Heiðar Brodda U-119
Við hækkun nú á skálagjöldum hefur það aldrei komið til álita þessi hækkun yrði undanfari hækkunarskriðu á skálagjöldum,en það má lesa út úr pistlum hér að ofan.
1500kr gistigjaldið hefur verið frá því sem ég kemst næst að minnsta kosti frá árinu 2009 en skálanefndarmenn þess tíma ættu að geta upplýst okkur betur um það.
Í fyrri skálareglum var gjaldfrítt fyrir börn 0-7 ára en hálft gjald 7-15 ára. Þannig að ég tel þessa breytingu til bóta fyrir fjölskyldufólk. (gjaldfrítt 0-13ára/13-16ára hálft gjald). Ein af rökunum fyrir að miða við 16 ára aldurin en ekki 18 ár voru, „ef þú getur ekið upp í Setur þá geturðu greitt fullt gjald“.
Í umræðu skálanefndar um breytingar á gistigjöldum voru ræddar nokkrar hugmyndir meðal annars að láta greiða fyrirfram fyrir gistingu en þannig er það haft í mörgum skálum. Vera með ákveðið lágmarksgjald en það þarf 8-10 félagsmenn til standa undir kostnaði á sólarhring. Þessar hugmyndir þóttu ekki ráðlegar.
Það má reikna með að kostnaður við 24 tíma vetrarkeyrslu á Setrinu sé um 15-18 þús. með öllu (olía,gas,rekstarvörur)en þá er ekki verið að tala um viðhaldskostnað.
Varðandi þrif í Setrinu hefur þessi skálanefnd lagt áherslu á að hafa þrifalegt bæði inn í Setrinu ekki síst nánasta umhverfi líka. En vegna framkvæmda sérstaklega í sumar hefði mátt gera betur inn á Zetu en við höfðum hvorki mannskap né orku eftir í það. Á ekki von á öðru en næsta skálanefnd klári það verkefni.
Að lokum er vert að þakka fyrir hrósið til skálanefndarinnar hér í pistlum hér að ofan.
Kv. Rúnar formaður skálanefndar.
You must be logged in to reply to this topic.