This topic contains 7 replies, has 1 voice, and was last updated by 
-
Topic
-
Hækkum félagsgjöldin!!
Ég er með hugmynd um að hækka félagsgjaldið. 325kr á mánuði er bara allt of lítið. Það er eins og kók og pylsa einu sinni mánuði með helgarblaðinu. Eða bara 90km á 38? dekkjum.
Bara hækka þetta um helming eða meira. Þá væri kannski hægt að fríska svolítið uppá félagið og gera ýmislegt til að bæta það. Örugglega fullt af humyndum. Ef menn eiga efni á því að aka um á jeppum þá hljóta þeir að eiga efni á því að borga meira í félagið sem gæti orðið miklu betra ef það væru til meira af peningum í því.
Mér finnst vera komin dálítil þreyta í félagið sjálft. Mín tilfining er alla vega þannig. Kannski er ég bara þreyttur :). Heimasíða félagsins hefur ekki tekið neinum breytingum og var í hálferðu lamasessi á hálft ár. Myndaalbúmið er til skammar og virkaði ekki lengi vel.
Ég hefði gaman af því að vita hvaða skoðun menn hafa á þessari hugmynd.
Gerum ferðaklúbb 4×4 að félagi sem flæðir í peningum. 😉
Tek það fram að ég er ekki með sömu laun og Jón Ásgier og er ekki með neinn valréttarsaming í Kaupþingi. Bara venjulegur maður, með venjuleg laun.
Kv,
Hejio
-
Replies
-
Þér og öðrum er elveg örugglega frjálst að leggja
fram frjálst framlag til klúbbsins.Grunngjaldið er bara ágætt að mínu mati. er það ekki 3900
hvað ertu að tala um 325kr ?kv pæji
Pajero hefur prófað að reikna 12×325 = Félagsgjald
3900 skipt á 12 mánuði er 325.
Verð jeppans segir ekki allt um það hversu efnaðir menn eru. En Það hlýtur að vera hægt að koma með tillögu á félagsfundi sem tekur á því hvort mönnum finnist skynsamlegt að hækka félagsgjöldin eða ekki. Nokkuð stutt (kannski meira en ár) er síðan hækkun var nefnd á félagsfundi og vildu menn þá ekki hækka.
Elvar
Anonymous- Umræður: 0
- Svör: 16404
Þetta má örugglega skoða eins og annað, en þá þarf fyrst að spá í hvað menn vilja sjá félagið gera, hvað megi bæta og svo er það spurningin, er flöskuhálsinn peningaleysi félagsins eða eitthvað annað. Ég held að í svona félagsstarfsemi sé það oft skortur á framtaki og fleiri aðilum sem eru tilbúnir til að leggja af mörkum vinnu fyrir félagið. Stjórnarmenn hafa ekki ótakmarkaðan tíma og vinna í þessu í sjálfboðavinnu, en það væri örugglega hægt að fá umboð hjá þeim til að hrinda ýmiskonar skemmtilegum hlutum í framkvæmd ef menn hafa hugmyndir og vilja vinna í því.
Eða viljum við hækka félagsgjöldin til að hafa starfsmann á launum?
Kv – Skúli
Sælir félagar.
Mér hefur fundist síðustu ár að félagsmenn vilji fá meiri þjónustu en áður, bara rétt eins og við hin, þegar við erum að fá pípara heim til að laga stíflu. Þróunin er bara þannig að allir vilja fá meira í dag en þeir fengu síðast.
Þetta er svo sem skiljanlegt og kannski bara fínt og flott. En eins og Skúli segir (sem er nú oftast bara asstoti flottur hér á spjallinu) að þetta er bara áhugamannaklúbbur. Ég er í varastjórn og veit alveg hverskonar vinna er á herðum stjórnar. OG svo er hellings vinna á nefndarmönnum og fleirum.
Kannski ættum við að atvinnuvæða klúbbinn og gera hann að alvöru hagsmunafélagi, svona eins og Frami er fyrir sendibílstjóra, eða VR fyrir verslunarmenn. En allt slíkt kostar pening.
kv
Palli
Sælir félagar.
Skúli og Palli eru að ræða um vandamálið í hnotskurn. Hvernig félag á Ferðaklúbburinn að vera? Á þetta að vera áhugamannafélag sem drifið er áfram af áhuga og eljusemi ákveðins kjarna í sjálfboðavinnu eða á að færa þetta meira yfir á "pro" stig, þar sem aðkeypt vinna væri á flestu sem að starfinu snýr.
Ég var einn af þeim sem barðist fyrir því að klúbburinn réðist í það að fá launaðan starfsmann til að auka þjónustu við félagsmenn. Nú þurfa menn að fara að gera upp reynsluna af því hvernig það hefur gengið, en eins og flestir vita, þá hefur verið haldið úti starfsmanni í samvinnu við Ferðafélag Íslands til að auka þjónustuna við félagsmenn. Ákveðin smáatriði (sem eru samt ekki svo smá) eru þó greinilega ekki í lagi, eins og t.d. hvað það virðist taka langan tíma fyrir nýja félagsmenn að fá félagsskírteini og rukkun. Það hlýtur að vera hægt að koma þeim málum í betra horf og er það að mínu viti dæmigert verkefni fyrir starfsmann með fastan vinnutíma í hverri viku. Reglulega sér maður kvartanir frá nýjum félögum um þetta hér á síðunni og þetta verður bara að lagast!
Hins vegar held ég að klúbburinn myndi algerlega tapa þeim "sjarma" sem hann býr yfir, ef menn færu að ráða drifkrafta hans (starfsmenn) á launþega forsendum og hækka félagsgjöldin til að standa undir þeim kostnaði. Hæfileg blanda er best að mínu viti og auðvitað eiga menn að halda í það fyrirkomulag sem nú er, að nýta krafta allra þeirra frábæru félaga sem gefa sig í störf fyrir félagið okkar í sjálfboðavinnu. Þetta kostar allt heilmikla vinnu eins og allir vita.
Ferðakveðja,
BÞV
Varðandi það sem Palli var að tala um hagsmunafélög, þá er Frami, félag leigubílstjóra, með félagsgjald uppá 1600 krónur á mánuði, 2-3 starfsmenn, og sem félagsmaður í Frama sýnist mér að þeim hafi nú ekkert gengið allt of vel að vinna að hagsmunamálum leigubílstjóra.
Þannig eru líka stanslaus rifrildi út af félaginu og mjög erfitt virðist vera að fá menn til að vinna fyrir félagið, einnig hafa menn verið að segja sig úr félaginu vegna óánægju.
Það virðist því vera að þegar eru orðnir meiri peningar í spilinu auki það á óánægju manna vegna þess að þá er þetta orðin spurning um hvað menn eru að fá fyrir peningana,
og það sem menn fá, virðist aldrei koma nógu fljótt og aldrei vera nógu mikið.
Ég held að 4×4 ætti ekki að hækka félagsgjöldin,það eykur hættuna á slíkri úlfúð.
Ég mundi hins vegar mæla með því að klúbburinn taki sig á í að rukka þá menn sem þegar hafa skráð sið í klúbbinn,smanber að ég skráði mig fyrir 3 mánuðum og hef enga rukkun fengið.Baráttukveðjur
Hjalti
You must be logged in to reply to this topic.