Hæðarstýring loftpúða

Á Econoline sem ég átti var púðakerfi. Út við hvern púða var tvívirkur rofi með armi sem festur var við efri 4-link stífuna við hvert hjól til að stjórna hæðinni sjálfvirkt. Á loftslöngunni milli þessa rofa og púðans var segulrofi sem skipti á milli sjálvirkt og hand (tvær inngangs slöngur).
Á útgangnum á þessum rofa, nær púðanum var T-stykki með úttaki sem fór inn á loftþrýstimæli fyrir púðann. Inni í bíl var stjórnpúlt með mæli fyrir hvern púða beintengdum við T-stykkið, handvirkur loki til að pumpa í eða hleypa úr hverjum púða og takki til að stjórna segulrofanum og skipta milli sjálfv. og hand fyrir alla púðana (stjórnði öllum segullokunum út við púðana í einu).
Tvívirki rofinn með arminum fékk loft beint frá kútnum. Segulrofinn fékk loft annars vegar frá armrofanum og hins vegar frá handrofanum í stjórnpúltinu.
Þetta hljómar kannski flókið en bara virkaði vandræðalaust í þau 2,5 ár sem ég átti bílinn. Þetta er dálítið af loftslöngum en það er hægt að spara þær með því að hafa handvirka pumpið með tveggjaspólu, þriggja stöðu rofa við hvern púða og stjórna honum með þrýstihnöppum og hafa loftmælinn tvískiptann, þ.e. ekki membru og display í sama stykkinu. Þá þarf hvorki að þvælast með loftslöngu inn í mælaborð fyrir handpumpið né mælinn. Ef þetta er gert þannig þá er bara ein loftslanga út að hverjum púða en þó nokkuð meira af rafmagnslögnum.

Þetta er eiginlega sama útgáfa og Bjarni lýsir hér ofar.

Þó svo að það sé mjög töff að hafa einhverjar flottar stýringar á þessu með tölvuskjám og öðru fíneríi, að þá eru einfaldari útgáfur líka fínar.

Þegar að ég setti loftpúðana að aftan hjá mér tengdi ég þetta þannig.

Er með slöngu frá sitt hvorum loftpúða og inn í bíl og tengjast þær þar í kúluloka,
Kúlulokarnir eru tengdir við tvívirkan loka sem að dælir loftinu annaðhvort í eða úr púðanum. Þannig get ég dælt í einn púða eða báða bara eftir því hvað henntar best (opna og loka bara kúluloka fyrir þann púða sem á að dæla í eða úr).
Tvívirki lokinn er síðan tengdur við loftkút.
Einginn rafmagnsvír eða segulloki er notaður.
Ég setti mæla fyrir hvorn púða fyrir sig en nota þá aldrei, það skiftir mig engu máli hvað það er mikið loft í púðunum, Heldur bara að bíllinn standi í réttri hæð og það geri ég eftir auganu.
Maður fær strax tilfiningu fyrir því hvernig best er að hafa þetta, oft er nóg að horfa í baksýnisspeglana þegar að maður er að stilla bílinn af.
Er búinn að vera með þetta í nokkur ár og líkar bara vel og hefur ekki verið neitt vesen með þetta enda fáir hlutir sem að geta klikkað.
Toppurinn er síðan að þetta er mjög ódýrt, kostaði allt um 7000 kr og var ég mjög fljótur að skella þessu í.

kv Hilmar