Hæ Hæ Hó Hó

Sæll Jón.

Ég veit ekki til að nafnið á þessu vatnsfalli hafi nokkru sinni ratað á kort, en með skildist einu sinni á Sverri Kr. að Gísli Ólafur Pétursson hafi kallað hana Systrakvísl en einnig látið sér detta í hug að kenna hana við Jökulgrindur og kalla hana Grindakvísl. Systrakvísl er væntanlega tilvísun í það að upptök árinnar eru vestan í jöklinum, neðan Kerlinga.

Mér finnst Systrakvísl betra nafn en Grindakvísl, en svo mætti einnig hugsa sér t.d. "Kerlingakvísl" eða "Kerlingaspræna" en á þessi er eins og aðrar jökulár algerlega háð hitastigi og því mjög misjafnt rennsli í henni, allt frá því að vera þurr og ég hef komið að henni í talsvert miklum ham síðla dags á heitum sumardegi.

Ferðakveðja,

BÞV

Sæll vertu Jón.

Gísli Ólafur sagði mér að Landsvirkjun ætti skálann við suðurenda Langasjávar.
Í punktunum mínum um Bárðargötu kalla ég kvíslina Grindakvísl, sem mun vera nokkuð gamalt nafn og þá hafði ég ekki heyrt nafnið Systrakvísl.
Pétur Sumarliðason, faðir Gísla Ólafs, var mörg sumur veðurathuganamaður í Jökulheimum og Gísli oft með honum. Pétri mun hafa þótt Kerlinganafnið óvirðulegt um þessi myndarlegu fjöll og kallaði þau Jöklasystur. Kvíslin á upptök í Innri-Tungnaárbotnum, norðaustan við Jökulgrindur og norðvestan undir Jöklasystrum, u.þ.b. 3 km sunnan Sylguskála Björns Þorra og félaga. Þar sem kvíslarvatnið kemur frá jöklinum og þar með Systrunum, þá er e.t.v. rökréttara að kalla hana Systrakvísl. Ekki spillir að nafnið er fallegra og einnig líklegra til stuðla að því að menn noti hið fegurra nafn á fjöllin tvö.
Kvíslina í Landmannalaugum hef ég aðeins heyrt kallaða Laugakvísl, enda rennur hún úr laugunum góðu. Laugalæna er þó ekkert verra nafn og ágæt tilbreyting frá öllum kvíslunum.
Gangi þér vel með bókina, hlakka til að sjá hana.
Bestu kveðjur.
Sverrir Kr.

Nú get ég ekki orða bundist
kvíslin heitir Grindakvisl og fjöllin heita Kerlingar
Það er stóralvarlegt mál að reyna að breyta örnefnum og mjög slæmt ef það kemst á prent í góðum bókum.
þeir feðgar Gísli og Pétur eiga heiður af mörgum góðum örnefnum en það er fulllangt gengið að fara að breyta örnefnum sem þegar eru til.
Það getur líka valdið miskilning þegar mikið liggur við t.d í björgunarstörfum, þegar einn þekkir eitt örnefni og annað þekkir hitt.
Hafa skal það er sannara reynist
Kv. Freyr

Ég verð nú að taka undir með Frey að breytingar á örnefnum eru nú bara alveg út í hött og ég er hálf hissa að lesa um að menn séu að reyna að koma inn öðrum nöfnum sem þeim þykir vera betri en þau gömlu.

Ég vil hvetja menn til að kynna sér nöfn á þeim stöðum sem þeir eru að ferðast á og fara rétt með staðhætti.

Hlynur

Mig minnir nú að Versalir hafi yfirleitt verið kallaðir Stóru Versalir enda var ver þarna sem heitir Stóraver sem skálarnir voru nefndir eftir en þetta ver er komið undir vatn núna að hluta til, þökk sé kvíslaveitum þeirra landsvirkjunarmann. Þegar ráðist var í kvíslaveitur var stækkað vatn sem hét Drátthalavatn svo það fór að hluta til yfir Stóraver en síðan virðist nafnið á vatninu breyst einhverja hluta vegna í Stóraverslón eftir að búið var stífla þarna. Ef maður skoðar nýrri landakort eru Stóru Versalir bara Versalir en fólkið sem byggði upp ferðaþjónustu þarna á sínum tíma og vann þarna talaði alltaf um Stóru Versali svo ég vil meina að það sé rétt nafn á þessum fyrverandi ferðaþjónustuskálum.

Ég vona að menn komi með einhverja speki um hina staðina sem þú nefndir.

Hlynur

Ps… skáli þeirra pæjumanna er að sjálfsögðu best nefndur Nornabæli þótt ég geti ekki rökstutt þetta nafn með nokkru móti nema kannski að það sé dregið af Tröllahrauni en þá á Skessuskjól nú betur við. Líka hefur nafnið Sóðabæli verið notað um þetta ágæta hús.

´Þakka ykkur fyrir áhugan. Hlynur ég hef komið tvisvar í Silgjufell,Nornsbæli,ofl ofl og sýnist mér þeir félagar legga hart að sér í því að breyta nafninu í pempíjubæli, þvílík snirtimenska ræður þar ríkjum.
Fordmann heimildir frá 1914 eru kanski ekki svo gamlar, og hét áinn reyndar áður Kísá en það mjög langt síðan.
Endilega komið þið með fleiri athugasemdir.

Eins og þið sjáið á stafsetningunni þá er kanski ekki skrítið að bókinn sé í 12 prófarkarlestri en þó þeim síðasta.
Jón Snæland.

Hlýtur Skessuskjól ekki að vera upprunalegast ef út í það er farið, þ.e. það er nafnið sem starfsmenn Orkustofnunar notuðu meðan kofinn gengdi hlutverki vinnubúða? Sylgjufell er í sjálfu sér virðulegra nafn, en Skessuskjól skemmtilegra. Alltaf gaman þegar örnefnin fela í sér húmor eins og t.d. Rugludalur.

Annars fannst mér athyglisvert að sjá að Kerlingafjallaleið væri bæði kölluð Ásgarðsleið og Árskarðsleið. Þetta hljómar eins og þarna hafi orðið nýtt nafn til við hljóðbreytingu og misheyrnir, sem er örugglega oft. Rétt hlýtur að vera Ásgarðsleið þar sem þarna er að finna Ásgarð og Ásgarðsfjall.

Kv – Skúli

Skálinn inn við Langasjó er í einkaeigu,það eru nokkrir félagar í Þorlákshöfn sem byggðu hann og fluttu uppeftir sumarið 2001,þeir eru með Langasjá á LEIGU.EKKI er hægt að fá að veiða eða leigja skálan.