This topic contains 16 replies, has 1 voice, and was last updated by 
-
Topic
-
Hvað er vitað meira um þetta. Er komið eitthvað kort sem sýnir útbreiðslu osfrv. ? Hvar verða sendarnir staðsettir?
Agust
-
Replies
-
Er það alveg pottþétt að það verði slögt á NMT kerfinu 31,12,07 kl 24:00 ég á voðalega bágt með að trua því. GSM kerfið er svo rotið.
Hvernig er það, var ekki búið að semja um það að halda kerfinu opnu í óákveðinn tíma??
Bara það að það fást ekki varahlutir í sendana ef þeir bila, þá detta þeir út einn og einn……
…..verður haldið gangandi til ársloka 2008.
Þá á annað kerfi á 450MHz að vera komið í rekstur.
Það er sá munur á því sem Vodafone er að boða og því sem Síminn er með í bígerð, að 450 Mhz kerfið sem Síminn er að undirbúa krefst sérstakra símtækja, en Vodafone ætlar einfaldlega að auka langdrægni GSM – kerfisins, sem þýðir að það verður hægt að nota sömu 900 Mhz GSM símana og eru í notkun í dag. Það finnst mér út af fyrir sig góðar fréttir ef satt er. Það væri gott ef okkar mörgu sérfræðingar á sviði fjarskipta myndu skoða þessi mál fyrir okkur sem minna vitum í okkar haus.
BYLTING Í ÖRYGGISMÁLUM Á SJÓ OG HÁLENDI
Talsamband um GSM síma mun nást langt á haf út umhverfis landið og víðast hvar á hálendinu með tilkomu nýs langdrægs GSM farsímakerfis Vodafone. Alls verða settir upp um 40 langdrægir GSM sendar á næstu mánuðum og er undirbúningur verkefnisins á lokastigi. Búið er að velja staðsetningar fyrir flesta sendana um allt land og ráðgert er að uppbyggingu kerfisins ljúki á fyrstu mánuðum næsta árs.
( Langdræga kerfið er hrein viðbót við núverandi GSM kerfi og raunar bylting í öryggismálum fyrir marga sjófarendur og ferðalanga á hálendinu. Fólk getur einfaldlega notað GSM símann sinn miklu víðar en hingað til og þarf ekki að skipta um símtæki þegar farið er út á sjó eða upp á hálendi, )segir Árni Pétur Jónsson forstjóri Vodafone. Enginn aukakostnaður fellur á símnotandann við notkun á hinu nýja langdræga kerfi, því sama gjaldskrá mun gilda fyrir símtöl í langdræga GSM kerfinu og því hefðbundna.
Tilraunir með þennan langdræga búnað hafa gengið vel á sjó og landi. GSM samband hefur náðst allt að 100 kílómetra á haf út og nýtist því vel minni fiskibátum, skemmtibátum og kajakræðurum svo dæmi séu nefnd. Langdrægt farsímakerfi Vodafone gjörbyltir einnig fjarskiptum á hálendi Íslands því GSM samband mun nást á helstu fjallvegum landsins.
Vodafone á Íslandi er fjarskiptafyrirtæki í eigu Teymis hf. sem skráð er á OMX Nordic Exhange á Íslandi. Starfsmenn Vodafone eru um 350 talsins og þjónusta viðskiptavini á heimilum og hjá fyrirtækjum um land allt með farsíma, síma, nettengingar og sjónvarp. GSM þjónusta Vodafone nær til 98% landsmanna og með samstarfi við Vodafone Group, eitt öflugasta fjarskiptafyrirtæki í heimi, er viðskiptavinum Vodafone tryggð örugg farsímaþjónusta um allan heim.
Þessi frétt er á vefsíðu Vodafone. Kv Ofsi
Dekkunarsvæði svona gsm senda er lítið minna að stærð en tetra senda og því líklegt að þetta gæti orðið svipað eða lítið verra kvað dekkun varðar á hálendinu en tetra. Ég er þeirrar skoðunar og hef verið í nokkur ár að GSM kerfið muni gera tetra og NMT eða það sem kemur í staðin fyrir nmt óþörf. Ekkert af þessu kemur hinsvegar í staðin fyrir 25 watta VHF stöðvar með nokkrum vel staðsettum endurvörpum.
guðmundur
Vodafone er klárir núna, og drulla yfir símann. Núna ná þeir eflaust mörgum pirruðum NMT notendum yfir til sín, meðan síminn er enn að klóra sér í rassgatinu. Síminn gæti sett upp svona senda á mörgum stöðum á hálendinu, en er bara ekki að gera það, og seinir að laga sig að þörfum kúnnans. Mín reynsla er sú að menn eru flestir hættir að nenna að kveikja á NMT síma, nema eitthvað sérstakt sé í gangi.
Góðar stundir
þetta er nú grunsamlega orðað ´..helstu fjallvegi landsins´ ! Hljómar nú ekkert sérstaklega sannfærandi.
Tetra þarfnast sjónlínu er það ekki en GSM ekki. Það ætti því að vera hægt að ná betri dreifni með GSM á hálendingu ef þeir nenna að leggja sig eftir því. Ef Vodafone nær sömu eða svipaðri drefni og NMT þá er ég farinn út í búð til að kaupa mér pay as you talk kort frá vodafone….
kv
Agnar
Blönduvirkjun, Þrándur, Fjórðungsalda, Skrokkalda og Búrfell. Ef það væru settir langdrægir GSM sendar á þessa staði væri maður að kjafta í GSM á ótrúlegustu stöðum. Ég held að tæknilega séð, sé lítið mál að setja upp senda á þessu stöðum, og mörgum öðrum við hálendi. Mér fróðari menn geta vonandi lagt eitthvað til málana.
Hlynur
Getur 2w GSM sími registerað sig inn á sendi í 100km fjarlægð ?? Eða er ég að misskilja
Anonymous- Umræður: 0
- Svör: 16404
Það er eitt og annað sem er rétt að hafa í huga. Tíðnin á GSM er 900mhz sem gerir það að verkum að sjónlína þarf að vera á milli sendi- og móttökuloftnets (radíóbylgjan fylgir ekki kúrfu jarðar). Þessvegna er verið að fara með þetta hátt upp í fjöll til að ná langdrægi og aukinni útbreiðslu. Það er góð spurning hérna að ofan hvort 2W dugi til að ná og halda góðu sambandi, þekki það ekki. Þótt að hafi tekist í einhverjum tilfellum að ná sambandi úr 100km fjarlægð þá er mín spurning, hvort það hafi verið stöðugt/öryggt samband eða bara tilfallandi, m.v. hvaða búnað, hæð og tegund loftnets (1/8 bylgja eða heilbylgjuloftnet) og fleiri þessháttar atriði.
Öryggi fyrir sjófarendur byggir ekki á góðu símakerfi, þó að það hjálpi, heldur frekar á góðri talstöð þar sem er opið samband og allir heyra í öllum (t.d. í neyðarviðskiptum). Ef menn eru að sækja út fyrir langdrægi VHF strandstöðvanna (jafnvel án þess að hafa haffæri fyrir slíku) þá eiga viðkomandi skilyrðislaust að koma sér upp talstöð á miðbylgju (2182/2311Khz) og kunna á tækin.
Góða helgi.
Björgólfur.
Tíðni á GSM er mun háðari sjónlínu en 450MHz
Síminn setti upp 2 Long Range senda í GSM kerfinu fyrir nokkrum árum, á Gagnheiði og Klifinu í Vestmannaeyjum. Hægt var að ná ágætu sambandi inn við Sauðafell sem er um 70km frá Gagnheiði , ef það var sjónlína. Það ætti því að nást ágætt "sjónlínu" samband í 100km fjarlægð ef menn eru með GSM bíltæki og þokkalegt loftnet. Síminn flutti inn bíltæki fyrir nokkrum árum en hætti því svo. Ég er með þannig tæki og stefni á að setja það í bílinn og bera saman langdrægni á þvi og litla símannum í vasanum.
Þessi ætti að draga svolítið og fer vel í vasa,
[url=http://www.xtream4x4.it/thuraya-sg2520-p-165.html:agwkvefj][b:agwkvefj]sjá hér[/b:agwkvefj][/url:agwkvefj]
Bátar sem eru á annað borð skoðaðir og með haffærisskírteini þurfa að hafa VHF-stöð og skoðunarmenn prófa þær árlega. Hitt er svo annað mál, að strandveiðiflotinn er orðinn ansi "hooked" á að hafa NMT-símana um borð og þeir eru mikið notaðir, bæði til að tala í land og milli skipa. NMT-símakerfið er náttúrulega orðið tæknilega úrelt og gæði sambandsins standa langt að baki GSM-sambands þar sem það er á annað borð valkostur. Það getur til dæmis ekki nýtst fyrir netsamband að mér er sagt. Við sem höfum verið með NMT-síma í bátunum okkar höfum fylgst með umræðum um hvað taki við af NMT. Að sjálfsögðu hafa menn haft nokkurn ugg í brjósti um að það verði kostnaðarsamt að þurfa að skipta um síma, sérstaklega þegar um nýtt kerfi er að ræða, sem gera má ráð fyrir að verði ansi dýrt til að byrja með a.m.k. Það er því ekki nokkur vafi á því að flestir munu taka því með fögnuði, ef endurbætt GSM-kerfi getur veitt sömu þjónustu hvað langdrægni varðar.
Heldur finnst mér upplýsingarnar rýrar frá Vodafone miðað við hvað þeir nota hástemmdar lýsingar um ágæti kerfisins. Það að kerfið dragi allt að 100 km segir ekki mikið. Það sem skiptir máli er hvaða svæði þeir muni dekka í raun og hvað skuggasvæði verða mikil. Þessi tíðni (um 900 Mhz) er verulega háð sjónlínu og ójöfnum í landslagi, t.d. mun verða sambandlausd þar sem fjall ber á milli sendis og síma nema aukasendir nái í "skuggann" frá annari hlið. Þeir hjá Vodafone eiga þessi gögn örugglega til og ég skora á þá að birta þau.
Tetra hefur undir höndum gott kort sem sýnir útbreiðslu þess, samkvæmt því er það víðtækasta kerfið í dag af þessum þremur: NMT, GSM, Tetra.
Fróðlegt verður að sjá hvað GSM Vodafone mun gera að þessu leyti í samanburði við Tetra.
Snorri
R16
Talandi um öll þessi nýju lúxus fjarskipti. Þá varð ég svolítið hissa í sumar þegar ég átti leið um Skógarströnd og Dali. Kom ég við á bænum Hlíð í Hörðudal og var þar ekkert gsm samband. Sagði bóndinn á bænum að ekkert gsm samband væri á bænum og ekkert samband væri á Heydal, Skógarströnd og í Hörðudal. Þetta er nokkur merkilegt í ljósi yfirlýsinga fyrrum Póst og fjarskiptaráðherra Sturlu Böðvarssonar að á íslandi væri besta fjarskiptakerfi heims, einsog hann orðaði svo skemmtilega. Bóndinn á Hlíð í Hörðudal bætti við að bílvelta hefði verið nýlega á Skógarströnd og hefði þurft að ganga langa leið að bænum Dunk til þess að komast í síma og leita eftir aðstoð. En þetta er svo sem ekkert nýtt og vel þekkt vandamál fyrir vestan þar sem nokkur svona vandamál hafa komið upp á liðnum misserum.
You must be logged in to reply to this topic.