Gsm samband á fjöllum

Þetta er bara hið besta mál ef að menn ná að auka útbreiðslu gsm á landinu og miðunum. Það er jú þannig að allir þessir túristar sem eru á ferðinni eru flestir með gsm og eru ekki að fara að fá sér neitt annað fyrir eina ferð yfir Kjöl eða inn í Öskju.

Hins vegar er það slæmt ef að þetta verður til þess að pælingar um CDMA2000 verða lagðar á hilluna því að ég held að það sé flottasta langdræga farsímakerfið sem að okkur gæti boðist, bæði hvað langdrægni, talgæði og gagnaflutningsgetu varðar. Ég veit að það er verið að prufukeyra kerfið núna og samkvæmt þeim heimildum sem ég hef innan símans þá er þetta kerfi að fara í loftið innan skamms – en svo getur það sjálfsagt allt breyst.

En þetta breytir ekki þeirri afstöðu minni að TETRA er alger snilld hvað þennan talstöðvarmöguleika varðar þó svo að ég gefi ekki mikið fyrir þetta sem síma – en virkar þó.

En meira er betra og þess vegna fær maður sér bara allt sem er í boði….

Benni

P.S.
Gsm sambandið náði víst ekki í gegnum veggi Setursins en slapp úti á hlaði – Þannig að hugsanlega má túlka það þannig að Ofsi haldi símanum.

Ef það er satt að GSM náist í Setrinu, er OGvota gjörsamlega að drulla yfir símann, og síminn búinn að skíta upp á bak og klessa lortinn í hnakkann.

Ég veit samt ekki hvort maður á að vera glaður yfir því GSM náist í Setrinu, enda er GSM sími eitt mesta tákn láglendisvæðingar. Maður verður oft glaður þegar GSM dettur úr sambandi, þá fær maður frekar þá tilfinningu að maður sé komin til fjalla og færið að versna

Góðar stundir

Datt í hug að bæta þessu inn í umræðuna enda er hún að verða fjörleg. Það er rétt sem fram kom hér að ofan þá geta allir hringt í 112 þrátt fyrir að ekki sé reikisamningur milli símafélaga. Þannig er öryggi almennings borgið. Þegar talað er um fjarskipti fyrir fjallamenn er tvennt sem skiptir máli, annarsvegar dekkun og hinsvegar gerð fjarskiptanna (sími, talstöð,ferilvöktun og gagnaflutningur svo eitthvað sé nefnt) Í dag hefur ekkert fjarskiptakerfi eins mikla dekkun og TETRA. Í rekstri eru 135 sendar víðsvegar um landið sem eru 15 fleiri en áætlanir gerðu ráð fyrir að væru í rekstri árið 2007. Á þessu ári verða 154 sendar komnir í rekstur. Neyðarlínan og Vodafon hafa gert með sér samkomulag um að GSM sendar verði í flestum háfjallastöðum sem Neyðarlínan er að setja upp. Það er gert til að tryggja að þeir sem eru með GSM að geta náð í 112 þegar aðstoðar er þörf og er gríðarlegt hagsmunamál auk betri þjónustu fyrir viðskiptavini Vodafone. Á þessu ári verða settir upp 17 fjallasendar þar af 6 sem reknir eru á rafstöðvum. Það er búið að setja upp TETRA og GSM sendi á Steinnýjarstaðarfjall á Skaga sem dekkar stórann hluta af Ströndum, nánast allan Skagann og leiðina á Siglufjörð. Neyðarlínan á mannvirki á fjallinu sem er í um 645 m hæð. Einnig er búið að setja senda upp á Grímsfjalli og Breiðbak en eftir er að koma rafstöðvum á staðinn til að unnt verði að taka kerfið í rekstur. Einnig verður settur upp sendar á Vaðöldu, Grjótárhnjúk, Snjóöldu, Reykjafell, Bláfell, Ásbrandsfjall/Hveravelli, Svartárkot svo eitthvað sé nefnt. Miðað er við að 96% dekkun verði komið árið 2009. TETRA er öryggis- og neyðarfjarskiptakerfi fyrir viðbragðsaðila. Kerfið hefur reynst mjög vel í vetur í fjölmörgum verkefnum. Neyðarlínan mun fjárfesta fyrir 120 millj. á þessu ári í nýjum fjarskiptastöðum þar sem ekki eru viðskiptalegar forsendur fyrir rekstri almenns fjarskiptakerfis. Það er gert til að koma á móts við þarfir björgunarsveita, vísinda- og rannsóknaraðila á hálendinu og annarra sem þurfa á þjónustu að halda utan núverandi fjarskiptakerfis. Verið er að mæla dekkun með sérstöku mælitæki til að unnt sé að velja nýja staði fyrir senda. M.a. er verið að mæla Langjökul af gefnu tilefni en hann er að mestu dekkaður sé miðað við handstöð og útiloftnet. Það er um 1.0 km við Þursaborg sem er í lélegu sambandi sem lagast í sumar með sendi á Hveravallasvæðinu. Eins verður svæðið milli Bláfells og Hvítár einnig dekkað. Aðalatriðið er að meiri dekkun gagnast öllum bæði almennum ferðamönnum og björgunaraðilum. Það hlýtur að vera sameiginlegt markmið allra.
Kv til hinna ótrúuðu.

Þessir 15 viðbótar tetra sendar eru örugglega ekki á hálendinu heldur er þeim bætt við til að stoppa í götin sem eru í byggð. Síðast þegar ég vissi var langt í land með að það kláraðist. enda er cellustærð tetra ekki nema lítið eitt stærri en gsm í fjallendi og borgum og sendarnir miklu færri. Ekki veit ég nákvæmlega hvaðan þetta GSM samband kemur sem er í Setrinu en ef útbreiðslukortið er skoðað sést að það er að að koma langt að og líklega frá Vatnsfelli en það eru rúmir 50 km. Ef það er rétt þá eru 60 km GSM sendar staðreynd. Þagar búið er að setja upp annan sendinn (tetra eða gsm) kostar bara brot að bæta hinum við, svo líklegt er að samband á gsm og tetra muni haldast nokkuð í hendur í frammtíðinni sérstaklega þar sem cellustærðinn vriðst vera orðin sambærileg þetta er reyndar eithvað sem ég er bún að röfla um áður hér.

Frá búrfelli erum við að tala um 71 km og þetta er ekki alveg sjónlína því á milli bera öll öræfin á gnúpverjaafrétti en þau eru í yfir 800 metrum þarna á milli, Búrfell er bar 680 og setrið er í 700 þetta er göldrum líkast.

Ég er nokkuð viss um að þetta er á 900 MHz, annars gengi þetta ekki með venjulegum símum. Með góðu Yagi beam loftneti þá ætti að vera hægt að nálgast 120 km. t.d. frá Háubungu við Grímsvötn í Búrfell.
Ein leið væri að setja síma (með handfrjálsum búnaði) í stað tvípólsins, reflector fyrir aftan og nokkur styttri element fyrir framan.
Guinness félagið er búið að bóka skálana á Grímsfjalli um næstu mánaðamót

-Einar

GSM samband í setrinu kemur frá sendi á Vatnsfelli og sambandið á líklega eftir að batna þegar fleiri sendar koma inn á næstu vikum/mánuðum.

Eigendur Nokia tækja geta fljótlega keypt loftnets-kit fyrir bílinn hjá Vodafone. hef svosem ekki mikið meiri upplýsingar um það að svo stöddu.

ÞA

Hvernig virkar það ef það á að vera opið í 112 úr öllum símum? Ef ég er með GSM frá Símanum og utan þjónustusvæðis Símans en innan svæðis hjá Vodafone þá að öllum líkindum sýnir síminn minn ekkert signal, er þá einhver ástæða til að reyna hringja í 112?

Er ekki alveg að fatta hvaða ástæður eru fyrir því að Síminn getur ekki verið aðili að þessu langdræga kerfi Vodafóns. Það hlýtur að vera viðskiptalegs eðlis. Mér hefði samt fundist eðlilegt að báðir aðilar hefðu gert gagnkvæman samning um reiki á milli dreyfikerfa. Nú hlýtur aðeins að vera farið að jafnast samkeppnisstaðan hjá báðum aðilum. Spurning hverjir eru bestir að þrýsta á þetta???
Annars er ekkert stórt vandamál að vera með frelsiskort sem maður notar þega farið er inn á svæði Vódafóns og jafnvel hægt að láta hringinguna elta sig til að þurfa ekki að vera að vandræðast með of mörg símanúmer.