This topic contains 52 replies, has 1 voice, and was last updated by 
-
Topic
-
nú virðist Vodafone vera að gera góða hluti
http://www.mbl.is/mm/frettir/taekni/2008/02/08/gsm_samband_100_km_a_haf_ut/
-
Replies
-
[url=http://www.mbl.is/mm/frettir/taekni/2008/02/08/gsm_samband_100_km_a_haf_ut/:2ty68e8o][b:2ty68e8o]linkur[/b:2ty68e8o][/url:2ty68e8o]
Verður maður að vera í viðskiptum við Vodafone eða ætli maður geti notað síma frá Símanum, til að nota þessa senda.
er það Betra með Tetra?
Það held ég ekki, miðað við þessar fréttir er mest heillandi að vera memm með GSM.
.
En að lélegum kveðskap frá, þá hlýtur þetta bara að vera hið allra besta mál
Þetta verður einungis opið fyrir Vonafone notendur
kv
Agnar
Ég heyrði að til stæði að setja upp GSM senda þar sem væri Tetra sendar. Þar sem Tetra þarf rafmagn og örbylgjusamband, er allt til staðar fyrir GSM sendi. Ef OGvoda setur upp langdræga senda á öllum stöðum sem Tetra er á, næst mjög flott útbreiðsla á GSM á hálendinu. Tetra er gefið upp með max 56 km drægni, en Tetra menn segja sjálfir að reynslan sýni að drægi frá sendum sé 7 til 27 km í íslensku landslagi. Þetta GSM kerfi á að drífa allt að 100km frá sendi. Þetta hljómar spennandi, en gleymum ekki að það sem lítur vel út á blaði virkar ekki alltaf jafn vel í notkun. Núna er bara að vera með GSMinn á lofti og sjá hvernig hann virkar. Jafnvel fá sér vöggu og útiloftnet.
Góðar stundir
ps: VHF rúlar feitt
Þeir verði að hafa opið á 112 úr öllum símum, ég held ég fari rétt með að það er hluti af samningunum um tíðniúthlutunina. Sími frá símanum virkar því fullkomlega sem öriggistæki. það leiðréttir mig bara einhver ef þetta er ekki rétt.
Virka reikisamn. bara í aðra áttina? þeir sem eru hjá vodafone geta notað senda Simans en ekki öfugt í þessum tilfellum?
ég er hjá símanum að róa frá Þorlákshöfn og þegar við erum komnir stutt frá landi fjarar voðafon út en siminn dugir svoldið lengur en ekkert svakalega svo það má nú um betur bæta
[url=http://www.vodafone.is/gsmdreifikerfi:12gsltza]Hér er ítarlegri frétt.[/url:12gsltza]
Ég held að reikisamningar virki á tilteknum stöðvum, t.d. hefur samningurinn milli símans og vodafone ekki virkað á suðvestur landi, þar eru staðir þar sem og vodafone sími nær ekki sambandi, þótt símar frá Símanum nái.
Svona lítur útbreiðslu kortið út núna:
[img:12gsltza]http://www.vodafone.is/images/thjonustusvaedi-basic4web.gif[/img:12gsltza]
Ef þetta er í samræmi við raunveruleikann, þá nær GSM sími frá Vodafone líklega víðar sambandi núna heldur en Tetra handstöð. Á næstu mánuðum bætast svo við 40 sendar.-Einar
Það verða engir reikisamningar á milli Vodafone og Símans í nýja langdræga GSM kerfi skv Vodafone. Sýnist Vodafone ætla að nota þetta til að ná til sín nýjum viðskiptavinum á landsbyggðinni, þeim sem ferðast mikið um helstu vegi landsins, sjómönnum osfrv.
Ég er þó ekkert sérstaklega bjartsýnn á að þetta kerfi sé einhver heildarlausn fyrir fjallafólk þar sem kerfið verður rekið á markaðsforsendum gangstætt GSM2 kerfinu sem er tilraunaverkefni Ríkisins og Vodafone og er ekki ætlað að skila arði.
Þetta þýðir í raun að þeir hlutar landsins sem þar sem má vænta lítillar notkunar verða ekki coveraðir …… og er það ekki ákkúrat sá hluti sem við þurfum að fá inn…..
kv
Agnar
Það er orðið nokkuð ljóst að það verður engin ein heildarlausn fyrir fjarskipti ferðafólks á hálendinu. Ef svo fer sem horfir, og Síminn hættir við CDMA2000 kerfið en setur í þess í stað UTMS á 900 MHz, þá verða 3 aðskilin sjónlínu-símkerfi á hálendinu, Vodafone, Síminn og Tetra. Ef maður er með áskrift hjá öðru símafélaginu þá kostar ekki mikið að vera með frelsiskort frá hinu. Það verða margir staðir þar sem ekkert þessara kerfa nær, því þarf stuttbylgjustöð eða gervihnattasíma, til þess vera sæmilega öruggur um að geta náð sambandi í neyð. En gsm kerfin munu væntanlega ná víðast hvar, og duga til þess að menn geti sinnt daglegri "tilkynningaskyldu".
Ef síminn hættir við CDMA2000 kerfið, þá er ekkert sem segir að það þurfi að slökkva á NMT kerfinu um næstu áramót. Þrátt fyrir alla þess annmarka, þá efast ég stórlega um að hin þrjú símkerfin muni samanlagt ná þeirri dekkun sem NMT kerfið hefur.
-Einar
eitthvað sem bendir til þess að síminn sé að hætta við CDMA? það gerir þetta vissulega allt loðið að þeir séu að testa annað gsm kerfi. Er Síminn búinn að mæta á fund og gera grein fyrir sínum pælingum. Er stjórn búinn að gera eitthvað í þessu t.d fara á fund með Símanum vodafone etc og biðja um lausn fyrir okkur eða eru þetta ekki hagsmunir sem skipta máli….eða sofa þau bara værum blund á Tetra talstöðvonum sínum???? Hvað er að gerast????Er þetta apparat 4×4 gersamlega að gera upp á bak á sér í einu og öllu, já ég hef áhyggjur eins og ótal aðrir!
Ég held að ástæðan fyrir því að það hefur ekki tekist að fá fulltrúa Símans til þess að koma á félgsfund, sé að þeir séu ekki búnir að ákveða hvort þeir velja CDMA2000 eða UTMS á 900 MHz. Þeir eru að prófa bæði kerfin.
Ég held að þeir muni enda á að velja UTMS, vegna þess að það er samhæft við GSM, þetta er 3G kerfið sem þeir hafa verið að auglýsa mikið upp á síðkastið, nema það vinnur á 900 MHz. Það er ekki mikil glóra í því að sama fyrirtækið sé að reka tvö ósamhæfð 3G símkerfi á íslenska markaðinum.CDMA2000 er amerískt kerfi sem er sáralítið notað í Evrópu, þar er t.d. takmarkaður stuðningur við reikisamninga líkt og við eigum að venjast í GSM kerfum.
-Einar
Og gaman að sjá hvað Einar félagi okkar hefur mikla trú á Vodafone. Ef rýnt er í útbreiðslumyndina má sjá að það sé komið gsm samband í Setrinu og í Þjórsárverum, það væri fróðlegt að fá þorrablótsfara til þess að staðfesta þetta, ég legg þó gemsan minn undir að þetta sé rangt. Ég held að þetta sé útbreiðslumynd af draumum Vodafonmanna.
Í haust að mig minnir september benti ég ykkur á að CDMA væri ekki á leiðinni. Því þó leifi fyrir framkvæmdum væri í höfn, þá væri það ekki sama og verklegar framkvæmdir væru að hefjast. Enda var ekki búið að taka ákvörðun um eitt né neitt hjá Símanum.
Ef ég man þetta allt kórrétt þá átti að vera CDMA kynning á janúarfundinum en Símamenn voru ekki tilbúnir, og það rennir enn frekari stoðum undir þann grun að ekki verði farið út í það kerfi.
Hlynur varpar því fram að Vodafone sé að setja upp senda á þeim stöðum þar sem Tetra séu fyrir, það virðist vera tilfellið og á einmitt að setja upp Vodafon sendir á Strút sem dæmi. Svo það má búast við fleiri endurvörpum frá Vodafone á hálendinu, en ég sé ekki hvernig það ætti að ná alvöru dekkun þrátt fyrir það. Það er talað um langdræga gsm senda hjá Vodafone. Er það rétt að þeir séu raunvörulega langdrægnir, eða eru þetta kannski bara venjulegir sendar ?.
Mín tilfinning er sú að Vodafone sé einungis að setja upp venjulega gsm senda á Tetra stöðunum og fá með því þokkalega dekkun á helstu ferðamannaleiðum. Þetta gæti Síminn auðvita gert líka, en þar er metnaðurinn undir frostmarki, og hefur verið meir og minna síðan 1905 eða 6 þegar símalínulögnin frá Seyðisfirði til Reykjarvíkur var lokið.
Ég velti líka fyrir mér þessu með langdrægnu sendana, af hverju hafa þeir ekki poppað upp fyrr, mig minnir að síminn sé að minnsta kosti með tvo slíka og hefur verið með þá í einhver ár. Af hverju hefur þeim ekki fjölgað, eru þeir dýrir eða eru þeir ekki eins langdrægnir og af er látið.
Ef kortið er skoðað áfram sést líka að dekkun á að vera til staðar á suðaustanverðum Langjökli og í Jaka, lítið mál að að tékka á þessu. Ég er ekki með Vodafone en eru menn bara nokkuð að fylgjast með þessu þegar þeir eru á fjöllum? Það væru undur og stórmerki ef þetta er rétt að einhverju leiti.
Annars er ég sammála Jóni, manni finnst þetta frekar vera draumsýn hjá þeim enda eru þeir með þessa senda í prófunum og geta því ekki staðfest langdrægnina ennþá.
Getur Síminn nokkuð bakkað út úr því að nota 450Mhz, eru þeir ekki bundnir samningi um að þegar þeir leggja NMT niður að setja upp annað kerfi á þeirri bylgjulengd sem hefur sömu útbreiðslu ?
kv
AB
Ofsi minn. Ég ætla að halda í trúnna áfrarm enda er ég miklu meiri trúmaður en þú, þú ert sannkallaður ótruarmaður. Ég vill meina það að ef maður sækir um lóð þá gerir maður það til að byggja á henni, hvort það verði svo kofi eða höll verður að koma í ljós.
Ofsi spyr af hverju ekki fyrr
langdrægni er hægt að auka í báðar áttir með sendinum einum saman þetta er gert með því að keyra fíltrera á veika merkið sem kemur til langdræga sendisins frá símanum Þetta eru tæknilega flóknar græjur sem þurfa mikla reiknigetu og talsverða orku sem ég kann ekki skil á. Það skemmtilega við þetta er að fræðilega er hægt að koma drægi úr símanum í sendinn í mörg þúsund kílómetra. Og drægi úr sendinum í síman gæti einhvertíman orðið meira takmarkandi. Þetta flokkast undir tækniframfarir og þróun sem við erum að verða vitni að og vonandi er þetta farið að virka því ávinningurinn af þessu er gríðarlegur. Þetta er ekki það sama og að stækka bara síman og sendirinn eins og margir mundu gera þó það mundi vissulega virka líka. : )
Mér finnst þetta hið besta mál. Það er minnsta mál að fá svona frelsiskort hjá hvaða símafélagi sem er og skipta bara um í símanum sínum og nota svo á víxl eftir því sem hentar. GSM – símar eru svo ekki það dýr tæki, að það er svo sem ekkert mál að eiga fleiri en einn og nota eftir hentugleikum. Mér skilst að hér á Húnaflóasvæðinu sé ekkert spursmál að GSM-þjónusta Vodafone komi til með að geta leyst af hólmi NMT-þjónustuna þegar hún verður lögð niður hvað okkur trillukarla snertir. Einföldu lausnirnar eru að sjálfsögðu alltaf bestar og það er náttúrulega þægilegast að geta bara verið með GSM símann sinn hvert sem maður fer.
Ofsi, þú lagðir símann þinn undir, hver á að fá hann? Ég var að hlera á Tetranu að einhver þorrablótsfari hafi labbað út í Setrinu með Vodafone simann sinn og hringt heim. Held ég hafi örugglega náð þessu rétt. Trúi þessu samt varla fyrr en ég reyni það sjálfur.
Kv – Skúli
Getur sótt gemsan minn í Kirkjustétt 7 rvk.
Ps Þorgeir var í Tetra sambandi inn í Setri. Það er aldeilis að Setrið er komið í samband.
You must be logged in to reply to this topic.