Gróf mismunun

Tjaldbannið var fest í reglugerð gegn mótmælum Samút og fleiri, sjá 10undu grein:
http://www.reglugerd.is/interpro/dkm/We … %C3%B6kuls

Mér er ekki kunnugt um hver fór fram á tjaldbannið, en það er oftast háttur stjórnsýslunar að setja fleiri bönn en færri.
kveðja Dagur

[quote:1pfdhg7n]Þetta er langmesta svívirðan í þessum þjóðgarði og ég skil ekki hvað menn hafa rætt þetta mál lítið.
[/quote:1pfdhg7n]

Þetta er vissulega ljótt þó að þetta sé kannski ekki mesta svívirðan, þær eru margar aðrar og jafnvel verri en þessi.

Þetta sýnir okkur greinilega hvað Vatnajökulsþjóðgarður ef fjandsamlegur fjölskyldunni.

Fjölskyldufólk á ekki uppá pallborðið hjá þeim sem hatast úr í allt vélknúið og vilja ekki að nokkur njóti hálendisins nema geta gengið langar vegalendir. Hræsnin hjá flokki Svandísar er því mikil hvað þetta varðar, hinum fjölskyldu og mannvæna stjórnmálaflokk.

Eftir því sem ég skoða þetta mál betur sé ég hvað þetta er glórulaust alltsaman: Lagt upp undir merkjum náttúruverndar en endar með því að hagsmunaaðilar hugsa bara um rassinn á sjálfum sér og njóta til þess aðstoðar ofstækisfólks sem hatast úr í allt vélknúið og auðtrúa almennings sem heldur í illa upplýstri tilveru sinni að leiðin til bættrar náttúrverndar sé að taka ferðafrelsið af almenningi.

Sorglegt að skattfé okkar skuli fara í að greiða laun fyrir svona óskapnað sem VÞJ er að verða.

Eins og Dagur bendir á er þetta tjaldbann ekki að koma núna með verndaráætluninni heldur kom í reglugerðinni sem var sett fyrir tæpum 3 árum og verndaráætlunin þarf að vera í samræmi við reglugerðina. Þessari baráttu var því tapað fyrir 3 árum. Ef menn vilja vita um sökudólginn þá er það náttúrulega sama stjórn þjóðgarðsins og gekk frá verndaráætluninni. Af því Dagur er að velta fyrir sér hver hafi beðið um þetta þá er tilfinning mín að svona ákvæði komi inn af því menn eru að horfa of mikið á skipulögðu svæðin, s.s. gömlu þjóðgarðana í Skaftafelli og Ásbyrgi. Þar getur svona ákvæði átt við, það er nefnilega ekki óalgengt að menn tjaldi rétt hjá skipulögðum tjaldsvæðum, nýti þjónustuna en telji sig ekki þurfa að borga. Eða einfaldlega skíta undir hvern stein þannig að stórvarasamt er að reka tánna í steinvölu. Vissir hópar sérlega slæmir með þetta þó ég fari ekki nánar út í það.
En í hinum víðfemu svæðum Vatnajökulsþjóðgarðs á þetta engan vegin við, en það voru menn ekki að skilja. Þetta þýðir að þeir sem ferðast akandi er betra að vera ekki að drolla mikið við náttúruskoðun og eins gott að láta sér ekki detta í hug að taka eins og einn tind á leiðinni því þá ná menn ekki á náttstað. Eins útilokar þetta gönguferðir með trúss þar sem skilyrði fyrir rýmri tjaldheimild er að ganga með allan farangur á bakinu.
Kv – Skúli

Nú á ég konu sem er ferðamálafræðingur og hefur mikkla unun á útivist og ferðamennsku. Hún er í þeim vítahring að vera með liðagikt sem er afar óvenjulegt fyrir jafn unga konu… eða eins og hún lýsir því þegar hún fer til giktarlæknisins þá mætir hún gömlu fólki sem er að koma frá lækninu og þegar hún fer út mætir hún aftur gömlu fólki sem er á leiðinni til læknisins… Þetta er ekki meðfæddur sjúkdómur og hún bað ekki um að fá þennan sjúkdóm held þetta byrjaði upp úr þurru vorið 2009
vítahringur… afhverju.. jú þetta er í stórum liðum, úlnliðum, ökklum og við þessu þarf hún m.a. að taka stera sem veldur því að hún bætir á sig sem m.a. tekur doldið á sjálfstraustið… hún getur ekki farið í ræktina og sprikklað það af sér eins og við hin því að hún er með liðagikt mannstu þannig að þetta er vítahringur…. ef ég læt hana hafa síman hjá þér ertu þá til í að segja henni að hún "þurfi að ganga svo sem eina dagleið til að sjá perlur sem áður var hækt að keyra að og það sé ekki heimsendir" eða ertu kanski búinn að átta þig á því að hún getur ekki farið í fjallgöngur.
Það er frábært fyrir hana að geta svo að segja séð jafn mikið af landinu eins og hver annar íslendingur… hún auðvitað missir af æðislegum perlum eins og lónsöræfum og hornströndum þar sem eru engir vegir en núna á að fara að taka frá henni og [b:nwe4mu2a]öllum hinum íslendingunum sem eru með sjúkdóma, hreyfihömlun eða geta ferðast á tveim jafnfljótum[/b:nwe4mu2a] staði/perlur þar sem eru vegir nú þegar [b:nwe4mu2a]og hafa verið í tugi ára[/b:nwe4mu2a] án þess að skaða nokkurn.
Rökin þín eru afþví að svartir sauðir skemma…jú það rétt… en eigum við þá ekki að loka öðrum stöðum/perlum líka svo svörtusauðirnir skemmi ekki þar líka…. er ekki fjallabakið friðland???

Það er orðið svo þvílíkt búið að hræða líftóruna úr okkur jeppafólki að það liggur við að maður þurfi að keyra út í kannt og stoppa ef maður mætir einhverjum en þá er maður kærður fyrir utanvegaakstur. Þetta er orðin algjör þvæla og ég neita að begja mig meira.

Kv.
Óskar Andri
R-3237

Nei Jón ég er ekkert að gleyma því en það var bara ekki það sem var verið að ræða um. Við skulum allavega reikna með því að það fari fljótlega í gang endurskoðun á reglugerðinni og þá er að sjálfsögðu hægt að taka þennan slag aftur.
Ragnar er með beittan pistil og í sjálfu sér punktar í honum sem eiga rétt á sér. Ég held hins vegar að á þeim stöðum þar sem þetta ákvæði kemur til með að vera hindrun séu aðstæður yfirleitt þannig að það valdi ekki skaða þó menn tjaldi og jafnvel dragi fram tjaldborð og stóla og gasgrill. Gæsavatnaleið er ágætt dæmi, ef þú ætlar hana og t.d. ganga á Kistufell í leiðinni er tíminn mjög tæpur að ná á náttstað í Dreka, En þú skemmir enga náttúru með því að koma þér upp næturstað á melunum neðan við fellið. Nú er þetta svæði að vísu ekki ennþá orðið hluti garðsins en þess verður örugglega ekki langt að bíða. Sama má segja um Bárðargötu frá Hágöngulónu og suður úr. Ef þú ætlar að gera eitthvað fleira á þeirri leið en bara keyra (t.d. njóta náttúrunnar sem er jú tilgangur þjóðgarðs), þá ertu í slæmum málum.
Við viljum kannski ekki endilega fá skipulögð tjaldsvæði út um allt, heldur fá að búa okkur næturstað í sátt við náttúrna. Það er að vísu rétt að þá þurfa menn að kunna að ferðast eða fá leiðbeiningar um það, t.d. hvernig þú gengur frá hægðum þínum en of margir virðast halda að þá sé nóg að lyfta einum stein og losa undir hann, en það er bara spurning um fræðslu og leiðbeiningar.
Kv – Skúli

Verð að segja að ég hef gaman að skrifum Ragnars og þá sérstaklega fyrir það að draga fram aðrar hliðar á málunum. Það er auðvitað rétt að verndun náttúrunnar á að vera nr. 1 og það er aðal markmið þjóðgarðsins. Reyndar annað af tveimur aðal markmiðunum, hitt er að gera sem flestum mögulegt að njóta náttúrunnar. Þessi markmið fara kannski ekki alltaf saman og þá á það fyrra að ráða för, þ.e. verndunin. Af því leiðir að við viljum reglur sem ná því markmiði að lágmarka skaða á náttúrunni (lágmarka segi ég en ekki koma alfarið í veg fyrir þau því öll umferð getur valdið einhverjum skaða og þar er gangandi umferð ekki undanskilin), en setja ekki óþarfa hömlur á ferðalög. Þess vegna þarf þetta tjöldunarákvæði, verði því breytt, að innihalda heimild til að banna alfarið tjöldun á viðkvæmum stöðum sem þola ekki tjöldun. Þegar reglugerðin var í mótun lögðu útivistarfélög einmitt til slíkt ákvæði, s.s. að tjöldun sé heimil fjarri skipulögðum tjaldsvæðum en heimlit sé að banna alfarið að tjalda á sérstaklega viðkvæmum stöðum. Ég er t.d. á því að tjöldun á bökkum hverasvæðisins í Snapadal eigi að vera bönnuð og víðar. Hins vegar eru margir staðir innan þjóðgarðsins og staðir sem líklegt er að verði innan þjóðgarðsins í fyrirsjánlegri framtíð þess eðlis að þeir þola vel að sett séu upp tjöld af öllum gerðum.
Hins vegar er ég sammála þér með þetta almenna sjónarmið að það telst ekki til ófrávíkjanlegra mannréttinda að allir fái að fara alls staðar. Einhvern tíman vildi einhver þingmaður setja malbikaðan veg upp á Heklu þannig að allir geti farið þangað, það er náttúrulega út í hött (að vísu myndi sú gamla líklega fyrir rest eyða þeim vegi með hrauni, en það er önnur saga). Það er sjálfsagt að skapa aðstöðu fyrir fatlaða að því marki sem það er skynsamlegt og hægt án þess að spilla náttúrunni með einhverri allsherjar láglendisvæðingu. Ég vill heldur ekki vegi eða slóða út um allt og alls staðar, en ef verið er að loka leiðum sem byggja á nokkuð traustri hefð finnst mér það eigi að byggi á rökum sem halda. Slík rök eru til í sumum tilfellum, en ég sé þau ekki í Vonarskarðsdæminu.
Kv – Skúli

Það hefur aldrei verið neitt sérstök prýði að klósettpappírsleifum og kúk undir steinum á þéttsetnum, vanbúnum ferðamannastöðum á hálendinu.
Hins vegar: Ef einhver ætlar að halda því fram að þetta sé einhvers konar faraldur sem næst að taka fyrir með boðum og bönnum, þá tel ég að sá hinn sami hafi ansi rangt fyrir sér.

Ef út í það er farið, þá er nú ansi langsótt að Vatnajökulsþjóðgarðssvæðið verði eitt samfellt "skítapleis", jafnvel þó að einn og einn Homo Sapiens Sapiens rölti smá spotta út fyrir veg og gangi örna sinna. Einna helst að pappírinn sé lýti. Kannski á að skylda ferðamenn til að skeina sér á mosatóm!

Fyrir mér er rusl og drasl eins og fólk á betri vegum hendir hugsunarlaust út um gluggann (án þess að stoppa) mikið meiri mengun en lífrænn úrgangur sem náttúran tekur til sín fegins hendi.

Ég á von á heljarinnar reiðilestrum yfir þessum kommentum mínum. Það verður bara að hafa það.

kkv

Grímur