grímsfjall

[url=http://www.klaki.net/~um44/jokh01/gps.html:2ml5cmpl]Hér eru gps[/url:2ml5cmpl] gögn sem notuð voru í nýliðaferð i desember 2001. Vegna vaxandi jarðhita þarf að sýna varúð austan Grímsfjalls og rétt vestan við skálann. Leiðir sem notaðar voru fyrir gosið í desember liggja t.d. yfir jarðhitagjótur.

-Einar

Það eru nokkrir punktar af leiðinni í Hveragilið á Káravefnum, trakk af þeirri leið að vísu ókomið enn.

Kv – Skúli

Sæll Agnar..
Það kólnar nú örugglega nóg fyrir helgina til að fara á fjöll, passaðu þig bara ef að eitthvað vatn er á leiðinni inn að jökulheimum (ef þið ætlið upp þar) en þegar þið eruð komnir yfir tungnána og upp á jökulinn má eiginlega segja að hægt sé að taka beina stefnu á Grímsfjall, það eru engar hættur þar á leiðinni (voru allavega ekki fyrir 2 vikum) bara flatur jökull, svo þarf aðallega að huga að punktum þegar nær dregur, það er til dæmis hitasvæði rétt við skálana en ef þú ert að keyra þarna í björtu ættirðu að sjá geilina mjög greinilega, ef slæmt skyggni er þá ættirðu að fara varlega þegar þú nálgast skálann og passa þig á hitasvæðinu. Við vorum þarna fyrir tveimur vikum og þá sagði þetta sig alveg sjálft, hvar ætti að keyra og hvar ekki.

kveðja Axel Sig…

en hveragil þekki ég ekki, er bara að tala um upp á grímsfjall..

kveðja Axel Sig..

Í nýjasta tölublaði Útiveru er fjallað aðeins um sprungur og hættur á jöklum (sem reyndar geta léttilega hrætt mann frá því að fara nokkru sinni á jökul aftur), en þar er m.a. fjallað um umhverfi Grímsfjalls, og gefin upp hnit á tveim punktum þar sem hætta er á ferðum.

Annars vegar er það jarðhitaketillinn suðvestur af skálunum, hnitið sem þeir gefa upp er: N64 24 044/V17 16 786.
Mér sýnist á trökkum sem ég hef farið þarna, síðast í mai 2003 að ég hef farið allavega 200 metrum sunnan við þennan punkt, ég myndi ekki fara nær en það ef skyggnið er lélegt, því þessi geil fer stækkandi.

Hinn hættupunkturinn er þegar farið er austur af eystri Svíanhjúk (þar sem skálarnir eru) í útfallinu svokallaða, þar er ennþá einn sigketill, sem ég hef reyndar ekki séð með eigin augum, en hnitin á honum skv. Útiveru er: N64 24 171/V17 12 874.
Myndir af þessum sigkatli er t.d. að finna á Káravinafélagsvefnum (http://www.mountainfriends.com) – ferð þar undir "Ferðir"->"ýmis myndasöfn", "Vor á Vatnajökli" þar er mynd á síðu 2 hjá þeim.

Ég á síðan track frá síðasta vetri frá Grímsfjalli í Hveragil frá þriðja aðila sem ég tek enga ábyrgð á – email-aðu mér á arnora@simnet.is og ég skal senda þér það.

En ef þið ætlið að kíkja við í Kverkfjöllum, þá hef ég bara eitt ráð – ekki gera það nema í björtu og góðu veðri, og fara varlega síðasta kaflann – ég tala af reynslu þarna 😉
Sjá: http://www.pbase.com/arnora/vjokull_hekla_mai_2003 – þarna aftast er kort sem sýnir hvar á EKKI að fara 😉

Arnór