Grímsfjall 2007

Almenna reglan er að forðast allar sléttur, velja leiðir þar sem er eitthver halli. Annars held ég að Rúnar hafi rétt fyrir sér, ís á flestum vötnum er nú þegar orðinn bílheldur, og það er spáð gaddi eins langt og spárnar ná.
En það geta alltaf leynst staðir þar sem snjór ofan á ísnum einangar hann frá frostinu. Þegar vatnið sjatnar, þá geta myndast loftrúm undir ístnum. t.d. nærri stórum steinum. Slíkt er mjög góð einangrun, því ef það er loft undir ísnum þá hættir hann að þykkna.

Ekki aka "blindandi" eftir ferlum eða kortum.

-Einar

var bent á myndir af ferðinni vona að eigendum sé sama að ég pósti þessu hérna ef ekki þá bara láta ljós sitt skína:D

http://tryggviogkristin.vefalbum.is/mai … temId=2693

hræðilegt að sjá þetta

kv Davíð R-2856

Það hefur lengi verið vitað, að til þess að bjarga bíl sem fer niður um ís, þarf að brjóta ísinn. Oftast hefur þetta verið gert með vinnuvélum (traktorsgröfum) en þarna mun keðjusög hafa verið notuð með góðum árangri.

Þegar bíll fer niður um ís, eða festist illa í krapa, þá er það ávísun á stórtjón, að toga í bílinn, hvort sem er með spili eða köðlum, án þess að losa eða lyfta bílnum fyrst.
Þegar bílar eru fastir í krapa, er oftast hægt að nota drullutjakk til þess að losa bílinn, en það er erfiðara þegar bíll fer niður um ís.

-Einar

Ég sé nú ekki alveg fyrir mér að svona slanga lyfti upp framenda á Patrol, en fjandi góðar til að renna sér á. Hins vegar eru til tjakkbelgirnir eða blöðrurnar, svona eins og [url=http://www.f4x4.is/new/photoalbum/default.aspx?file=cars/4095:28ezoaa8][b:28ezoaa8]mhn[/b:28ezoaa8][/url:28ezoaa8] sýnir hér. Man líka eftir myndum af Lúther nota svona blöðru. Gæti verið svolítið mál að koma þessu fyrir undir bílnum þegar dýpið er vel á annan meter.
Kv – Skúli

Rúnar þarf að lyfta öllum bílnum upp á yfirborðið?
Gæti ekki verið nóg að fá hásingu aðeins upp þannig að bíllinn hangi ekki á henni þegar er verið að draga?

eru til margra hluta nytsamlegir og margar þessar nýjustu vélar eru hrein tröll til allra verka. En ef það á að fara með þær í eitthvað þar sem reynir á, svo sem eins og mikinn snjó og krapa, þá verða þetta að vera fjórhjóladrifnar vélar. Reyndar eru flestar vélar sem keyptar hafa verið síðustu ár með fjórhjóladrifi. Hafa verður samt í huga, að þær fljóta ekki ofan á snjónum eins og jepparnir, til þess eru þær alltof þungar held ég. En vél sem er bara afturdrifin er ansi bjargarlítil í snjó, jafnvel þótt hún sé á keðjum og búið að þyngja hana að aftan, eða það er mín reynsla allavega. En allur þessi krapaslagur, sem félagar okkar hafa verið að lenda í svona í gegn um tíðina, segja manni að það er alveg nauðsynlegt að í hverjum hópi séu a.m.k. einar vöðlur eða jafnvel þurrbúningur. Ég hef sjálfur lent í því að vera illa gallaður í svona krapamáli og það er ekkert grín og eiginlega alveg stór varasamt upp á ofkælingu. Mér líst aftur á móti ekki illa á hugmyndina með vörubíla- eða vinnuvélaslöngur til að lyfta bílum upp úr krapi og/eða vatni. Það er í sjálfu sér ekki flókið að koma þeim undir bíla meðan þær eru loftlausar og loftið eru menn jú með og slöngurnar ná alveg eins að ventlunum á slíkri slöngu og í dekkin á bílnum. Það þarf ekki að lyfta bíl sem er ofan í vatni og krapi mikið til að það geti gjörbreytt ástandinu og minnkað hættu á skemmdum. En menn eiga nú vafalaust eftir að fara yfir atburðarásina í þessu ferðalagi og draga af lærdóma. Þannig hefur jú ferðamáti okkar þróast, þ.e. með því að læra af reynslunni.
kv.

Dekk og felgur dráttarvéla eru sérstaklega hönnuð til úrhleypinga. Eiga að þola 5-6 pund ef ekki er ofhleðsla. Þetta gefa framleiðendur upp og mæla sérstaklega með að hleypt sé nákvæmlega eins mikið úr eins og töflur segja til um. Dráttarvélar koma sífellt með belgmeiri dekkjum svo flotið er orðið mjög mikið. Sjálfur hef ég þvælst um allan Eyjafjalljökul á traktor. Bendi annars á snilldargrein mína í Björgun (tímariti Landsbjargar sumar 2006) um þetta efni.

Kv. Árni Alf.

Sex tonna dráttarvél á 80 tommu radíal afturhjólum og 60 tommu radíal framhjólum er gera heilmikið í snjó. Svona vélar eru orðnar til á öðrum hverjum bæ og bændur eru oftast fúsir til að hjálpa þegar svona stendur á. Ég myndi allvega leita eftir svoleiðis tæki væri þess kostur.