This topic contains 16 replies, has 10 voices, and was last updated by 
-
Topic
-
Nú um helgina nýttu menn sér nýbyggða skemmu við Setrið til að grilla. Það var ekki auðvelt að gera það úti í 25m/s og skafrenningi. Fyrstu viðbrögð manna hér þegar þetta fréttist voru að setja reglur og banna. Maður gæti haldið að þetta væri Umhverfisráðuneytið í stjórnartíð Vinstri Grænna…
Ég vil nú bara fagna þessum nýja notkunarmöguleika á húsinu og sting upp á því við Skálanefnd að þarna verði sett upp almennileg grillaðstaða. Það er alveg snilld að losna við bræluna úr Setrinu sjálfu þegar menn fara að brasa á pönnu af því það er ekki hægt að grilla úti.
Hvaða skoðun hafa menn á þessu?
Bjarni G.
-
Replies
-
Jæja. Það er ágætt að byrja dálítið hressilega til að skapa umræðu hér á spjallinu.
Þessi aðstaða í útiskálanum er kjörin til ýmisra hluta. Það má að vísu ekki leggja hana undir sig til annarra hluta en í upphafi var lagt til með. En það var að mér skildist að þetta væri viðgerðaraðstaða og til ýmisra smíða fyrir Setrið. Ég sé það á myndunum frá Bjarka að menn kunna vel við sig þarna við eldamennsku og almennt spjall meðan bálhvasst er úti og skafrenningur. Ég get vel hugsað mér að taka þátt í slíku.
Nú er að bíða eftir hvernig skálanefnd og jafnvel stjórn vilja hafa reglurnar. Ekki gengur annað en hafa þessi mál í eitthverju formi.
Kv. SBS.
Heyr heyr Bjarki.
Þessa grillhús virkaði svakalega vel á hópinn og myndaðist góð stemming. Það var líka allt annað líf að losna við brasið sem oftast er í vondum veðrum úr skálanum.Kveðja, Birkir ,,fastur´´
Eitt sem ég er ekki að skilja við þessa umræðu alla. Var þetta ekki Þorrablót? Hvort voru það sviðin eða hangikjötið sem menn grilluðu?
kv
Rúnar.
Jú við átum snilldar þorramat og mjög mikið af honum. Ef þú bara þorðir með þá vissir þú það
Júhú þorrablót var það, en það borða allir hádegismat!!!!!!! Þá voru grillaðir borgarar, beikon og alles.
Kv Bjarki
Sælir félagar. Það er ánægjulegt til þess að vita að skemman okkar þarna í Setrinu skuli nú vera farin að þjóna félagsmönnum á einn og annann hátt. Sá að það hafði farið 44 tommu Bronco inn til lagfæringar og er það vel. Svo er það hitt málið, málið með „grillskálann“. Skemman var svo sem ekki hugsuð í grunninn undir slíkt not en það er svo sem ekkert nýtt að hugmyndaríkir félagsmenn sjái annað notagildi í hlutunum en þeir voru í fyrstu hugsaðir fyrir. Um það bera jeppabreytingar í heildina gott vitni. Ég fyrir mig sé ekkert að því að menn fari þarna inn með gasgrill og grilli sér eitthvað fóður svo lengi sem það er á gasgrilli. Það er jú gert ráð fyrir að menn vinni þarna inni með slípirokka og rafsuður. Verra væri mér við, og vill reyndar alls ekki að þarna væri notað kolagrill, þar er kominn opinn eldur og kol með langvarandi hitagjafa sem mér finnst einfaldlega of mikil eldhætta af og mikill reykur fylgir þessu yfirleitt líka. Ég held reyndar í ljósi þessa nýja notkunarmöguleika skemmunnar að það hafi verið góð rástöfun að hafa olíutanka og rafstöð inni í gámnum, þannig er það hvorutveggja inni í lokuðu brunahólfi ef illa færi. En menn verða að sjálfsögðu alltaf að gæta varúðar, hvort sem þeir kjósa að grilla þarna inni eða rafsjóða eða slíkt. Ég vil taka fram að hér tala ég ekki fyrir hönd skálanefndar heldur bara sem einn skálanefndarmaður. Annað langar mig til að nefna sem ég hef öllu meiri áhyggjur af. Þegar við í skálanefndinni fórum uppeftir núna í janúar komum við að stóru hurðinni ólæstri. Það má alls ekki undir nokkrum kringumstæðum koma fyrir að menn læsi ekki stóru hurðinni þvi ef að hún opnast og vindurinn kemst inn um opnar dyrnar þarf ekki að spyrja að leikslokum. Ég vil því brýna mjög fyrir mönnum að ganga allaf vel úr skugga um að stóru dyrnar séu örugglega læstar þegar skemman er yfirgefin. L.M.
Sælir,
Ég myndi ráðleggja okkur að setja upp þá borð með járnplötu ofan á og sömuleiðis á veggnum til að minnka eldhættu þarna, því timbrið er annars bara bert og mjög eldtækt í augnablikinu. Gæti nýst sem vinnuborð líka.
Við grilluðum félagarnir í 20m á sek í 15 stiga gaddi upp á grímsfjalli um árið, ekki þótti það til mikilla tíðinda að gera það
Ég veit ekki hvað menn eru að kvarta hehe annars fínt að nýta skemmuna sem mest, hún er þarna fyrir okkur svo lengi sem að umgengnin er til fyrirmyndar. T.d. kemur mikið af ösku og brenndri olíu sem lekur oft undan þessum grillum og þetta gæti orðið mikill eldsmatur ef einhver færi að sjóða daginn eftir…. og þá væri það farartæki farið í súginn þar sem væntanlega væri það óökufært. En hugsum í lausnum.
gera aðstöðu með galvaniseraðri plötu undir og á vegg og þá er auðvelt að þrífa þetta, ekki elda á steinhellunum.
kv
gunnar
Góð hugmynd þetta með málmborðið og plötu á vegginn. Þá geta menn líka soðið og slípirokkast án þess að hafa áhyggjur og/eða klúðra því í hugsunarleysi.
Ef við gerum þetta þannig að það sé auðvelt að haga sér vel og ganga vel um verður umgengnin í lagi.
Vantar líka góðan sófa þarna. Sitja þar og segja vígasögur úr bílskúrnum og að sjálfsögðu með einn ískaldan í hendi.
Theodór, Setrið er til þess.
Ef menn sofna í sófanum verður sá ískaldi ekki kaldur heldur gaddfreðinn. Ja, nema menn sofni út frá gasgrillinu. Þá er líka eins gott að sé gegnumtrekkur í Grillskálanum.
Það má svo sem nota þetta líka sem sönghús fyrir þá sem hafa innbyrt mikið af söngolíu. Þá geta hinir farið að sofa í friði inni í skála.
L.M.
Heyrðu! Var ekki læk takkinn kominn. ;(
Hverslags vefnefnd er þetta eiginlega. Það var búið að lofa þessu fyrir lööönngu.
Þetta er náttúrulega eðall að hafa sérstakann grillskála við Setrið til að nota í vonum veðrum. En er það virkilega til í dæminu að menn hafi verið að bræla inni í skála af því þeir þori ekki út í goluna með grillið? Það flokkast ekki undir að vera góðir ferðafélagar og fjallamenn. Stundum hefur maður þurft að gera snjóhús fyrir grillið eða reisa skjólvegg, en að bræla inni í skála er óþolandi.
Ég hef bara heyrt af því sögur að menn hafi grillað í andyrinu, aldrei orðið vitni að því sjálfur. En menn hafa oft brasað á pönnu inni í Setri það sem þeir hefðu annars grillað úti og því fylgir mikil bræla.
Annars eru þessi Fastur og félagar stórskrítnir, held að þeir hafi grillað eitthvað í öll mál nema kvöldmat á laugardeginum.
Það þarf ekki að vera flókið að gera skemmuna grillvæna, bara henda galvaniseraðri plötu á vegginn og borðið eða smíða lítið hjólaborð með stálplötu. Plata á vegginn bak við skrúfstykkið myndi líka minnka líkur á íkveikju þegar unnið er með slípirokk.
Bjarni G.
Skúli skrifaði:
En er það virkilega til í dæminu að menn hafi verið að bræla inni í skála af því þeir þori ekki út í goluna með grillið?
Já, ég hef rekið fólkt út úr andyrinu með logandi grill. Í forstofunni er síðan svartur blettur í grill stærð en ekki eftir þá sem ég rak út.
You must be logged in to reply to this topic.