Grein í Fréttablaðinu í dag

Það var mjög gaman að sjá þetta,
loksins tala staðreyndir í stað fordóma.

Meira af þessu.

kv. HJL

Eitthvað hefur blaðamaðurinn ónákvæmt eftir Skúla Þórðarsyni þarna í fréttinni þannig að Orion ráðgjöf hefur sent frá sér athugasemdir. Þar sem þeim er kunnugt um umræðu okkar um fréttina hér og áhuga okkar á málinu báðu þeir okkur að birta athugasemdina hér að neðan á spjallþræðinum:

Vegna umfjöllunar í Fréttablaðinu 10. júni um slysamál breyttra jeppa vill Orion Ráðgjöf koma eftirfarandi á framfæri við Rannum.

Nokkrar rangfærslur eru í þessari grein sem rétt er að benda á til þess að forðast misskilning:

1. ORION Ráðgjöf hlaut styrk frá Rannum en ekki Rannsóknarnefnd umferðarslysa til rannsókna á slysatíðni breyttra jeppa.

2. Skúla Þórðarsyni eru lögð í munn orð um að engin haldbær rök hafi komið fram um að breyttir jeppar valdi meiri hættu, fleiri eða verri slysum. Þarna gætir misskilnings í umfjöllun blaðamanns. SÞ benti honum á að aðrir aðilar hafi fært fram tæknileg rök fyrir því að meira álag sé á ýmsa hluti í breyttum jeppum, og því séu meiri líkur á því að hlutir brotni og e.t.v. leiði til slysa, hins vegar sýnir tölfræði verkefnisins að breyttir jeppar hafa ekki valdið fleiri eða alvarlegri slysum.

3. SÞ eru lögð í munn orðin: " Aðalatriðið er að um er að ræða þunga bíla sem lenda á léttum bílum og slíkt er ávísun á alvarlegri slys þótt tölfræðin bendi til annars". – Þetta er fjarstæða hjá blaðamanni. SÞ greindi honum frá því að rannsóknarniðurstöður hafa bent til þess að þyngdarmunur ökutækja í árekstri skipti mestu máli fyrir meiðsl, en ekki hvort annað ökutækið er breytt eða ekki.

ORION Ráðgjöf harmar að blaðamanni hafi orðið fótaskortur í þessari umfjöllun og vonar að það verði ekki umræðu um umferðaröryggi til tjóns. Tekið skal fram að umfjöllun um slysamál breyttra jeppa að þessu sinni er að frumkvæði Fréttablaðsins. ORION Ráðgjöf mun eftirleiðis reyna að gæta þess að í samskiptum við fjölmiðla verði umfjöllun rétt og nákvæm þegar fjalla skal um málefni sem Rannum er aðili að.

Með kveðju,
Árni Jónsson
ORION Ráðgjöf