Græðum-græðum

Uppbyggður Sprengisandur.

Ég hef tekið þá ákvörðun að byggja upp hálendisveginn sem gengur daglega undir nafninu Sprengisandsleið F 26, sumir kalla fyrsta hluta þessara leiðar Kvíslaveituveg inn að Versölum. Þann leiðarhluta munu ég ekki gera neitt við enda að mestu orðinn uppbyggður. Nema ég ætla að setja viðvörunar skilti við brúnna á Köldukvísl, sem vegagerðin hefur ekki dratthalast til þess að gera þrátt fyrir að um lífshættulegt gil sé um að ræða. Norðan við Versali mun ég nota efni í veginn sem til tiltækt er og síðan mun ég notast við tilbúinn ræsi í ársprænurnar sem eru á leiðinni. Reikna ég með að ég þurfi nokkrar gamlar vinnuvélar í ævintýrið og leita því eftir fjárstuðning félagsmanna sem verður greitt með hlutabréfum í félaginu sem ég mun stofna, sem mun að öllum líkindum heita ( Græðum á tá og fingri og höfum alla að fíflum ) Vonast ég eftir því einnig að fá Norðurveg ehf sem stofnfjáreiganda og stuðning þingmanna af Suðurlandi enda verður gróðinn óstjórnlegur þrátt fyrir það að byggja verði eitt vegatollskýli og ráða verði tvo ódýra útlendinga til innheimtustarfa. Einu má þó ekki gleyma í útgjaldaliðunum en girða þarf vandlega út frá vegatollskýlinu svo þið helvítis jeppakarlarnir komist ekki frítt framhjá á veturna. Maður ætti kannski ekki að uppljóstra öllum mínum áætlunum en ef þið þegið þá mætti segja frá þeim draumum mínum að kaupa Nýadal ( Klakahöllina ) eða fá sveitarfélag til þess að hrifsa skúrana þarna af Ferðafélagi Íslands ( enda fordæmi fyrir því ) og byggja þar upp risa þjónustumiðstöð með neonljósum og alles og síðan mætti byggja stórann varnargarð og veita helvítis Nýadalskvíslinni frá. Það mætti svo setja upp skíðalyftu í Tungnafelljökul og værum við þá búnir að lálendisvæða allt draslið.
Þeir sem vilja vera með í ævintýrinu geta sent mér meil eða hitt mig upp í Öskjuhlíð.