GPS handtæki, Magellan vs Garmin

Þetta er náttúrulega auglýsing en ég læt vaða, til upplýsingar við spurningunni…

Garmin tækin geta vistað ferla, sem er eitt það vinsælasta sem útivistarfólk vill gera. Öll útivistartækin frá Garmin eru vatnsheld að 1 metra dýpi í 30 mínútur og þola því öll veður sem hægt er að bjóða þeim hér á landi. Hægt er að fá kort í tækin af USA og Evrópu til að auka notkunarmöguleikana. Ef tækin bila þá og ekki er hægt að gera við þau með hugbúnaðaruppfærslu eða með lítilli fyrirhöfn þá er þeim skipt út fyrir nýtt, og ef tækið er komið fram yfir ábyrgðartíma þá er viðskiptavin boðið nýtt fyrir greiðslu sem hrekkur skammt miðað við nýtt tæki. Ábyrgð er 2 ár. Hægt er að forrita flestar skjámyndir í Garmin tækjunum með þeim upplýsingum sem notandi kýs og hvað þessar auka upplýsingar taka mikið pláss á skjánum. Mikið minni fyrir vegpunkta, leiðir og ferla (gerið samanburð).

GPS Kort – Íslandskortið fyrir Garmin tækin er á geisladisk og fylgir hugbúnaður með til að nota í PC tölvum og Pocket PC tölvum. Kortið er samstarfsverkefni R. Sigmundssonar og Hnit Verkfræðistofu.

Hugbúnaðurinn í PC tölvuna er tvennskonar;
MapSource til að setja kort í tækin, vinna með ferla, leiðir og vegpunkta. Hægt er að klippa í sundur og saman ferlum, klippa ferla til að taka auka beygjur úr, skrifa ferla, búa til vegpunkta og leiðir og senda það svo í tækið.

nRoute er til að aka eftir koritnu með PC tölvu. Þar er bæði hægt að aka eftir leiðum á veturnar og látið forritið leiðbeina eftir vegum og gefa raddleiðbeiningar um næstu beygjur.

Kortið er byggt á gögnum í kvarðanum 1:50.000 þar sem hæðarlínur eru á 20 metra fresti (mældar), allir vegir eru GPS mældir, mikið af slóðum er á hálendinu, 40.000 örnefni, á annað þúsund Point Of Interest (tjaldsvæði, golfvellir, bensínstöðvar, apótek, flugvellir, bílalegiur, verkstæði og etc.), skálar og skýli, götukort af Reykjavík ásamt húsnúmeraskrá og margt fleira.

Kortið er "routeable" sem þýðir að í tölvunni er hægt að láta forritið reikna styðstu eða hröðustu leið á milli tveggja staða samkvæmt fyrirfram ákveðnum gildum (forðast malarvegi, forðast þjóðvegi og etc.) og einnig gera sum tæki þetta, t.d. öll handtækin sem eru í sölu núna og svokölluð StreetPilot tæki.

Ný útgáfa sem kemur í lok maí (og er frí fyrir þá sem hafa keypt kortið eftir 1. apríl) mun innihalda götuskrá af öllum (allavega 95%) bæjarfélaga í landinu, húsnúmeraskrá af helmingi bæjarfélaga í landinu, fleiri POI, örnefni löguð (skekkja í gögnum frá LMÍ upprunalega) og margt fleira. Einnig mun koma hæðarmódel í kortið sem framkallar skyggingu í MapSource forritinu sem gefur mun meiri dýpt í kortið og gefur því þrívíddar effekt. Hæðarmódelið mun einnig gera skipulag á leiðum spennandi því þá mun vera hægt að skoða graf af hæðarbreytingum í leiðinni.

Mikið af gögnum er til fyrir Garmin tæki á vefnum (t.d. [url=http://gps.snjallt.net/:8fiel5qp][b:8fiel5qp]GPS Skráin[/b:8fiel5qp][/url:8fiel5qp] ).

Vonandi hjálpar þetta eitthvað.

Nánari upplýsingar gefa sölumenn R. Sigmundssonar í síma 520-0000 eða r.sigmundsson@rs.is.

Kveðja,

Rikki

Takk fyrir þetta Rikki

Góðar upplýsingar, núna vantar bara eitthvað sambærilegt um Magellan.
Það sem vekur undrun mína er að það er búið að lesa þráðinn 374 sinnum en einungis eitt svar sem segir mér eitthvað um aðra gerðina og einn sem búin að eiga nokkur Garmin og er sáttur.
Er engin í klúbbnum sem hefur prófað eða á Magellan tæki sem getur sagt eitthvað um það?

Meðlimir þessa klúbbs eru nú ekki beint þekktir fyrir að liggja á skoðunum sínum en núna gerist ekkert, hvað er um að ske eiginlega???

Kv.
Dóri Sveins

Takk fyrir það Hafsteinn

Kíki á það og sjá hvort ég sannfærist um aðra hvora tegundina.
Reikna með að þetta ferladæmi og það sé þá kannski á svipuðu róli en munurinn liggi í kortunum.

Kv.
Dóri Sveins

Hef reynslu af Magellan – handtæki, sem ég átti um tíma. Þetta er að mínu mati bölvað drasl, sem stenst engan samanburð við Garmin. Félagar mínir sem eiga Garmin – tæki ljúka upp einum munni um ágæti þeirra, sem ég hef reyndar átt þess kost að kynnast persónulega og tek undir með þeim. Gildir í raun sama um stærri tæki, sem ætluð eru í bíla, báta og sleða.

Ég var að fá mér Magellan explorist 600 og er mjög ánægður með það. Það er hægt að vista fela, mjög létt og þægilegt að skrá punta. Það er hraðvirt. Ég nota það mest í bilnum og það vinnur vel þar. Góður skjár og kortið er mjög gott. Ég mæli eindreigð með þessu tæki þar sem það virkar bæði vel sem handtæki á göngu og sem bíltæki.
kv
Þórður Ingi

Nú er ég búinn að eiga Garmin CSx 60 tæki um skeið og notað það allnokkuð. Að mínu mati er þetta tæki hreint raritet og kennsludiskurinn sem maður fær aukreitis hjá seljendum er alveg fyrirtak, enda er það Ríkharður sjálfur sem talar inn á hann og leiðbeinir og þegar kálfar eins og ég geta lært eftir því, eiga allir að geta það. Ekki skemmir fyrir að geta notað þetta sem "street pilot" og ef maður þarf að finna eitthvert hús í nýju hverfunum í Kópavogi, ja, þú vildi ég ekki vera án tækisins!

Við fengum eitt sinn gefins Magellan tæki í björgunarsveitina sem ég er í og var það flottasta tækið frá magellan á þeim tíma, um 6 ár síðan, var með íslandskorti og alles, skemmst frá því að segja að tækið var notað í einn túr og því svo lagt, við höfðum reynslu af Garmin og notum þau tæki eingöngu núna og sjálfur er ég á mínu þriðja garmin tæki, ekki það að hin tvö hafi bilað, hreint ekki, fyrsta Garmin tækið fékk ég fyrir 11 árum síðan og var það garmin gps 128 og er enn í gangi, hitt var gpsmap 162 og virkar fínt líka en fór í að fá mér litaskjá og fór í 176c og er ánægður. nokkrir þúsundkallar skipta litlu máli þegar þú þarft að treysta á áreiðanleika tækisins, það gátum við ekki með magellan, uppfærslan hrikalega hæg og tækið leiddi okkur í ógöngur, þurftum á endanum að fylgja öðrum bílaflota sem var með tæki í lagi… Garmin