This topic contains 14 replies, has 1 voice, and was last updated by 
-
Topic
-
Ég ef verið að velta fyrir mér hvernig megi koma ódýru GPS kerfi í bílinn og held að hér sé komin nothæf uppskrift. Hún er enn óprófuð og þess vegna vil ég gjarna fá athugasemdir og ábendingar um það sem mér kann að hafa yfirsést um.
Eitt af stóru vandamálunum er að staðsetja fartölvuna í bílnum. Pajeróinn minn er háþekja og þá er álitleg lausn að setja tölvuna upp í toppinn, líkt og í flugvélum. Þetta krefst einhvers hugbúnaðar til að snúa skjámyndinni 180 gráður. Sumar fartölvur hafa þetta innbyggt, en ekki mín. Ég er búinn að finna hugbúnað sem virðist duga. Uppskriftin að GPS fyrir fátæka manninn er þá þessi:1. GPS viðtæki: Garmin Geko 201. Kostar ca 14.000 kall í Leifsstöð. Er með tengi fyrir samskipti við tölvu og straumgjafa. Lítil og nett og hentar líka í gönguferðir.
2. Tölva: Gömul 120 MHZ fartölva. Win98/32MB/2GB diskur. Afskrifuð vegna þess að rafgeymar eru útbrunnir og nýir kosta allt of mikið.
3. Tengi milli tölvu og GPS: Hjá umboði ca 5.500 kall, en efni í heimasmíði kostar enn minna. Endanleg útfærsla ekki fullprófuð, en efniskostnaður gæti verið undir 1500 kr ef lóðbolti og kunnátta á hann er til taks. Straumbreytirás til að knýja GPS tækið er í báðum tilfellum innifalin.
4. Straumgjafi til að knýja PC tölvu: Vegna þess að ónýti rafgeymirinn í tölvunni minni er með ástimplað spennugildi 12 Volt datt mér í hug að prófa að tengja 12 Volta rafgeymaspennu úr bílnum beint í stað 19 Volta straumbreytisins. Fyrsta prófun lofar góðu, en ég á eftir að prófa það betur. Verð: 0 kr. í stað 220 Volta áriðils sem kostar glás af þúsundköllum.
5. Festibúnaður fyrir tölvu: Ekki enn búinn að hanna roof-top-console og tölvufestingar, sem varla verða þó dýrari en gólfstatíf eða annar festibúnaður. Þar verður líka rými fyrir fjarskiptabúnað og annað sem ekki má blotna ef …
6. Ef tölvan á að hanga niður úr þakinu þarf hugbúnað til að snúa myndinni á skjánum í 180°. Hann er innbyggður í sumar nýrri tölvur. Ég er búinn að finna hugbúnað sem virðist henta í mína. Hann heitir Pivot Pro og kostar US$ 40 á netinu (http://www.portrait.com).
7. Festibúnaður fyrir GPS: Eftir er að athuga hvort nóg sé að líma GPS tækið innan á framrúðuna. Geko 201 er ekki með loftnetstengi en ef það virkar ekki þannig í bílnum gæti þurft að fara í dýrari græjur.
8. Hugbúnaður fyrir kortaforrit: OZI-explorer kostar US$ 75. Önnur forrit kunna að koma til greina. Athugasemdir og ábendingar óskast.
9. Íslandskort.. Ábendingar óskast varðandi kröfur, valkosti og verð.Kostnaður er þá fyrir utan vinnu:
GPS tæki: (liður 1) 14.000
Tengidót (liður 3) 1.500 til 5.500
Hugbúnaður (US$ 115) 9.200
Kort: ?Alls fyrir utan kort og festibúnað: 25 til 30 þús kall.
Veit einhver um betri lausnir fyrir þá sem enn eru að burra á dollum sem kosta minna en milljón kall ?
Kveðjur
Wolf
-
Replies
-
Já,
göngutæki með standi, 25 þús og heimasmíðað tölvuborð með lappa sem er þegar til staðar (Til á mörgum góðum heimilum). Heildarkostnaður ekki meira en 30 þús og allt að virka eins og draumur (eða því sem næst)!
kv
AgnarBen
Eitt varðandi rafmagnið, það er hægt að fá spennubreytir sem að er 12>19V Fæst í Íhlutum Skipholti og kostaði fyrir ári síðan 5000kall og virkar enn.
Svona gerði ég þetta:
Smíðaði stand í patrolinn minn úr lagnaefni, tölvuborð er úr plexigleri, hægt er að fjarlægja það úr bílnum á auðveldan hátt, tekur ca 1mín! Kostnaður var 1000 kr. fyrir efni. Hann er festur í gírkassahúsið, beint oní gólfið og síðan stífaður af með lagnaupphengjum og tein í mælaborðið.
Keypti mér Garmin etrex göngutæki með stand (margborgar sig að mínu mati að hafa stand) ásamt tengisnúrum (25-30 þús).
Straumgjafi fyrir PC er Inverter 12VDC>230VAC (er það það sem þið kallið áriðil??) sem einnig er hægt að nota til að hlaða myndavélina o.fl. Dýr græja, 8 þús minnir mig, en borgar sig finnst mér. Á eftir að beintengja við rafgeymi, hef í sígarettukveikjaranum eins og er en það er óþolandi fyrirkomulag.
Ég nota OziExplorer og er það ágætt forrit!
Samtals hefur þetta kostað mig ca 40 þús!
kveðja
Agnar
Nú er heima! Alveg var þetta sem er hér á undan eins og himnasending fyrir okkur hina, sem eigum lítið (eiginlega ekkert!) af peningum (erum hvorki fasteignasalar, verktakar o.s.frv. heldur bara launaþrælar). Ég er nefnilega með gamla fartölvu, sem fellur undir þessa kategoríu sem wolf getur um. Hinsvegar sé ég fram á að þurfa að kaupa mér annað GPS-tæki til að fæða græuna, er með Magellan Pioneer, sem er líklega með alltof fátækleg innyfli fyrir svonalagað.
kv.
Ég hlít að vera rosalega heppinn að hafa geta komið mér upp gps og tölvu í jeppann hjá mér án þess að vera fasteignasali eða verktaki. Ekki kom nú neitt frá himnum til mín, en gpsið var keypt í fríhöfninni en tölvan var til staðar. Að hafa fartölvu á hvolfi í toppnum á jeppanum er eitthvað sem mér líst ekki á ef nota á hana á annað borð. Svo má auðvita velta því fyrir sér hvort jeppamenska sé ekki alltof dýrt sport og maður ætti að snúa sér að gönguferðum eða módelsmíði.
Hlynur
Bíðum nú við – sárnaði einhverjum? Eða er jeppasportið bara fyrir þá efnuðu? Má sem sagt ekki vera á ódýrum bíl ef maður á að teljast ALVÖRU 4×4? Ef svo er, þá kveð ég þennan vettvang.
Anonymous- Umræður: 0
- Svör: 16404
Jeppamennskan er náttúrulega skelfilega dýrt sport og ekki nema snarvitlausir menn og/eða fasteignasalar og verktakar sem láta sér detta í hug að kaupa leikföng fyrir svona upphæðir. GPS tæki er bara smámunir í þessu samhengi og nothæf tölva ekki nema eins og 2 dekk eða svo.
Það er samt alltaf þess virði að leita ódýrra leiða til að ná sama árangri. Ef GPS tækið er tengt við tölvu með kortagrunni þarf það í sjálfu sér ekki að vera svo merkilegt, en svo er líka hægt að sleppa tölvunni og vera með gott GPS með góðum skjá og kortum. Þar sem ég hef tölvuna hvort eð er (ekki keypt sem leikfang í bílinn) nota ég þá leið að tengja gamalt og traust göngutæki (Garmin II+) við tölvuna. Tækið gerir ekkert nema senda tölvunni upplýsingar og öll navigation fer fram í tölvunni. Eg held samt að maður þurfi alltaf að vera viðbúinn því að tölvan klikki og þú þurfir að keyra eftir tækinu einu og sér. En það er yfirleitt bara spurning um að kunna að stinga útúr korti og tækið þarf ekki að vera neitt fansý til þess.
Einhvern tíman voru menn í vangaveltum hér á spjallinu um að fastsetja einfaldar tölvur í bílinn og tengja svo við nettan skjá. Hvort þetta er ódýr leið veit ég ekki en gæti verið þæginleg upp á pláss að gera.
kv – Skúli H.
Ef maður á að geta stungið punkta frá korti, þá þarf maður víst að vera með kort. Held að almennt tíðkist það ekki meðal íslenskra jeppakalla að vera að flækjast með svoleiðs óþarfa með sér:)
Það eru reyndar til vitleysingar eins og ég sem treysta ekki tölvunum….Kveðja
Rúnar
Sammála Rúnsa.
Ekki sleppa kortunum, jafnveð þótt tölva sé komin í bílinn. Hef sjálfur lent í því að móðurborðið í vélinni fór (föðurborðið slapp víst alveg) og þá var gott að eiga pappírinn klárann.
Annars er þessi umræða um fasteignasala og verktaka alveg óskiljanleg… Vinur minn ólsarinn er eitthvað á villigötum í þessu efni
Ferðakveðja,
BÞV
Anonymous- Umræður: 0
- Svör: 16404
Attu við Björn að fasteignasalar og verktakar þurfi líka að vera snarvitlausir til að fara út í þetta sport? Því hafði ég ekki áttað mig á!
En allavega er ég alveg sammála því að þeir sem ætla að treysta á kortin í tölvunni og taka pappírinn ekki með eru sannarlega snarvitlausir, nema kannski þeir séu tölvunarfræðingar. Það er alltof margt sem getur klikkað, tala nú ekki um þegar menn eru með kópí af kópí af kópíu af leiðsöguforritinu. Það að ferðast um hálendar óbyggðir norður við heimskautsbaug hlýtur að krefjast þess að vera með allar varúðarráðstafanir í lagi sem hægt er að láta sér detta í hug. Kortin eru hreinlega í flokki grundvallaratriða, rétt eins og auka smurolía og varamatur.
Kv – Skúli
ég trúi því nú varla að menn fari á fjöll án þess að vera a.m.k. með nett vegakort (1:300.000) eða þaðan af betra. Það er alltaf gott að blaða í þeim ef maður er að "navigeita" með tölvunni og hægt er að redda sér með þeim ef tölvann bilar.
kv
AB
Alltaf er nú SkúliH vinur minn laaaang flottastur og ég alltaf meira og meira sammála honum. En fyrir okkur gamlingjana, sem byrjuðum að ferðast fyrir daga Loran C og notuðumst bara við kort, kompás og þokkalega reglustiku þegar best lét, er það að fara af stað án þessara hluta nánast fífldirfska. Tækin eru óskaplegá góð þegar þau eru í lagi, en hafandi það að aðalstarfi að vinna á og við tölvur tel ég mig vita að þessar andsk….. græjur bila alltaf þegar verst gegnir. GPS tækin eru skömminni til skárri, en það að vera á ferðinni án kompáss og korts fyllir mig vægast sagt óöryggi.
Anonymous- Umræður: 0
- Svör: 16404
hvað þarf maður öfluga fartölvu fyrir svona system?
Sæll Skúli.
Nei, það er alls ekki nauðsynlegt að vera snarvitlaus, en það hjálpar vissulega, sama hvaða stétt menn tilheyra…
Ferðakveðja,
BÞV
You must be logged in to reply to this topic.