This topic contains 14 replies, has 1 voice, and was last updated by 
-
Topic
-
tekið af mbl.is
Eldgos er hafið í Eyjafjallajökli. Að sögn lögreglunnar á Selfossi er byrjað að rýma bæi efst í Fljótshlíðinni. Veðurstofan segist hafa fengið fréttir af gosbjarma í jöklinum en enginn gosórói kemur fram á mælum og fréttirnar hafa því ekki verið staðfestar enn.
-
Replies
-
Ég stillti nú reyndar beint yfir á rás 1 sem á að vera almannavarnarútvarpsrás það eru jú rökin fyrir að verið er að skylda okkur til að borga útvarpsgjaldið. Þar voru engar fréttir að fá aðeins eitthvað sinfóníubreim.
Heyrði hins vegar á bylgjunni að verið væri að rýma bæi og það væri straumur fólks úr fljótshlíðinni. Menn sjá eldglæringar upp á jökli en nánari staðsetningu og umfang vantar.Bylgjan er málið.
Bíður maður nú frétta frá okkar manni í þessum málum honum Einari "EIK" Kjartanssyni en hann er á skjálftavaktinni á veðurstofunni eða einhverrar slíkrar stofnunnar.
Ástæðan fyrir að verið er að rýma bæi bæði í Fljótshlíð og víðar er óttinn við vatnsflóð. Vandamálið er að þeir vita ekki hvar það muni koma niður. Hvort það verði Eyjafjalla megin eða niður markafljótið og krossánna.
Virðist vera fyrir vestan gönguleiðina yfir fimmvörðuháls eða þar nærri þó ekki í aðalgígnum. Sigríður í Múlakoti sagði að þetta virtist ekki vera mikið en þau tóku eftir því fyrst og þá kl. 23:58.
Vegum lokað vegna gossins
Lögreglan hefur lokað Suðurlandsvegi á þremur stöðum vegna eldgossins í Eyjafjallajökli; Við Hvolsvöll, við Markarfljót og Vík. Þá hefur Fljótshlíðarvegi verið lokað við Sunnuhvol.
Eftir myndum frá Búrfelli og óróa á jarðskjálftamælum að dæma, hófst elgos norðvestanverðum Fimmvörðuhálsi klukkan 23:30. Hraun frá gosi á þeim slóðum rennur væntanlega í áttina að Hvanná, ef gosið stendur lengi gæti hraun hugsanlega náð að stífla farveg Krossár.
Eru einhverjir að fara í ljósmyndaferð austur ?
Það kom fra í fréttum að það væri lokað austan við Selfoss og Hellu. Svona vegatálmar, naglamottur og skilti sem á stendur. "jeppalið á að halda sig heima"
Á vef rúv stendur eftirfarandi:
[quote:178qs3z0]
Lögreglan hefur lokað Suðurlandsvegi á þremur stöðum vegna eldgossins í Eyjafjallajökli; Við Hvolsvöll, við Markarfljót og Vík. Þá hefur Fljótshlíðarvegi verið lokað við Sunnuhvol.Lögreglan biður íbúa höfuðborgarsvæðisins og nágrennis að gera sér ekki ferð austur yfir fjall. Þetta er gert til þess að íbúar á hættusvæðum geti rýmt heimili sín og komist í öruggt skjól. Þjóðveginum verður lokað í austurátt við Selfoss. Víðir Reynisson, deildarstjóri Almannavarna, segir að um leið og fer að birta verði fólki bent á hvar hægt verður að sjá gosið.
[/quote:178qs3z0]Svo þetta er nú örugglega tímabundin lokun. Svo er nú ekkert sérstakt skyggni á þessum slóðum núna, en veðurspáin gerir ráð fyrir að birti eitthvað til þegar líður á vikuna. Kannski endist gosið lengur en í 4-5 klst.
Annars er þessi frétt sem ég vísa til á [url=http://www.ruv.is/frett/eldgos-fimmvorduhalsi:178qs3z0]fréttavef ruv, hér.[/url:178qs3z0]
Kv. Óli
Hefur einver uppl. um GPS staðsetningu sprungunar?
Þessa staðsetningu sá ég hjá "vini" á Facebook. Þetta er óstaðfest og ekki opinber staðsetning, en þó kannski hægt að nota til viðmiðunar:
N63 38.000 W19 26.000Kv. Óli
Flott að nota Google Earth staðsetninguna N63 38.000 W19 26.000
kv. Kalli
Það er eins og það sé ekkert að gerast með þetta gos. Skyldi hraunið vera byrjað að renna niður í Hvanná eða eitthvað álíka skemmtilegt ?
Hlynur, heldurðu að þetta sé kannski bara allt í plati gos ? Amk var nógu mikið unnið í að halda fólki frá svæðinu svo enginn myndi örugglega sjá ekki neitt … eða þannig.
kv. Óli
You must be logged in to reply to this topic.