Gos á Fimmvörðuhálsi

Sést held ég ágætlega frá Fljótsdal í Fljótshlíð.
Vil eindregið hvetja menn til að virða þær lokanir sem eru í gangi.

Fljótshlíðarvegur er opinn inn að Fljótsdal, en aftur á móti er búið að loka inn á Emstruleið fyrir innan Fljótsdal.

Veit ekki hvaða bakdyr þú ert að tala um en ég held það sé einhver misskilningur að nær sé endilega betra því mjög bratt er upp að gosstöðvunum og þess vegna helg ég að lítið sjáist undir hlíðum Eyjafjalla.

Þegar talað er um bakdyrameginn, er þá átt við hjá Álftavatni og niður að Einhyrning?
kv
Þröstur

Skv. fréttum er Emstruleiðin lokuð, við Fljótsdal. Við veginn upp í Tindfjöll. Veit einhver hvort þetta sé alveg lokað, öllum bíltegundum?
//BP

Góðan daginn
Ég var innst inni í fljótshlíð áðan og þar lokar lögreglan veginum inn á emstruleið fyrir öllum bílum.

Míla setti upp vefmyndavél þar sem hægt er að fylgjast með veðrinu áður en menn fara af stað.
Til lítils að brenna inneftir er það er ekkert skyggni.

http://www.mila.is/um-milu/vefmyndavela … volsvelli/

Hvar var þessum jeppum snúið við ?

Þetta dramatíkur paranoju rugl í kringum þetta er orðið alveg stórkostlegt..

Er það þá þannig að ef maður ætlar að renna inn á fjallabakssvæðið til að sjá þetta þá verður maður að viðhafa talstöðvaþögn og keyra með ljósin slökkt.

En nú var í fréttum að tveir gönguhópar hefðu snúið frá fimvörðuhálsi vegna veðurs – Var lögguni sem sagt alveg sama þó að menn ætluðu að labba upp á háls, en nokkrir jeppar meiga ekki keyra í sjónfæri.

Þetta gefur manni algerlega nýja sýn á það hversu mikil elíta gönguliðið er álitið og kemur ekki á óvart að núverandi stjórnvöld ætli að festa í reglur að um hálft hálendið megi bara ganga….

Ég held að ástæðan fyrir þessum lokunum sé ekki af mannvonskunni einni saman heldur það að svæðið er ennþá að þenjast út og menn eru hræddir um að það opnist sprunga á nýjum stað. Ef sprunga opnast undir þykkum ís kemur mikið flóð og þá hafa þeir sem á svæðinu næst jöklinum 15-30 mínútur til að forða sér. Þá er ekki gott að það séu margir að ferðast um svæðið "á eigin ábyrgð" eins og þeir kalla það, því þeir hinir sömu eru fljótir að hringja og byðja um björgun og eru ekki mjög þolinmóðir.
Bendi svo fólki á nýjar vefmyndavélar sem Míla var að setja upp í Hvolsvelli og á Þórólfsfelli, þá geta menn kynnt sér skyggnið áður en lagt er af stað austur. Það var lítið að sjá seinnipartinn í gær og ég held það sé svoleiðis enn.
http://www.mila.is/um-milu/vefmyndavelar/

Menn þurfa nú ekkert að vera mannvondir til að ofskipuleggja og vera með forræðishyggju eins og nú er í gangi. Menn halda að það sé best fyrir alla að stóribróðir ráði og allir hinir hlýði bara og telja því örugglega að þeir séu að gera rétt. Ég er ósammála því að þetta sé rétt, mannvonska eða ekki. Hér er verið að kalla úlfur, úlfur yfir litlu að mínu mati og misnota þetta vald sem mönnum er falið til að tryggja öryggi fólks.

Sjáið bara fréttaflutning t.d. á ruv, þar sem "Forvitnir ferðamenn" eru gerðir að einhverjum sem eru nánast að þvælast fyrir, þó þeir séu langt frá eldgosinu sjálfu. En "vísindamenn" og fréttamennirnir sjálfir sem ganga upp að gossprungunni eru gerðir að einhverskonar hetjum. Hvar er Íslendingurinn í fólki? Íslendingurinn sem þykir vænt um landið sitt og vill skoða og fylgjast með því sem þar er að gerast? Íslendingurinn sem vill fá að upplifa það sjálfur hvernig það er að vera í einstöku landi elds og íss? Íslendingurinn sem hefur búið við frelsi á þessu landi frá landnámi? Nei Íslendingurinn er "Forvitinn ferðamaður" sem skal vísa frá og hunskast heim. Eða vill Íslendingurinn kannski bara sitja í sófanum og glápa á landið sitt í sjónvarpinu ?

Ef einhver alvöru hætta er á ferðum þá vantar klárlega upplýsingar um slíkt til almennings. Ef alvöru hætta er á ferðum þá þarf að útskýra það og láta fólk vita og afmarka það svæði sem er raunverulegt hættusvæði en hafa annað opið. Ef þessi hætta er ekki á ferðum, þá á bara að opna og leyfa okkur að upplifa landið okkar, hvort sem er gangandi eða akandi.

kv. Óli