This topic contains 3 replies, has 1 voice, and was last updated by 
-
Topic
-
Ég er með Wrangler 91 og er að setja hann á gorma. Þyrfti að fá upplýsingar um mismunin á 3 link og 4 link fjöðrunar kerfum. Einnig hef ég séð 4 link þar sem stífur eru annars vegar samsíða og hins vegar mynda gleit horn að hásingu, hver er munurinn?
-
Replies
-
Anonymous- Umræður: 0
- Svör: 16404
Kíktu undir gamlan bronco að framan, eða range rover, land rover discovery/defender, eða jafnvel toyota landcruiser á gormum, þar sérðu 3-link gormafjöðrun. Það samanstendur af tveim stífum langsum og einni hliðarstífu.
Stífurnar sem liggja langsum eru þá hannaðar þannig að þær hindra einnig að hásingin snúist eða "velti". Gallinn við svoleiðis uppsetningu er að spindilhallinn framávið breytist gegnum fjöðrunarsviðið. Einnig verður að vera tvöfaldur liður á drifskaftinu til að hindra titring. Hliðarstífa á þessum uppsetningum hindrar svo að hásingin leiti til hliðanna.Ef þú svo lítur undir jeep cherokee á gormum sérðu 4 link þar sem stífurnar ofaná hásingunni mynda gleitt horn. Þannig hindra þær að hásingin leiti til hliðar og einnig þar sem þetta er 4-link, þá er hægt að hafa uppsetninguna þannig að spindilhallinn breytist lítið eða ekkert gegnum fjöðrunarsviðið. Ég man ekki hvort það er einhver hliðarstífa á cherokee, en það er tæknilega mögulegt að sleppa henni með svona uppsetningu.
Ef hinsvegar er smíðað 4-link með samsíða stífum þá verður að vera hliðarstífa. Íslenskar gormauppsetningar að aftan eru oft með 4 stífur og hliðarstífu og settar upp þannig að halli breytist lítið sem ekkert á pinjóninum til að minnka titring.
Vantar eitthvað?
Segðu þá frá og ég skal reyna að útskýra.
Það sem ég á við með 3 link er það að það eru 2 stífur undir hásingunni og ein ofan á fyrir miðju og svo er hliðar stífa þar að auki. Og með það að stífurnar myndi gleitt horn þá á ég við þegar horft er á hlið.
kveðja Magnús
Ég held að eini munurinn á "3-link" og "4-link" eins og þú skilgreinir það, sé hvernig bremsuátök annarsvegar og drifátök hinsvegar dreifast um hásingarhúsið. Hvort það skiptir einhverju máli veit ég ekki.
Hvað hornið varðar, þá hefur það áhrif á virkni fjöðrunarinnar. Ef armarnir eru samsíða, þá hafa drifkraftar (þ.m.t. bremsukraftar) engin áhrif á fjöðruninina, en að öðrum kosti hafa drifkraftarnir áhrif. Þessi áhrif eru meðal annars notuð til að hindra að bíllinn lyfti afturendanum við bremsun og að hindra að hann taki dýfu þegar bíllinn tekur af stað. Sé hornið næganlega mikið er t.d. hægt að láta afturenda bílsins lyftast þegar tekið er af stað, til jafns við framendann!
Ekki ólíklegt að þetta hafi þá einnig eitthvað að segja með grip dekkjanna undir átaki.Hvort þetta skiptir einhverju máli í hinu raunverulega lífi veit ég ekki.
Orginal er almennt töluvert horn á milli armanna.
Vona að þessi skrif upplýsi þig eitthvað, þó svo að meiri líkur séu á að þau hafi bara ruglað þig meira í rýminu.
Einn ógyrmtur.
R2018
You must be logged in to reply to this topic.