This topic contains 1 reply, has 1 voice, and was last updated by 
-
Topic
-
Sælir.
Á erfiðri göngu eða þegar maður er að klífa brekkur kemur fyrir að maður svitnar mikið. Alllur innri fatnaður blotnar eða verður rakur en þegar maður nær jafnvægi þá þornar maður með tímanum. Ef það er kallt í veðri nær ytri goretex fatnaðurinn ekki að anda nægjanlega út og verður allur blautur að innan. Það eru condensáhrif og getur gert það að verkum að maður kólnar hratt þegar hægir á ferðinni sé kalt á annað borð.
Talað er um að pólfarar verði að fara í dúnfatnað við frost og til þess að mæta þessu álagi og losna við svita og útgufun.
Ég er búinn að vera mjög lengi með goretex fatnað í ytra byrði en er ekkert sérlega ánægður með þann fatnað því eins og áður er komið fram heldur raka of lengi inni.
Þá er spurt. Hvaða fatnaður annnar getur komið í staðinn sem ytri fatnaður og er vind og eins vatnsheldur eins og framast er unnt? Er einhver sem er búinn að finna hina einu réttu lausn? Hver er ykkar reynsla?
Kveðja
Oddur Örvar Húsavík
-
Replies
-
Ef það er þurrt í veðri sleppi ég Goritex skelinni (eða Sympatex sem mér sýnist að gefi orginalinum ekkert eftir) og er þá bara í góðum wind-stop fatnaði, polartec held ég það heiti hjá 66N sem dæmi. Slíkt efni andar mun betur en vatnsheld skel en er fljótt að þorna og hrindir aðeins frá sér. Ágætlega hlýtt líka og dugar í kulda allavega upp að vissu marki. Í mjög miklum kulda og vindi getur náttúrulega þurft dúnúlpuna yfir eða Goritex úlpu, en þá er hægt að renna frá eða henda þessu í bakpokann ef manni fer að hitna. Það er hins vegar málið að ef þér er þokkalega hlýtt þegar þú gengur af stað kemurðu til með að svitna, betra að vera aðeins á mörkunum að vera kalt í upphafi, manni hitnar fljótt á göngu og hafa svo viðbótarfatnað í bakpokanum. Í alvöru úrkomu er svo auðvitað Goritex eða Sympatex eiginlega eina vitið.
Kv – Skúli
You must be logged in to reply to this topic.