This topic contains 6 replies, has 1 voice, and was last updated by 
-
Topic
-
Ég var að pæla í að skipta minni 350 og th350 út fyrir 6,2/TH700. Það er synd að neyðast til að fara í díselinn en eyðslan er bara orðin of mikil.
Breyting á lögum um díselskatt hefur þarna líka áhrif.
Ég var að velta fyrir mér hvort þessi framkvæmd væri nokkuð svo erfið (þeir komu jú m.a. með 6,2). Ég veit að það verður að færa millikassa þar sem að 700 skiptingin er lengri en TH350 (og þar af leiðandi að breyta sköftum), en eru einhver sérstök vandamál sem ég gæti lent í vegna dísel rellunnar (fyrir utan að sakna hrossanna minna)?
Hugmyndin er að kaupa bíl til að rífa dótið úr þegar það fer að líða á veturinn.
Jón H.
-
Replies
-
Anonymous- Umræður: 0
- Svör: 16404
Talaðu við Japanska Jeppa í Keflavík og þá við Láka, hann er að dúndra einni 6,5 í patrol núna.
Sæll Jón,
talaðu við þá fyrir austan hjá IB bílum þeir eru að flytja inn vélar frá Canada á mjög góðu verði. Mín 6,5 kostaði í des ’99 420 þús með vaski og svo seinna skipting á 120 þús. Það er möguleiki að eftir að Duramaxinn kom að þá hafi hinar lækkað eitthvað.
Kveðja Hjörtur og JAKINN.
Hvað er svona rella að eyða í bíl eins og mínum?
Eins og er þá fer hann með 25 ef ég tek því rólega (lág hlutföll og enginn yfirgír), ætti dísellinn ekki að lagfæra gatið á buddunni? Ætti ég kannski bara að skella í hann 700 skiptingu og gleyma þessu með díselinn?
Jón H.
Ég held að þú verðir ekki ánægður með 6,2 því að hún er nú ansi slöpp. Ef þú ætlar í 6,5 máttu gera ráð fyrir að breytingin kosti mjög nálægt 1 millu. Það er heilmikið bras í kringum rafmagn á henni en 6,2 ætti að vera frekar auðveld í niðursetningu. Stóri munurinn er að 6,5 er komin með túrbínu og tölvustýrt olíuverk sem hefur bæði kosti og galla.
Ég held að þú megir gera ráð fyrir eyðslu í kringum 18 – 20 lítra á hundraðið, fer þó mikið eftir dekkjastærð.
Ef eyðslan yrði 18-20 með 6.2/TH700 (með yfirgír) vs. 25 með TH350 (án yfirgírs) þá held ég að það sé betra að halda sig við 350.
Það tæki áratugi að ná fjárfestingunni til baka
Með því að setja 700 skiptingu í þá dettur snúningur allavegana niður um ~30% svo eyðslan ætti að minnka eitthvað.
Jón H.
Í sambandi við aflið þá átti hann faðir minn chevy scottsdale með 6.2 og móðurbróðir minn scottsdale með 350 og dísillinn sigldi framúr 350 þegar þeir spyrntu. Kallinn var eitthvað búinn að opna pústið og skrúfa upp í verkinu og kagginn svínvirkaði. Seinna átti hann suburban með 6.2 og hann var aldrei í neinum vandræðum með aflið í þeim bíl heldur.
You must be logged in to reply to this topic.