This topic contains 16 replies, has 1 voice, and was last updated by 
-
Topic
-
Sæl öll.
Ég kom inn í glóðarkertaskipti á Patrol 2,8 þar sem búið er að snúa í sundur glóðarkerti alveg niður við hedd. Öfuguggar hafa ekki dugað og nú er lítið eftir annað en að bora. Ef ég bora með bor með því máli sem mælist milli gengja á kertinu hlýt ég að geta snittað fyrir nýju, að því gefnu að snittgræjan hitti í gömlu gengjurnar. Sem auðvitað gerist aldrei. Eru þau til með grófari gengjum til dæmis? Og hvernig kem ég í veg fyrir svarf inn á cylinder, heimilisryksugan í spíssgatið? Gefið mér nú öll ykkar bestu ráð, þetta er skíta klemma.
Hjölli.
-
Replies
-
sko þetta er nokkuð algengt að gerist í td. trooper og þá er ekkert annað í stöðunni en taka heddið af sem er bara bögg þannig ég hugsa að það sé eins með pattann en það væri líka gaman að vita ef einhver er með önnur ráð við þessu kv. Kristján
Ég prófa að ryksuga innum spíssgatið, bora og snitta áður en heddið fer af, það er á hreinu, en menn hljóta að kunna ráð fjandakornið…
Hjölli.
Mér þykir þú kaldur. Ef allt gengur vel með snittunina og þú nærð að opna gömlu gengjurnar þá fer neðsta svarfið ekkert nema beint niður í cylinderinn og engin leið fyrir ryksuguna að ná því útum spíssagatið, fyrir utan það að þú nærð aldrei nógu góðum gegnumtrekk inn um glóðakertisgat og útum spíssagat til að taka alla litlu spænina, tala nú ekki um þá stóru. Nú jæja, þú nærð að snitta og gera gatið fyrir glóðakertið alveg eins og það á að vera (allavega gefum okkur þær forsendur) og voða ánægður með nýju glóðakertin og setur í gang og hvað gerist þá? Járnspænirnir sem ekki er séns að ná út nema taka heddið af rífa slífarnar, lenda glóðaðar á milli ventla og hedds á leiðinni út og þær sem komast út fara í túrbínuna og eyðileggja hana.
Hugsaðu aðeins lengra, taktu bara heddið af
Ég veit, ég veit, búinn að margfara yfir þetta í huganum í allan dag. Þetta er djöfuls rassgat.
Ég lenti í þessu einu sinni, þá kom góður maður með bolta sem var tekinn og yddaður aðeins, lagður niður að brotinu og soðið saman og bingó, kertið skrúfað úr.
sjóða á kertið og látakólna .
ef þú þarft að bora er gott að nota segulstál til að ná svarvinu upp
hef prófað bæði með góðum árangri en ekki bora alla leið því þá detur endin niður og það er ekki gott þegar þú ert búin að bora innan úr kertinu verðuru að nota öfuguga ,sjóða eða ná í brúnina á kertinu með væsgrip og snúa gott getur verið að begja kertið með skrúfjárni til að koma taugini á gángi þér svo bara velkveðja Ægir 8616260
er það ekki, og það þýðir væntanlega að segulstál dugar skammt, en ég gerði einmitt það sem komið er fram á pajero sem ég átti, sauð bolta við kertið sem hitnaði vel við suðuna, snögg kældi með vatni og skrúfaði kertið úr. Svo fékk ég einusinni öfugugga í Wurth sem var pinni með rílum utan á og bor með. Borað gat, pinninn rekinn í og skrúfað til baka. Það var mun sterkara en venjulegur öfuguggi og virkaði fínt. Held jafnvel að þú getir fengið stýringu sem tryggir að þú hittir í miðjuna á kertinu þegar þú borar. Vona að allt gangi vel
Kv Beggi
Efri hluti kertisins með leggnum (sem hitnar) er komið úr, það sem eftir er í heddinu er kápan utan um legginn, snúin í sundur slétt við heddið. Ég horfi inn í cylinder þar inn. Afar lítið í að sjóða.. Ég ætla að skoða þetta með wurtharann, kærar þakkir fyrir allar tillögur.
H
er möguleiki að taka ró bora hana í rétt mál miða við kertið taka eina hliðina úr henni þá er gott að sjóða inn í
hana
þessi aðferð hefur reynst mér vel í boltabrotum
Flott hugmynd Guðmundur, ég prufa þetta strax í fyrramálið.
H
hann átti ekki að bora í hedið hann áti að bora í glóðakertið og úr kvaða málmi er það?
kveðja Ægir
það var búið að tala um svarfið sem kæmi við að snitta gengjurnar upp á nýtt og það er álsvarf, þú varst ekki að meina það. Gleðilega hátíð :>
Kv Beggi
Ég lenti í þessu á Benz álheddi og aðferðin sem var notuð var að reka torx bita á kaf í brotið kertið, hafður það stór að hann var þéttur í, og síðan var bara skrúfað úr.
Kv. Hjalti
Sæl
Ég vona að einhver geti dregið lærdóm af nýlegum mistökum mínum. Það er EKKI í lagi að bora kertin úr!
Ég sleit nýlega tvö glóðakerti í Patrol 2.8 þegar ég var að skipta um þau. Það var reynt að sjóða á þau en það gekk ekki, þau voru í sundur alveg við heddið. Þá voru þau boruð úr, gatið snittað og settir í hólkar sem kertin voru skrúfuð í, ekki var þetta nógu nákvæmt borað, því endinn á kertinu þarf að fara í gegnum gat inn í forbrunahólfið. Við þetta eyðilögðust tvö ný kerti, en endinn á kertinu er úr keramik efni sem er mjög hart en stökkt og því viðkvæmt fyrir hliðarátaki og höggi. Aftur var tekin röng ákvörðun og útbúinn stýring til að stækka gatið þannig að endin á kertinu færi í gegn án þess að snerta. Þetta heppnaðis að því er virtist og vélin fór í gang og allt virtist í lagi. Ekki hafði ég keyrt langt þegar hljóð kom í vélina sem ekki hafði heyrst áður, tikk hljóð sem var áberandi undir álagi, og var í takt við snúningshraðan, ég keyrði beint heim. Það var svo gagnsett aftur þegar mér fróðari menn um vélar voru viðstaddir, fyrst var sama tikk hljóðið en svo kom hár smellur og verulegur hávaði úr vélinni.
Það var drepið á vélinni um leið, bíllinn er kominn á verkstæði og bíður þess að heddið verði tekið af og skaði metinn.Það er sjálfsagt að prófa að reka í þetta torx bita eða reyna að sjóða á þetta bolta eða ró, það er auðvelt að vera vitur eftir á en það gengur alls ekki að bora í hedd á vél á þennan hátt, það segir sig sjálft. Mér skilst að best sé að taka kerti úr heitri vél, og nota lítið skrall lítið átak og fara varlega. Til að athuga ástandið á kertunum þá er mjög einfalt að setja ampertöng á leiðslunna sem liggur í kertin, það eru 6 – 7A sem fara í hvert kerti, straumurinn er mestur fyrst en lækkar þegar kertin hitna, þetta er það sem ég mældi hjá mér, samtals eru það 36 -42A í byrjun, ef eitt eða fleiri kerti eru ónýt, þá er straumurinn minni sem því nemur. Til að finna ónýt kerti þá þarf að aftengja straumskinnuna og ohm mæla hvert kerti fyrir sig, kerti sem er í lagi mælist ca. 1 ohm. hjá mér hafa ónýt kerti verið rofinn þeas. engin leiðni.
Einar.
Hjalti Guðmundsson, þú ert helv… snillingur og hér með tekinn í guðatölu í mínum skúr.
Kertið tapaði.
H
Gaman að því.
You must be logged in to reply to this topic.