GLÁPGJALD

Ég vildi frekar rukka hvern þann erlendaferðamann sem fer út fyrir Reykjanesskagan eða stígur frá borði úr Norrænu um 1/2 – 1 milljón.
Við þetta mundum við loksins fara að fá eitthvað út úr þessu liði sem er að troða niður landið okkar allt liðlangt sumarið og skíta undir hvern stein.
Þetta gjald mundi líka halda nískupúkum sem engu tíma að eyða hér, frá okkur.
Við höfum ekkert við ferðamenn að gera sem koma hingað á eigin bílum eða eigin vegum með allt með sér, meira að segja vatnið.

Kv. Atli E.
Sem getur ekki þverfótað um hálendið á sumrin fyrir frekum útlendingum og alls ekki hleypt börnunum út úr bílnum hvar sem er, því allstaðar eru steinar með "hvítum-blöðum" undan.

Enn og aftur vilja menn skattleggja ferðaþjónustu til dauða, eins og hún sé ekki næjanlega skattpínd fyrir.

Núna hafa menn áhyggjur að því að ferðamenn séu að sparka allt út, sem vissulega er rétt í mörgum tilfellum og margir fjólsóttir staðir eru löngu búnir að ná þolmörkum og eru hættir að vera aðlaðandi. Þá vill ríkið skattleggja, en ef maður þekkir ríkið rétt, mun varla nokkur króna skila sér í uppbyggingu á ferðamannastöðum, heldur hverfa þessar krónur í kjaftæði og heimsku eins og venjulega.

Eitt tonn af fiski gaf okkur 260 þúsund í gjaldeyristekjur í fyrra. Eitt tonn af áli 210 þúsund og eitt tonn af ferðamönnum (miðað við tólf ferðamenn í tonni) gaf okkur 2.6 milljónir. Í fyrra skilaði sjávarútvegurinn okkur 172 milljörðum í útfluttningstekjur, en ferðaþjónusta 110 milljörðum. Kostnaður ríkissins til að afla þessara tekna af ferðamönnum er fáránlega lítill, ef miðað er við fjárausturinn í sem farið hefur í álverskjaftæðið og sjávarútveginn.

Að byggja göngustíga í Dimmuborgum kostar bara aura miðað við þær tekjur sem ríkið hefur af ferðaþjónustu, en eins og venjulega er ríkið eins og slefandi smábarn þegar kemur að hagsmunum þessarar atvinnugreinir, sem virðist vera sú eina sem plummar sig um þessar mundir og er ekki sveitt við að fá niðurfellingu á lánum eftir góðærið.

Góðar stundir

Heyr heyr Hlynur og Skúli orð í tíma töluð
kveðja Helgi

Auðvitað er það þannig að skattekjur í dag fara oft í allt annað en þær eiga að fara. Hinsvegar er ljóst að það kostar verulega upphæðir að standa vel að náttúrugæðum og náttúruvernd hérlendis, hjá því verður ekki komist. Í dag er enginn skattur sem neinn greiðir sem eyrnarmerktur eru þessum liðum, nema kannski sá venjulegi og auðvitað ætti hann að duga.

Ekki það að ég sé hlynntur skattlagningu, langt í frá en væri settur t.d. skattur á brottfarargjald sem ferðamenn greiða, eftir að þeir hafa notið þjónustunnar þ.e. náttúrugæða og náttúruverndar yrði til sjóður sem nýttur væri í þetta og ferðaþjónar, félagasamtök og aðrir gætu sótt í til að fjármagna sín verkefni.

Að mínu viti er þetta mun skynsamlegri leið heldur en glápgjaldið eins og Ofsi orðar það svo skemmtilega en auðvitað væri best að geta sleppt þessu hvorutveggja og samt staðið vel að þessum hlutum en það er bara ekki veruleikinn í dag.
Veruleikinn er að við þurfum heldur betur að taka okkur taki og standa betri vörð um náttúruna. Sjálboðaliðastarf eins og 4×4, útivist og fleiri eru að framkvæma svo vel víða um land, svo ég tali nú ekki um Veraldarvini og fleiri erlenda aðila er gott og gilt en það bara dugar ekki.

Nánast allar göngustígaframkvæmdir í Þjóðgörðum (þar sem ekki er hægt að koma við stórvirkum vinnutækjum) eru unnar af sjálfboðaliðum. Það skemmtilega við þetta, er að sennilega 90% af því er unnið af Breskum sjálfboðaliðum sem hafa komið hér í hátt í 30 ár. (samtökin heita BTCV) Þessir sjálboðaliðar hafa kostað sínar ferðir til landsins og ríkið skaffað svefn aðstöðu og fæði, sem var lengi vel tjaldstæði og þurrmatur. (hefur þó lagast mikið.) Inn í þeim peningum, sem þessir sjálfboðaliðar hafa borgað til að komast til landsins, hafa að sjálfsögðu verið skattar sem ríkið hefur fengið. Þetta er eins og með björgunarsveitirnar. Í öðrum löndum standa ríkisstjórnir í gífurlegum fjárútlátum til að viðhalda björgunarþjónustu, skaffa allt og borga laun. Hér eru veittir styrkir í formi niðurfellingar á aðfluttningsgjöldum tækja, en lúxus skattur á öllum persónulegum búnaði (meira að segja af aðal fjáröflun þeirra, flugeldunum) og allt í sjálfboðavinnu.
Eru þið vissir um að það sé ríkið sem er að þessu í Dimmuborgum en ekki landeigendur? Landeigendur í Mývatnssveit hafa rukkað inn í Höfðann og hafa viljað rukka inn á fleirri staði.
kv
Þröstur

[quote="Ulfr":yruuivzv]Það sem mér finnst oft svo fyndið með svona skattlagningar, og er kannske ekki endilega fyndið heldur meira sorglegt og lýsandi fyrir ríkið hérna, er að skattlagning á ákveðinn flokk til uppbyggingar eða viðhalds innan þess flokks, fer oft í eitthvað allt annað.

T.d. má nefna bifreiðagjöldin öll sem eru lögð á hitt og þetta í tengslum við bíla, svosem olíu- og bensíngjaldið sem eru sennilega besta dæmið um þetta.

Mér finnst vera nóg komið af skattlagningu. Frekar mætti fara að taka til í þessum málum og láta þann skatt renna til þeirra hluta sem hann er ætlaður, en ekki í að borga upp sendiráð útum víða veröld sem enginn sér tilgang í nema til að geyma gamla ráðherra og flokksgæðinga…

Það má vel vera að tekið sé glápgjald af ýmsum stöðum í BNA. Það þarf þó ekki endilega að lýsa skynseminni í því. Ólíkt bandaríkjunum (eftir því sem ég best veit) hefur annsi margt í tengslum við náttúruperlur sem unnið hefur verið að bæta stíga og þess háttar, verið gert í sjálfboðavinnu hér á landi.

kkv, Samúel Úlfr.[/quote:yruuivzv]

Ég er alfarið á móti því að farið verði að selja sérstaklega inn á hvern áningarstað fyrir sig hér á landi, horfir hins vegar öðruvísi við gagnvart þjónustu sem veitt er á staðnum. Ríkið má heita aumingi ef að það getur ekki tekið örlítið brotabrot af þeim gríðarlegu tekjum sem komur erlendra gesta hingað til lands eru að skapa, og sett í að viðhalda áfangastöðum þannig að þeir geti sinnt þessu fólki sæmilega án stórkostlegra skemmda á náttúru eða miklu niðurbroti.
Mikil aukning í ferðaþjónustu er hins vegar farin að bitna mikið á fjölmörgum stöðum og vel þess virði að skoða hlutina þar í víðara samhengi. Er ekki til dæmis að nálgast sá tími þar sem þarf að a) setja takmörk á fjölda gesta í Landmannalaugum eða b) að fara þar í mikla uppbyggingu?
Svarið fyrir mér á helstu túristastöðunum eins og Geysi og Gullfossi til að mynda er augljóst b), en á afskekktari stöðum finnst mér það alls ekki augljóst og hallast mjög að því að takmörkun ætti heldur að verða þar ofan á.
Bæði við og erlendir gestir heillast mest af óspilltri náttúrunni við ferðalög innanlands. Ef að landið okkar á að anna þessum milljón ferðamönnum sem að er spáð að komi hér árlega innan fárra ára, þarf mikið að breytast. Og já, ég vil að það breytist á þann máta að sem flestir staðir fái að HALDA náttúrulegum sjarma sínum í stað þess að það verði sölustaðir, flott klósett og rúmgisting í boði allsstaðar.

Hlynur og Skúli römmuðu snyrtilega inn afstöðu mína í þessu máli.

Ég vil þó skerpa á þessu enn betur:
Neysluskatttekjur (t.d. eldsneytisgjald og virðisaukaskattur) af ferðaþjónustu eru umtalsverðir, á meðan fjárfestingar eru tiltölulega litlar á bakvið veltuna.
Sérsköttun á ferðaþjónustu s.s. glápgjald er algerlega út í hött og til þess eins fallin að valda óþarfa pirringi og mun heldur ekki skapa tekjur að neinu marki þegar á heildina er litið, innheimta er t.d. ekkert ókeypis.
Ef ríkið myndi marka vitræna stefnu í ferðaþjónustumálum og vinna markvisst að fjárfestingum til náttúruverndar svo að aðgengi ferðamanna skaðaði sem minnst en væri eins lítið heft og kostur væri mætti vel ímynda sér að iðnaðurinn skilaði mun meiri tekjum miðað við óbreytta skatta.

Við þessu er náttúrulega ekki að búast þar sem náttúruvernd er oftast ruglað saman við regluverk og takmörkun á aðgengi….

Best að taka fram að ég er ekki hlynntur gegndarlausum fjáraustri í gæluverkefni hér og þar, til að þróun af þessu tagi gangi vel upp þarf að taka hvert verkefni fyrir sig í gegn um "síu" til að meta arðsemi, áhættuþætti, forgang vegna mögulegs náttúruskaða ef verkefnið er ekki framkvæmt o.s.frv. Til svona greininga eru til aðferðafræði og tól sem stjórnsýslan mætti alveg temja sér í heild sinni.

Ég ætla ekki að pirra mig frekar á þessu í kvöld.

kkv

Grímur, R3167