This topic contains 2 replies, has 1 voice, and was last updated by 
-
Topic
-
Sem hluti af flýtiframkvæmdum ríkisins er stefnt að því að endurbyggja Gjábakkaveg milli Þingvalla og Laugarvatns sumarið 2004. Vegstæðið verður væntanlega fært eitthvað til suðurs í átt að Lyngdalsheiði og fer verkið væntanlega í útboð um næstu áramót.
Óvíst verður með tengingu frá nýja veginum og inn á vegslóðann upp að Bragabót, en öllu viðhaldi verður hætt við gamla veginn þegar sá nýi kemur. Gjábakkavegurinn verður því væntanlega orðinn svipaður slóðanum upp að Bragabót á nokkrum árum.
Þetta er framkvæmd sem kemur öllum jeppa- og sleðamönnum við, sem og ferðaþjónustugeiranum. Þetta er orðið aðal-útivistarsvæðið fyrir suðvesturhorn landsins og er þarna á veturna mjög mikil umferð af jeppa- og sleðamönnum.
Þarf 4X4-klúbburinn ekki að kynna sér málið og reyna að hafa áhrif á að gerð verði vegtenging frá nýja veginum og upp að Bragabót? Þetta er tækifæri sem við verðum að nýta okkur. Ef vegurinn upp að Bragabót verður ekki lagaður með þessari framkvæmd þá verður það væntanlega aldrei gert!
Kveðja,
Ólafur
R-2170.
-
Replies
-
Þó svo nýji vegurinn komi til með að liggja þó nokkuð sunnar en gamli vegurinn, þá verður alltaf hægt að nota veginn sem liggur niður Kringlumýri (gangnamannaskálinn) sem er nokkrum km sunnar og aðeins austar en afleggjarinn upp að Bragabót ,sem tengingu.
KV. Júnni R 268
Ég er ekki alveg viss hvort sá vegur nái alla leið niður að nýja vegstæðinu. Það þarf að tengja þessa tvo saman og byggja upp og þyrfti klubburinn að reyna að hafa áhrif á að það verði gert. Það þarf að byggja upp góðan veg frá nýja vegstæðinu og upp að Bragabót. Það væri væntanlega vel hægt að nota þessa Kringlumýrabraut sem grunn. Í hvernig ásigkomulagi er þessi vegur/slóði núna?
Menn hafa alltaf talað um að vera að fara á Lyngdalsheiði þegar verið er að fara upp í þjófahraun, framhjá Bragabót og inn að Skjaldbreið. Þessi misskilningur hefur fest sig allt of vel í sessi, en eins og flestir vita nú er Lyngdalsheiðin töluvert sunnar en Gjábakkavegur og eru mjög fáir sem hafa farið þangað. Nú er spurningin sú hvort menn hafi þótt það bara einfaldara að færa Gjábakkaveginn niður að Lyngdalsheiðinni svo hægt verði að tala áfram um að fara á Lyngdalsheiðina! (!!!) :o)
Kveðja,
ÓAG, R-2170.
You must be logged in to reply to this topic.