Gisting í Setrinu

Þessi hækkun á skálagjöldum þýðir að maður borgar 400 krónum meira fyrir helgina, ekki finnst mér það svo sem mikil ósvífni, mun meiri eftirsjá af aurunum á olíudælunni á Select.

Enn er eitthvað til í því að við séum að fá innisalerni í Setrið? Ég heyrði reyndar að maður þyrfti að kaupa miða á nýja salernið hjá Dúkkulísunum í flugsveitinni og settar verði upp myndavélar svo hægt verði að sjá hverjir pissi mest frammhjá, svo Fastur minn haltu bara áfram að losa í skottið á Wrangler.

Annars eru þeir Stebbi og Laugi í Trúðunum búnir að hanna afar flottan þvaglegg sem gerir manni kleift að sniðganga þetta nýja salerni hjá Soffíu og hennar saumaklúbb.

Kveðjur Lúther

Það hefur verið hefð í minni fjölskyldu að ég pissa á patrola og konan dissar þá þannig að leggur kemur ekki til greina Lúddi minn. Annars er það gott mál að setja postulín inn í setrið því að ég veit af reynslunni einni að við karlpeningurinn förum ekki langt til að tæma fyrir nýjum byrggðum, sumir fara ekki einu sinni út.

Við í skálanefnd erum að vinna að því að setja nýtt salerni við Seturskálann. Það verður þó eingöngu grafin niður rotþró og lagnir að henni í sumar.

Við í skálanefnd vorum fullir eldmóð að klára þetta bara allt í sumar en gleymdum víst að sækja um fjárveitingu í allt verkið og þess vegna verðum við að hægja á okkur áfram í skíthúsinu sem er þarna einhverstaðar í grendinni.

Hækkun á skálagjöldum var löngu tímabær. Það má þó ekki gleyma að menn í klúbbnum geta keypt sér 10 miða kort á 7000 kr. Skálagjöld hafa skilað sér ákaflega misjafnlega og mæli ég með því að menn standi skil á þeim þannig að uppbygging geti haldið áfram á skálanum og hann verið okkur til sóma.

Við ætlum í vinnuferð helgina 29-30 júlí og þá verður rotþróin grafin niður og ýmislegt annað brasað. Við í skálanefn óskum eftir aðstoð félagsmanna í þessa ferð og mega þeir sem sjá sér fært að mæta gjarnan hafa samband við okkur.

Kveðja Theodór Kristjánsson.
Skálanefnd.

Skráningarlisti Setursferð 29-30 júlí.

Sjálfboðaliðar.

1. Theodór (Sér um að smakka ölið)
2. Gísli (Röflar og skammast í sjálfboðaliðum)
3. Eyþór (Vinnur erfiðustu vinnuna)
3. Bjarki (Þvælist fyrir)
4. Óskar Abba (gerir við skemmdir á eigin bifreið)
5. Einar (Stýrir gröfunni)
6. ???? kannski Lúther (Gerir líklega líka við bíllinn)
7. ???? kannski Hlynur (Segir ofursögur af Patrol)
8.
9
10………………..

grunaði gvend, en er þetta réttur skáli sem verið er að fara í ?

kv
js

Ég held að menn séu eitthvað að misskilja þetta með hækkunina, það er ekkert verið að hækka gistinguna!! það er verið að reyna að koma þessum miðum almennilega í umferð. þið sjáið það allavega sjálfir, að 10 stk miðar á 7000 kr. það er ekki hækkun, og á miðana skrifar maður nafn og félagsnúmer og setur í kassann inn í setri. Ekkert meira mál að muna eftir miðunum frekar en lyklinum. Og látiði nú ekki svona það er verið að breyta til betri leiða þykir mér, svo skálagjöld ættu að skila sér betur. Og þær eru strax mættar kerlingarnar á netið til að væla, verum pínu jákvæð á hlutina.

Miðakveðjur Bjarki.

Ég hef nú ekki komið heim til þín Fastur minn en af umgegnini að dæma þá hef ég svo sem ekki mikinn áhuga, pissa á ( í ) sinn eigin bíl lýsir nú bara innri manni, það er nú kanski ágætt að Siggi tæknó fái smá pásu í kamarþrifum og þú tækir við og smúlaðir út eftir þig :).

hélt það væri kostur að hafa innangengt úr bílskúrnum og inn í hús, en réttilega sitt sýnist hverjum.
ég tel það hinsvegar kost að hreinlætisaðstaða sé tengd aðalhúsin hér eru ekki bara "full-frískir" karlmenn og konur heldur born líka eflaust má útfæra hreinlætisaðstöðu þannig að hún sé nokkurnvegin sér "býslag" kanski afskermd með sér innihurð,góðri loftræstingu sem og opnanlegum fögum í 2 eða 3 áttir, eitt er svo víst að þegar aðgengi að hreinlætisaðstöðu verður auðveldað svona (flæði) þá verðu mun meiri notkun á þessary nýju aðstöðu samanborið við núverandi aðstöðu, en svo má náttúrulega halda þeirri gömlu líka til að létta á…….just an idea

kv
jon

Þessi hækkun er bara hið besta mál – allavega mun ég ekki sjá eftir þessum fáu aukakrónum ef ég þarf að borga þær….

En að skítalykt og kömrum innanhúss – það eru til þónokkrar og vissulega misgáfulegar leiðir til að koma í veg fyrir að skólplykt berist inn í hús ef vatnslásar þorna – en þær leiðir sem ég hef kynnst í gegnum tíðina hafa allar haft eitt sameiginlegt – þær virka ekki.

Þess vegna held ég að ef að á að vera innangengt á kamarinn þá verði bara að sætta sig við að það sé smá lykt þegar mætt er á staðinn og það verði að lofta út.

En annars hefur mér heyrst að flestir skálanefndarmenn séu sérfróðari um þessi mál en flestir sérfræðingar á sviði frárennslismála þannig að ég bíð spenntur eftir lausninni.

Benni