This topic contains 8 replies, has 1 voice, and was last updated by 
-
Topic
-
AnonymousJæja þá er ég kominn á jeppa. Málið er að ég á kastara sem mig langar til að festa á hann. Það sem ég kann ekki er hins vegar það, Við hvað tengi ég ljósin, þ.e.a.s. hvar í rafmagn fara þeir eiginlega. Ég er búinn að finna hólf í bílnum til að setja rofa í og þar er einnig tengi fyrir að ég myndi giska ljósarofa (rafmagnssnúrur með tengi eru til staðar þar). Ef einhver er til í að segja mér eitthvða um þetta þá væri það vel þegið. Ef það hjálpar eitthvða þá er þetta Isuzu Pickup.
Kveðja Borgþór.
-
Replies
-
Sæll Borgþór.
Það eru nokkur atriði sem þú verður að hafa í huga. Ég tel engar líkur á að þeir vírar sem þú nefnir komi þér að gagni.
1. kastararnir verða að tengjast í gegnum relay. það er vegna þess að hæpið er að rofinn sem þú notar geti flutt þann straum sem þeir taka.
2. Rofinn sem þú notar verður að vera með ljósi. Reyndar máttu einnig setja ljós annars staðar, en allavega þarf að kvikna gaumljós þegar kastararnir eru kveiktir.
3. Þú mátt ekki geta kveikt á kösturum nema kveikt sé á parkljósum. Þetta þíðir að þú þarft að finna straum frá parkljósi, (getur verið frá ljósarofa, parkljósi eða bara frá mælaborðsljósi en þá framan við dimmer) og taka þann straum inn á rofann sem þú notar til að stjórna relayinu.
4. Ef þú tekur straum frá rafgeymi inn á relayið máttu alls ekki gleyma að setja öryggi á þann vír. Ef það er ekki gert, er allur straumur rafgeymisins inn á relayið. Því verður öryggið að vera sem næst geyminum.
kveðja,
Emil Borg
Anonymous- Umræður: 0
- Svör: 16404
Þokuljós má tengja á park, en kastara verður að tengja saman við há ljós, þannig að aðeins logi á þeim séu háljós kveikt.
Þetta er ekki alveg rétt hjá þér Bjarni.
Í reglugerð um gerð og búnað ökutækja er tekið fram í lið 07,01 (10) að kastarar skuli tengdir gegnum sérstakan rofa með gaumljósi, og megi eingöngu loga með háum ljósum.
Síðar, eða í kafla 07,203 er svo undnantekning sem er hér fyrir néðan.
[b:279c47gz]07.203 Breytt bifreið[/b:279c47gz]
Breytt torfærubifreið má vera búin tveimur ljóskösturum sem mega vera tengdir stöðuljóskerum um eigin rofa og samtengdir gaumljósi í mælaborði.Í þessari sömu reglugerð er þessi klausa um þokuljós
Þokuljós.
Litur: Skal vera hvítur eða gulur.
Dreifing: Ljósið skal dreifast vel til hliðanna og hafa greinileg lárétt birtumörk.
Staðsetning: Ljósker skulu vera framan á ökutækinu. Hæð skal vera a.m.k. 250 mm en ekki meiri en hæð lágljóskera. Fjarlægð frá ystu brún má ekki vera meiri en 400 mm.
Stilling og ljósstyrkur: Ljóskerin skal vera hægt að stilla nákvæmlega á auðveldan hátt. Ljós skal ekki lýsa lengra fram á veginn en lágljós viðkomandi ökutækis. Mesta afl peru sem nota má í hvort ljósker er 70 W.
Tenging: Ljósker skulu tengd stöðuljóskerum um eigin rofa.Kveja,
Emil
Þetta er athyglisvert.
Þýðir þetta ekki að ansi margir séu með ólöglega kastara ?
Ef kastarar mega ekki vera meira en 40 cm frá ystu brún ?
Allir þeir sem eru með tvo kastara nokkurn vegin fyrir miðju – DC er t.d. sagður vera 1,7 m á breidd á toyota.is. Miðað við það þyrfti að vera 90 cm milli kastarana ? Það eru örugglega margir með minna, tala nú ekki um á breiðari bílum eins og Patrol ?70W hámark..jahá…hrmmrmm ?
Athugaðu Arnór að þetta á við um þokuljós.
Ég er ekki með þessar upplýsingar um kastara hjá mér, en eitthvað svipað er gefið upp með þá.Emil
Frumherji er með ágætis lesningu um þetta [url=http://www.frumherji.is/uploads/files/3DB1298FD3F7.pdf:24hzri6d]Hér[/url:24hzri6d].
kv.
Þorsteinn
Rétt Emil, þetta á bara við um þokuljósin, ég missti af því.
Reglugerðin í heild sinni er [url=http://www.reglugerd.is/interpro/dkm/WebGuard.nsf/key2/915-2000:2goqaoai]hér[/url:2goqaoai].
..og þar eru ekki nein sérstök skilyrði varðandi staðsetningu ljóskastarana eins og er varðandi þokuljósin.
En það er ánægjulegt að vita að það sé komin undanþága fyrir breytta bíla varðandi kastarana(er þetta búið að vera lengi?) – ég hef alltaf staðið í þeirri meiningu að kastarar þyrftu að vera tengdir háuljósunum – mér hefur alltaf verið sagt það allavega…..og svo er ég alltaf jafn undrandi að sleppa í gegnum skoðun með þá 😉
Arnór
Sælir strákar.
Ég man ekki betur en þetta hafi verið svona í reglugerðinni í mörg ár. Ég hef allavega farið eftir þessari reglu sjálfur lengi.
Það sem flestir hafa flaskað á er að lesa klausuna um kastara almennt, en hafa ekki skoðað undantekninguna fyrir jeppana.
Emil
You must be logged in to reply to this topic.