This topic contains 9 replies, has 1 voice, and was last updated by 
-
Topic
-
Góðan dag, Björgvin R. Leifsson heiti ég og gekk í 4×4 í febrúar sl. Ég ferðaðist talsvert á fjöllum á árum áður þegar ég var bæði ungur og fallegur en hef lítið til fjalla farið sl. 20 ár eða svo. Á þeim árum átti ég stundum breytta bíla en á núna Grand Vitara 2012, upphækkaðan fyrir 30″ dekk og reikna ekki með að breyta honum mikið meira en það.
Ég hef farið ýmsar leiðir, svo sem Kaldadal, Kjöl, Sprengisand (þ.m.t. Eyjafjarðar- og Skagafjarðarleið), allar Fjallabaksleiðirnar, Þórsmörk, Laka, Gæsavatnaleið (áður en hún var brúuð), Herðubreiðarlindir, Öskju, Kverkfjöll, Hólmatungur og Flateyjardal svo eitthvað sé nefnt. Ég hef engan sérstakan áhuga á vetrarferðum en hef hugsað mér að bæta við Arnarvatnsheiði og leiðum þar, hálendinu austan Kreppu og Loðmundarfirði. Þá á ég eftir leiðirnar sunnan Hofsjökuls, Núpsstaðaskóg og Lónsöræfi. Ég ætla nú ekki á nánast óbreyttum GV út í Núpsvötn og Skyndidalsá en mér skilst að einhverjar af leiðunum sunnan Hofsjökuls að Setrinu séu þokkalega færar lítt breyttum jeppum, er það rétt?
-
Replies
-
Sæll Björgvin. Þessar leiðir sem þú spyrð um eru þokkalega færar óbreyttum jeppum yfir sumartímann en þá en skynsamlegt er þá að vera ekki einbíla ef menn þekkja ekki aðstæður á þessu svæði. Hérna, https://old.f4x4.is/index.php?option=com_con … Itemid=462 eru svo leiðarlýsingar sem þú getur kannski stuðst að einhverju leyti við en þær miðast við að ferðalangar séu að koma frá suðurlandinu en miðað við að þú sért að koma kjalveg að norðan geta þær einnig komið að gagni. Leiðirnar kringum Setrið liggja flestar um sand og malarsvæði eða stórgrýtta kafla og eru með lagni færar óbreyttum bílum. Viljir þú taka göngutúr inn að Nautöldu er bílastæði við Blautukvísl þar sem göngufólk veður jafnan yfir kvíslina en til þess að komast þangað þarf að aka yfir Hnífá og er þar góður klapparbotn en fyrir óbreyttan bíl gæti landtakan verið örðug austanmegin en þó mögulegt fyrir laginn bílstjóra. Ég hef þvæslt dálítið um þetta svæði vegna starfsins sem ég og fleiri vinna í kringum skála ferðaklúbbsins og ef þig vantar frekari upplýsingar getur þú haft samband við mig annaðhvort í síma 893-6560 eða lmeinarsson@gmail.com.
Kv. Logi Már.
Sæll Björgvin. Þú minnist á Skyndidalsá. 1993 fór ég yfir Skyndidalsá á Lödu Sport í fylgd með afar kunnugum manni ,Steina í Bjarnanesi, og gekk það mjög vel enda gott veður og frekar lítið í ánni svona nokkurn vegin yfir hjólin Skyndidalsá er afar fljót að vaxa og getur verið alófær nema og kannski öllum bílum þó að það hugtak ófært sé afstætt. Það er skemmtilegt að keyra yfir Kjarrdalsheiðina inn á Illakamb eftir mjög krókóttum vegi og er þá um hálftíma gangur að Múlaskála. Mér fannst aurar Jökulsár í Lóni með ólíkindum líkir aurum Jökulgilskvíslarinnar við Landmannalaugar. Litirnir og straumlagið en á Lónsöræfum eru tré en jarðvegur grjót og möl í Jökulgilinu. Mér gengur illa að setja inn myndir hérna á nýju síðunni og bendi á ýmsar myndir á picasaweb.google.com/olgeire . Með ferðakveðju Olgeir í Nefsholtiþ
[quote="logimar":2ss50s0n]Hérna, https://old.f4x4.is/index.php?option=com_con … Itemid=462 eru svo leiðarlýsingar[/quote:2ss50s0n]
Ég tók eftir því að talað er um afrétt Rangæinga á Gljúfurleitarleið sem ég hefði haldið að væri ekki rétt. Þó það sé ekki aðalatriðið í þessu samhengi er spurning um að uppfæra þetta þ.e.a.s. ef þetta er ekki rétt.Kveðja
Snjókallinn
Takk fyrir þessar upplýsingar. Kannski ég skoði Skyndidalsá næst þegar ég á leið þar um. Varðandi Arnarvatnsheiði:
1. Er það rétt að búið sé að laga veginn þar töluvert á síðustu árum, t.d. Leggjabrjót?
2. Er mikill tímamunur á að fara Stórasand og svo heiðina niður í Borgarfjörð eða fara upp úr Miðfirði? Hvort er erfiðara?
Sæll
Já það er rétt að það er búið að laga veginn uppá Arnarvatnsheiði að Leggjabrjót (skálanum í Álftakrók) Leggjabrjótur er frekar seinfarinn betra að fara upphjá skálanum og austan við Mordísarvatni og þá kemur þú að gatnamótunum við Arnarvatn stóraHvort er betra að fara uppúr Miðfirði eða Stórasand ? Ég mundi fara bara alla leið og koma niður á Kjalveg það er svolítið seinlegt en gaman að fara þessa leið.
Takk fyrir þetta, Ásgeir, en athugaðu að ég er að spá í að fara suður heiðina en ekki norður 😉
Sæll aftur
Það er flottara að fara hana þá leiðina (í vesturátt) því þá ertu með fjallasýnina fyrir framan þig en ekki í baksýnisspeglinum. Ef þú ert af suðvesturhorninu þá er lika hægt að fara af Uxahryggjum yfir Haukadalsheiði yfir á Kjalveg gista einhverstaðar við Kjalveg og fara Arnarvatnsheiðina heim daginn eftir, góður 2 daga túr.
Kv Ásgeir
Takk aftur, Ásgeir, en ég er af Norðvesturhorninu þó að ég sé fæddur og uppalinn í Rvík 😉
Ég verð í Skagafirði um mánaðarmótin júní-júlí og er að spá í að fara heiðina suður í Borgarfjörð en er ekki búinn að ákveða hvaða leið. hvernig er leiðin upp úr Vatnsdal?
Leiðin upp úr Miðfirði er "fólksbílafær" fyrir utan kannski smá kafla innst í Austurdal en þar er grófur slóði og ekið ofan í árfarveginum. Unnið er að gerð nýs vegar þarna til hliðar við aurarnar en ég veit ekki hvenær hann verður tilbúinn. Þetta er greiðfarin og þægileg leið.
You must be logged in to reply to this topic.